اهل زوجي يكرهو ولدي ويهاوشوه 😫

السلام عليكم ورحمة الله وبركاته

اول شي اشكر صديقتي على سماحها لي باستخدام معرفها ..

انا ساكنه مع اهل زوجي لي غرفه في بيتهم لأن وضع زوجي المادي شوي صعب والحمد لله كل الاحوال '.
علاقتي فيهم جيده الحمد لله وناس طيبين معي ويحترموني
لكن عيبهم الوحيد انهم مايتحملون ولدي الله يصلحه ، ولدي بسم الله عليه كثير حركه وسواليف لكن ولله الحمد مايوسخ ولا يخرب اغراض احد ، وطبعاً صعب احبسه بين اربع جدران بغرفه وحده يعني لازم يطلع في البيت خصوصاً اني اغلب يومي معهم واشتغل في البيت اساعد الشغاله ، والمشاكل تكثر لما يجتمعو اخوات زوجي عند اهلهم ويجون عيالهم ، ولدي حرك وقوي وهما يعاندوه ويعصب عليهم ويضربهم وانا اضربه مااسكت واهل زوجي كمان يهاوشوه ومرات يطردوه لغرفتي لكن لما احد يضرب ولدي ماحد يتكلم عليهم ولا يتصرفوا ودايم يقولو عنه انه شراني مع انو والله مافيه قوه زايده عن عيالهم بالعكس هما يخربو ويكسرو ومايطلعو من البيت الا وهو زباله ، ودائماً اذا كان جالس يسولف مع عماته يسكتوه ويكشرو بوجهه ويظنوا اني راميته عليهم ويكشرو فيه قدامي وانا والله مااقدر احبسه بين اربع جدران دايم واطلع من الغرفه واخليه حرام والله كأنو سجن !! وبنفس الوقت هوا متعلق بأجداده ويحب يجلس معاهم ، نفسي افهمه انو الناس مايحبو جلسته ويتضايقو منها لكن لاحياة لمن تنادي عمره 3 ونص الله يهديه ومايفهم انو الناس مو متحمله وجوده !!
والله انضغطت نفسياً وصرت دايم احبسه بالغرفه واحبس نفسي معاه عشان مانزعج احد مع انهم والله ناس طيبين معي لكن بغضهم لولدي كرهني بالجلسه معهم !!


انصحوني كيف اتصرف مع ولدي خصوصاً لأني اذا عاقبته احس ماله ذنب مسكين مايفهم وبنفس الوقت يقهرني بحبه الزايد لهم ويومياً يبكي اذا مافتحت له باب الغرفه عشان يشوف جدو وتيتا !! والعمات موجودين يومياً ومايبغو يشوفوه واذا جا عندهم انواع التهزيء فيه وهوا عادي عندو يرد عليهم ويجلس عندهم يعني بنظرهم شين وقوي عين خخخخخ

ولاتقولوا خلي زوجك يستأجر شقه لأن ضروفه صعبه ولو عنده فلوس طلع من زمان لكن نسأل الله الفرج ❤️