السلام عليكم
موضوعي ع مشروع (كورة الشوكولاته)
وكلنا عارفين الناس هابين فيها وانا عني مرا اعجبتني الفكره جميله وجديده وحلوه
وشفت كثير بنات حابات يصلحونها ولاهم عارفين كيف !!
صراحه جدآ سهله بس يبغالها طول بال وصبر لمين تتعودين عليها اذا اتعودتي خلاص مافي اسهل منها
والموضوع هديه مني ل اخواتي اللي حابات يسوونها ويترزقون الله فيها
اول شي مقاديرها : شوكولاته خام فيه انواع كثيره انا اشتري من ملتقى الخبازين شوكولاته ب الحليب ،، الصوص : 1/ ك كريمة خفق + ربع كوب شوكولاته اما جالكسي او خام او اي شوكولاته ساده
طريقتها تذوبين الشوكولاته ب حمام مائي طبعآ كلنا عارفين ان الشوكولاته الخام مايجيها ولانقطة مويه حتى بخار الماء يخربها ، اذا ذابت ندهن القالب بالشوكولاته ب فرشاه سيلكون ونحطها بالثلاجه بس تتماسك نطلعها ثم ندهنها طبقه ونرجعها ل الثلاجه وندهنها طبقه ثالثه ونرجعها ل الثلاجه نخليها 10 دقايق ونطلعها من القالب ثم نصلح وحده ثانيه خلاص صارت عندنا 2 ناخذ الصحن اللي بنحط فيه الكره ونحط شوي شوكولاته خام لاتصير حاره عشان ماتذوب القاعده ونجلس الكره عليها ونبدا نحشيها ( باوند كيك ، كوكيز ، اوريو ، فراوله ، توت ، مارشميلو ، دايجستيف ، ) ثم نجيب الثانيه ونحطها عليها عاد طريقة التسكير بقمع بلاستيك نحط شوكولا خام ونمررها ع الفتحه ونمرر بطرف السكين عشان يتساوى
ملاحظه : اذا طولت الكره ب الثلاجه بعد اول طبقها وثانيه طبقه تراها تتكسر مجرد ماتبرد نطلعها وندهنها خلاص الطبقه الثالثه ماتتكسر ..
اذا طلعت الكوره نسخن صينيه ونحرك اطراف الكوره عليها وبسرعه نشيلها عشان يتساوى سطحها ..
قبل التقديم ب نصف ساعه تكون الكره برا الثلاجه عشان اول مايجيها الصوص تذوب ..
وانتبهو تكثرون الطبقات ثم ماتنفتح الكوره ..
القوالب الميني بكل مكان تلقونها ( ملتقى الخبازين ، هزاز ، تافولا )
اما الحجم الكبير والوسط هذا انا اخذهم من تاجره تبيعهم مآدري يمكن ممنوع احط اسمها هِنا اللي تبغى حسابها تتواصل معي ع الخاص ..
وفي الآخير يعلم الله آني ماحطيت الموضوع الا ابغى اخواتي يترزقون ربي لانها جميله و الناس حابينها
ومابي منكم الا الدعوه الجميله منكم ..
الله يرزقنا آجمعين
تحياتي لكم ..

استغفر الله العضيم واتوب اليه

[ سبحان الله ~ الحمد لله ~ الله اكبر ~ لااله الا الله ]

لا اله الا الله سبحانك اني كنت من الضالمين
جزاك الله خييييييييير ياعسل وعساه في موازين حسناتك ان شاء الله
سبحان الله وبحمده سبحان الله العظيم
شكرا لك
ياحليلك حبييتك والله

يكفي انك ساعدتي البنات ربي يجزاك كل خير .. صح مالي بالطبخ انا بس شكرا لك
الله يعطيك الف عااافيه وفعلا طريقتها سهله وشفتها في كذا مقطع تيوب
واصلا عرفت الطريقه من اول ماشفتها بالانستغرام .. يعننني ههههه

بس الابداع هو بفكرتها ..عبقري اللي اكتشفها
وشكككرا مرة ثانيه حبيبتي



الساعة الآن 01:15 .