الموضوع لمن تستخدم العلاجات الشعبيه/ تمنع مواضيع الخلطات الشعبية الغير مجربة شخصياً

بسم الله الرحمن الرحيم
السلام عليكم ورحمة الله
الموضوع اعجبني جدا ونسخته لكم للفائدة

اللهوم
ربع كيلو مردود الكويت \ماش\حبة سوداء\رشاد\كلوة\لسان الثور\كمون\شمر\عودالهواء\فلفل اسود\
تاخذين من كل شي ملي كاس مطحون الفلفل نص كاس والرشاد مايطحن عشان مايصير اللهوم مراخلطيها مع
بعض وحطيها في علبة ترى لوخذيتي 10ريال من كل شي بتكفي المكيال والمردود خذي مطحون استعمليها
في النفاس مدة شهر تقدرين تحطينها مع حليب او مع مرقة اوتسفينها مع موية حتى مع الدورة قسم انها روعة
==========
دخون
خذي من كل شي ملي كوب
كمون حب\قشر بصل\كزبرة حب\فلفل هواء\خواء جواء\حرمل\شاي ورق\آذخر وناس تسمية الساف على فكرة تراه زين للعظام
لوطبختية شي الشاهي\\\\\\\عودالهواء\يانسون\
اخلطيها في علبة وتبخري بها قدماتشوفين حاجتك لها زينة للبراد لاحتباس الورة والتنظيف بعدالولادة قسم ان سن بنتي كان
وارم وبخرتها فية وخف الور جربو وشوفو\
==================
خلطه لوجع العظام والظهر
كاس زيت سمسم\ملعقة محلب مجروش\ملعقة شاي ورق\ملعقة حبة سوداء\على طرف اصابعك ملح خشن
حمي الزيت وكبي فية هالاشياء وخليها تاخذ غلية وحدة وطفي عنها وحطيها في قارورة اذا بغيتي تدهني
حطي القارورة وفي ماء دافئ وادهني الجسم تراها زينة لوجع الظهر وتطلع البراد
=============
خذي ملعقتين كبيرة فازلين\ملعقة فكس\بيالة زيت سمسم اوزيت زيتون بس السمسم افضل
حطيها مع بعض على النار بتلاحظين انها ذابت كلها مع الزيت صبيها في علبة تراها بتجمد
مثل الفازلين اذا جتك الدوره ادهني اسفل البطن على خفيف ولفي فوطة ونامي للارجل لظهر ادهني محل
المعدة وحطي في سرة شوي للاطفال لين صار يستفرغ اوعنده اسهال اكرمكم **** الي اعمارهم من
سنتين وفوق
============
دواء للخوئ (الهواء الي يجي احيان مع المراة عرفتو قصدي
اولانصيحة في النفاس ايام الدورة واذا كنتي ترضعين رضاعة طبيعية لاتجلسين جايعة ترى الجوع في هالاوقات هو الي يخرب
الحرمة مثلا خذي قرصان وصبي عليها مرقة وفلفل اسود اوقطعي معها خبز بر بيض مسلوق زبدة وعسل
الطريقة خذي اي مرقة من عندك حطي عليها ملعقة صغيره فلفل اسود وراسين ثوم مقطع وملعقة مردود الكويت
مطحون خليها تطبخ مع بعض شوي خذي حصاة اية حصاة كبر اصابع اليد غسليها زين وحطيهاعلى النار مثل الفحم
لين تصير حمراء خذي الحصاة بالملقاط حق الفحم وخذي المرقة ادخلي الحمام وارمي الحصاة في المرق وخري عنة شوي
عشان مايطشر على رجولك بعدين وقفي علية كنك تبخرين لين تحسين انك عرقتي حطي على راسك شرشف ولاتجين عندالمكيف
لمدة ساعتين عشان مايصفقك الهواء تلحفي ببطانية بعدها راح تلاحضين افرازات وراح ترتاحين نفسيا جربي وشوفي
==================
اذاكسرت عليك الدورة او ماهي منتظمة اورجعت عليك بعد الاربعين خذي احد هالاشياء
ملعقة رشاد سفوف لمدة3ايام
ملعقة ميرامية على كوب ماء حار يشرب منة على 3دفعات لمدة 3ايام
خذي قارورة حطي 2ملعقة حلبة صبي عليها ماء حار اشربي ملي بيالة 3مرات في اليوم لمدة3ايام عادي لوتحطينها في الثلاجة
جيبي لزقة جونسون حقت الظهر قصيها نصفين نص حطية اسفل الظهر ونص قصية ثلاث اقسام متساوية واحد الصقية تحت السره
بالضبط والباقي تعرفين طبعا اماكن المبايض الصقي في كل مكان وحده يعني في الصفاق اذا تعرفين مكان الصفاق تراها زينة اذا كان معاك
نزول في الارحام اوتعب في المبياض بيبان من اليوم الي تحطينها فيه اتنمى فهمتوالطريقه
الرشاد تراه زين للعظام والظهر
الحلبة والميرمية تعدل الهرمونات عند المراه
==================
تمرة النفاس اوالدورة حتى عيالك لوكلو منها حلوة لهم
خذي تمرة حطيها في قدر وحطي عليها الي تحبين امازبدة اوسمن بري وحطيها على النارقلبيها لين تحسين انها لانت كبي عليها شوي حبه سوداء ورشاد
من غير طحن قلبيها بسرعة وطفيها وحطيها مع قهوتك حتى طعمها روعة
==============================
نصيحة للوالد لاتكثرين الجلوس او المسدح ترى الحركة حلوة لانها تحرك الدم وتخليك رشيقة نوعا ماقومي باعمال خفيفة وبسيطة الحركة بركة
الحلبة لاتشربونها الابعدالعشرين تراه افضل لانها تخيط الحرمة وهي مانظفت زين
حطي في قارورة كسرة مره وكسره لبان مر صبي عليها موية حارة حطيها في الثلاجة واشربي منها متى ماصرتي في حاجتها زينة لشمم للبراد
للمغص اذا كان من براد اوهواء
للصدر اي البلغم خذي شوي رشاد حطي عليه 2ملعقة موية عادي خلية لين يطلع منة مادة كانها جلي واشربية اوشربي عيالك شوفي وشلون يطلع
البلغم
اذا بغيتي غسول في النفاس خذي كبيرة مرة \ودباغ (اسمه بعدالرطاء) كرمع يجي زي الحصاء صغار وقرض خذي من كل شي شوي اطبخية وصفية
وحطية في قارورة في الثلاجة وعندالحاجة خذي شوي صبي علية ماء حار وتغسلي به
سوي طبيخة احسن من الشاهي حتى لابو العيال والعيال زينة للبرد اذا اكل شي دسم اولحقة براد في المعدة
خذي من هالاشياء بالتساوي ومن غير طحن
شمر\حبه سوداء\كمون\نانخة\ماش\قشرقهوه\م يرمية\زعتر بري\آذخر\ورق غار\عدس اصفر\قرفة\يانسون
تجمع في علبة ويؤخذمنها تصلح زي الشاي وتشرب حتى في النفاس والدورة
اذاحسيتي ان معك براد طبعا تعرفين اذاكنتي تحسين بتعب اسفل البطن اوالسيقان فيها آلم من الخلف
خذي كسرة مره قد راس اصبعك الصغير ادهنيها بفازلين وشفتي مكان الحقنة حطيها مثل التحميلة وادهني
السرة بفكس وشوفي وش بيصير
==========
كاتبة الموضوع :
الاخت دوسرية نجد / كتبته عام 1431