اللي استغربه ان الوحدة تقول السعر ع الخاص .. ليه طيب ..!
انا حتى لو ابي اشتري شي .. مالاقي سعره عليه مالي خلق ارسل و اقول عطيني السعر .. وش هالمشوار !!
احياناً توصلني رسايل اكون نسيت اني سألت عن سعرها و فقدت الحماس !!
02-12-1426 هـ, 06:14 مساءً
 
يا ليت المشرفات يتصرفن مع البنات الا يقولن عالخاص
لانهن لا يطرشن ولا شي بس يبنا نرفع مواضيعهن
فعلا شي يضيج
03-12-1426 هـ, 08:37 صباحاً
 
بامكان الإدارة وضع قانون يخص البضائع التي لا تعرض على العام

ومن وجهة نظري تكون :

1- الملابس الداخلية والخاصة
2- فساتين السهرة والأعراس ( لأنها تفقد خصوصيتها إذا عرضت على العام )
لأنه أغلب السيدات يحببن التميز وأن يكون فستان غير مستهلك وشاهده الكثير
وبالذات إنه أغلب الأخوات يطلبون الصور لمشاهدتها فقط وليس بنية الشراء

هذا اللي استحضرني ..أما أغلب البضائع فما فيها شي لو عرضت على العام
03-12-1426 هـ, 08:45 صباحاً
 
يعطيكم العافيه اخت جويا انتي معاك حق ماعترضت وكمان الكتالوج رووووووووعه يصلح للعرايس اللي بتجهز بس اختي جهزت وخلصت بس ماعليك مدحته لصحباتي اللي اعرفهم ..لكن من ناحية مثل ماقالت الاختGuesss والاخت حيزبونه حنا بالاول والاخير من دول عربيه لا يربطنا بعضنا الا النت وتبادل المنفعه مع بعضنا ومشاء الله بضاعات روعه واسعارها جميله مللنا من نصب المحلات التجاريه وحنا نساء نعرف شو نحتاج له وذوقنا معروف ومتشابه نحب البخور نحب ادوات الزينه نحب كل شي يضفي لحياتنا نكهة خاصه
مشاء الله الموضوع اللتي تضع صاحبته بضاعتها مصور تلقي اقبال عليه كبير
الشروط الواجب اضافتها للمنتدى العروض والتجاره ويكون مثبت
ان تكون العرض مصور ووتذكر قيمته
البضاعه اللتي تتكون من ملابس داخليه (الستيان والكلوتات) تعرض بالخاص لكن قمصان النوم تعرض بالعام مع طمس المعالم ببرنامج الرسام الي مع الوندوز(مثل ركن العروس الا نعرض لهم قمصان النوم وغيره وايضا يحدد السعر
وفساتين الزواج المعروضه للبيع تعرض على الخاص لكن السعر يحدد بالعام مع اني اجد الموضوع ما يستاهل خاص اذا ما شرته ذي الثانيه بتشتريه
احمد لله البريد المستعجل ما يقصر البضاعه يومين الى اسبوع وهي عندك
تصوير البطاعه:
الجوال مشاء الله يصور زي الكامير للي ماعندها نقول كاميرا وكاميرات الدجتل حقت النت رخيصه 150 ريال صوري من خلالها بضاعتك تلقينها عند محلات الكمبيوتر
وبالتوفيق للجميع واشكر لكم اهتمامكم بالموضوع
03-12-1426 هـ, 02:06 مساءً
 
مرحبا

حفظا للحقوق البنات مايعرضون بضاعتهم على العام،، وبناء على تجربتي كتاجرة جديدة،، مشكله لما تعرضين الاسعار على العام وتجي وحده فاضيه تنحش الزباين وتقولج الاسعار غاليه رغم انها لو لها نيه شراء كانت خبرتج على الخاص، تنصحك فيه تحاولين تخفضين السعر علشان تكسبي زباين اكثر..

مثلا انا بضاعتي الله العالم ربحي فيها قلييييييييل ، لا وكله يروح للمواصلات والروحات والجيات للي يمولها، وغير اللي تبي مقاس ثاني ارجع اغير لها المقاس واللون و و و ،، وكله يهون الا انها بالاخر تسفطك على جنب وتحرجك مع الممول.. رغم اني شاريه منه البضاعه كامله،اللي اسويه بس تغيير المقاسات او الالوان...

صار لي كذا بموضوعي،، رغم اني منزله كل التفاصيل على العام بس جتني وحده الله يسامحها كل يوم سؤال وكل يوم استفسار وبالآخر تقولي خلاص ما أبي.. ماناسبني السعر!

انا ما اجبرها ولا شي بس من الاول لمن شافت السعر ما ناسبها تقولي الله يوفقج السموحه وخلاص القلوب متصافيه،، اما هالاسلوب من جد اخذ من وقتي كثير رغم وقتي الضيق... ولا تنسوا الوقت اللي اخذ مني وايد في تنسيق الموضوع ووالصور وكتابة الاسعار عليها والتفاصيل رغم اني مافهم ببرامج الصور... الله يسامحها..

وبالمقابل ناس كثيره عسل،، راسلوني واستفسروا مني والحمدلله صرنا اصحاب وحبايب.. وربي يوفق الجميع
03-12-1426 هـ, 02:32 مساءً
 


الساعة الآن 07:25 .