بسم الله ببد لكم بسرد يوم ولادتي ومعرفتي بنوع مولودي

بسم الله الرحمن الرحيم
اول شي اللهم لك الحمد والشكر ع نعمك يالله الحمد الله الحمدالله الحمدالله
بسرد لكم ع طول وادري طولت بس ضغوط العمليه من جهه وبناتي والنونو والصغير
اول شي انا كشفت اتوقع برابع وسطه سوت لي سونار قالت ممكن بنت بس تعاليني بدايه الخامس او وسطه قالت لي بنت طبعا انا بحكم عندي بنات فكنت اتمنى الولد المهم ماخاب ظني بربي سبحان الله يابنات جاني احساس انه ولد ومتاكده مره انه مره مدري وش هالاحساس وكنت اقةل لزوجي وش نسميه قال انتي انهبلتي مرتين قالت لك بنت بس مقتنعه انه ولد سبحان الله بنات يووووووم عرفه وليلتها لجات لربي وحده وبكيت من قلبي له لاني بجد اتمنى ولد وادعي الله يحفظ بناتي ويرزقني برهم يارب كنت صايمه عرفه وكان يوم جمعه وقبل المغرب لجات لربي وفرشت سجاااادتي ودعيت ودعيت وانا عندي يقين ان ربي بيحقق مطلبي وياااااااااااارب لك الحمدالله والشكر يابنات رحت سويت سونار نهاية السادس قالت لي بدون مااسالها ماشاءالله تبارك الله ولد عاد انا وقتها حمدت ربي وشكرته يارب وسالتها قلت متاكده قالت ميه بالميه ورتني الخصيه وصورتها لي وانزل لزوجي ابكي من الفرحه واضم بناااتي من فرحتي رحتي بيتي سجدت لربي شكر ع اني اللي رحت لها اول مره اكدت لي انها بنوته وانه مافي قضيب ولا خصيه بس ربكم فوق كل شي ماشاءالله تبارك الله الله يحفظه يارب ويرزقني بره ويرزق كلوحده تتمنى ولد يارب امين





قصة ولادتي 000
طبعا جاني مغص خفيف وتعبت من الثقل مره ورحت لطواري الحمادي واستقبلوني احسن استقبال انا وزوجي وفسخو ملابسي ولبسوني لبس المسستشفى وانا اقولهم خير مافيني ولاده ترى قالو لا ك>ا الكشف لازم ولبسو زوجي معي بعد هههههههه المهم كانت الساعه 11 الليل يوم السبت اللي راح جت الساعه 12 جت الدكتوره حطو لي التخطيط قالو فيك طلق مو حاسه قلت الا خفيف قالت مااشوفه خفيف الدكتوره قالت بكشف عليك من تحت وكشفت لقته مفتوح 2 ونص وبعدها سويت ااشاعه قالت وين انتي مطوفه والبيبي كبر ببطنك لازم الساعه 3 الفجر اعطيك طلق صناعي قلت طلق طلق ابغى اولد وارتاح ومن عطتني وانا اون بس ع الخفيف اقدر اتحرك اسولف هيك بعد خمس الفجر زادات الالم عطتني ثاني الساعه 9 الصباح وتزيد الالم معي ولافرزات وابكي واصيح لزوجي وهو يقول تصبري هانت يوم جت الساعه 12 الظهر جتني اللي تولدني الدكتوره مسرات قمه بالاخلاق جت وانا ابكي وتضمني حسيت انها امي وتمسح دموعي ياحبي لها وانفتح 5 ونص الظهر الساعه 2 انفتح 8 وانا ابكي من الم ويعطوني مسكنات بس والله دوختني مره ودي انام بس ومن الساعه 2 والدكتوارات ثلاث والنيرسات وانا ابكي ادفعي خلاص انفتح عشره وانا ابكي مو حاسه بدفع ابغى ادفع عجزت قالت الدكتوره لها لين 3 لا ماولت نحولها عمليه وانا اصيح اقولهم خلاص عمليه تعبت واخر شي ع الساعه ثلاث حاولت ادفع ويغمي علي وشالوني للعمليه واحس بوحده عند راسي تقول استودعي نفسك وتقر علي وضربوني ابره وعاد ماحسيت نفسي بعدها الا انا بغرفة التنوم وزوجي ينادي يقول مبرووك جاك ولد وانا سوالف من البنج رايحه جايه
عنايتهم معي الحمادي مره نايس غرفتي كانت رووعه تعامل النيرسات جدا راقي دكتوره مسرات مره روووعه واخلاق الصراحه ارتحت لهاع طول من شفتها
طولت عليكم دعواتك الله يحفظ لي بناتي وولدي يارب ويرزقني برهم