السلام عليكم ..يابنات انا مره متضايقه ومرهقه وراسي بينفجر ..حصل وتوظفت في قطاع خاص اداريه لي اسبوع طيب ماعندي اي شي كل اللي اسويه استقبل الزباين وملل فظيع لان مافي زباين نهائي ...كنت اداوم تمام بس اخرج بدري شوي لان الدوام فترتين ومن يومين مالكه المحل مشدده علي وموصيه وحده علي وانا احس ودي اذبحها الفتانه هذي قاهرتني من يوم اطلع تدق عليها وهذيك تتصل ويلا تزفني والي منرفزني ان العامله ذي بتضحك علي مسويه البريئه وانا عارفه ومتاكده انها هي اللي تعلم طيب ...مو مشكله بتقولون موصيتها و و و خلاص ماختلفنا 




يابنات الدوام تقريبا من 10الصباح لين 10باليل ارجع فتره الظهر البيت يعني اريح ثلاث ساعات واروح مافي اي شي بس اجلس اتفرج فيهم حاولت ف صاحبه المحل لكن مره رافضه الا اداوم مثلي مثل العاملات ...انا كنت ناويه اسوق لها وانشر المحل حقها علشان ينشهر لكن صراحه حقدت عليها ماتستاهل اقول دامها ماسوت الممكن علشاني ليه اسوي المستحيل علشانها وليه اتعب روحي وهي مهي راضيه تعطيني وقت دوام اقل بساعه والمشكله هي مابتفرق معاها لان اصلا تقولي محلي له سنه بأيدي العماله الاجنبيه لكن قالوا لازم وحده سعوديه ووظفتك طيب دام كذا خلاص اعطيني ساعات عمل اقل رافضه... 








الراتب 4500 مرات اقول بتحمل شهر واسحب ومرات اقول ماعندي شي في البيت ومافي وظايف وانا احتاح الراتب صراحه. 








شورو علي يابنات تكفون والله مره ارهقت انا ودي فيها بس ابغى اخرج 9مو 10 والعامله ذي مطفشتني بتموت اني جيت لانها قبلي هي كانت ماسكه كل شي الحين تستفزني تدخل في شغلي وانا ان مسكتها فقعت وجهها لانها مره منرفزتني حته شغاله لكن اتحمل واصبر ماودي اسوي عداوات ...




يعني تخيلوا يابنات قلت للمالكه ابغى جوال فيه انستقرام وواتس بسوي حساب واسوق لك فيه وانشر المحل وراحت جابته لي طيب واول ماراحت انا نسيت الجوال على الطاوله وتقوم ذي العامله تاخذه وتحول اللغه انجليزي وتاخذ كرتونته تدسها بدرجها واجي ادوره مالقيته وطلبته واخذته ورحعته عربي وقعدت اسوي فيه واطلب الشاحن تخيلو تجي ترميه كذا زي اللي بنفخه تجاهلت الشي ذا












امانه يابنات شورو علي اترك العمل ذا والا اكمل فيه انا احتاج راتبه صراحه وكمان بتعطيني شهاده خبره اداريه تفيدني في التقديم لجداره ....بس مررره قافله معي من نظام الدوام كل يومي برى لا اقدر اتسوق او اتمشى ولا شي وفوق ذا العامله ذي مستفزتني حيل احيان اقول انتظم وبكذا تاكل تبن ماتقدر تقول شي بس تتعب 😢😢😢😢












انتظرركم. اللي يايدون حمسوني اي شي ابغى طاقه ايجابيه لان يمكن هالشي اشوفه صعب لان خجوله بطبعي وكمان لي سنتين متخرجه وجالسه بالبيت 
لو انا مكانك ولا عندي شغل بالبيت

اداوم وانا خشمي بجبهتي ماعلي من ذا البنت
ياختي ذا رزق وجاك حافضي عليه
ولاعليك من احد البنت الي مضايقتك طنشيهاااا خليها تاكل بعمرها
وانتي سوي شغلك واذا تمادت اشتكي عليها ووقفيها عند حدها
واغراضك حطيها بدرج وقفلي عليها
وخذي معك خاتم تسبيح وعندك جوال ومواقع تواصل خلاص مافيه طفش
واستفيدي شي من الوظيفه جمعي شي من الراتب ع الاقل ماتطلعين بلوشي
اخواتي ربما منكم من دعوتها لاترد
ادعولي
ربي وربكم يرزقني الذريه الصالحه
تامه الخلق والخلقه رضيه رب ووالدين
عاجل غير اجل

يااارب
الله يسعدك يارب انا احاول اتصبر بكلامكم والله
انا لو اني محلك ادرس لو ان شاءالله دورة شهر و لا الاهانه هاذي كلها وفيه دورة اسمها دورة شهادة كامبردج هذي شهادة معتمده من بريطانيا انا جالسه ادرسها بس مو ع حسابي على حساب الدولة لانو من حافز جاني الترشيح وماباقي لي شي واخلص الحمد الله واعرف وحده تدرسها على حسابها دفعت بس 2000 والله انا لو محلك ادرس واترك الشغل عندها واتوظف بالشهادة اللي راح اخذها
اللهم ارزقني بال طويل وصبر جميل وفرج قريــــــــــــ ـــــــــــــــ ـــــــب ( اللهم آميــــــــــــ ـــــــــــــــ ـــــــــــــــ ــــــــــن)
شوفي حبيبتي
الراتب حلو لكن الدوام طويل جدا
تبين نصيحتي بعطيك النصيحة بحالتين

الحالة الاولى في حال لو كملتي عندهم
اول شي مالك دخل بالعاملة خليك في شغلك وبس
خذي معك كتب مري جرير وخذي لك مجموعة كبيرة من الكتب واقعدي عليها كل ثلاث او اربع ايام خلصي كتاب
صدقيني راح يمر وقتك ماتحسين غارقة في بحر العلم الواسع وتكتسبين مهارات وثقافات مااكتسبتيها في السنتين اللي راحو

عندك اوقات الصلاة تتوضين وتصلين يعني في وقت للراحة وتسنني واقري اذكارك

دقي على وحدة من صديقاتك كل يوم سولفي معها ضيعي الوقت

معاك جوالك انستغرام وتويتر وسناب تسلي فيه

وراتبك لا تبذرينه ولا تطلبين من مطاعم واجد تروح فلوسك عالفاضي
وصدقيني ماتفرق التسع عن العشر اطلعي عشر الا ربع وخلي الطلعات في الاجازات


اما نصيحتي الثانية اللي انصحك فيها اكثر
في حال لو ما بتكملين معهم خلصي الشهر عالاقل عشان تستلمين راتب كامل وشهادة شهر خبرة
وروحي الروضات والمدارس الاهلية قدمي فيها
اذا انتي بكالوريوس دوري معلمة باي مدرسة كل المدارس تبي معلمات
واذا شهادتك ثلنوي دوري حضانة تمسكين الاطفال وتتسلين معهم صح تعب لكن يكفيك دوام للظهر مو لانصاص الليالي وحتى لو الراتب اقل اسم ان عندك وظفة بعدها وانتي موظفة ممكن تكملين دراستك على حسابك وتلقين وظيفة افضل إن شاء الله


ربي يوفقك وييسر امرك


الساعة الآن 02:33 .