..Om rakan

..Om rakan @om_rakan_6

عضوة جديدة

ولدي وخوفه من الممرضات

الأمومة والطفل

السلام عليكم ورحمة الله وبركاته
كيفكم ان شاء الله بخير
انا عندي ولد عمره سنه و7شهور 
الله يصلحه يطفشني اذا رحت المستشفى
بكاء على طول ومايسكت لانه يخاف من الممرضات
والله كرهني عيشتي الله يصلحه وانحرج من المرضى
ازعجهم وبعضهم ماشاء الله يساعدوني فيه ويحاولون
يسكتونه بس هو عنيد ومايسكت الا اذا طلعنا من المستشفى اللي عندها حل ياليت تفيدني 
4
651

يلزم عليك تسجيل الدخول أولًا لكتابة تعليق.

تسجيل دخول

تولين المنصور
تولين المنصور
نفس مشكله ولدي الله يعين
والمشكله الاكبر ولدي مريض قلب
ومواعيده كثيره في المستشفى
والله يقطع قلبي من كثر البكا
بس يشوف اللممرضه يبكي
سواء مسكته ولا كانت بعيده عني يخاف ويبكي
ي رب تشفيه وتخليه لي
الحلوه المزيونه💕
الحال من بعضه
ولدي تنوم اكثر من مره وعانا معاناه من الممرضات ودفاشتهم في تركيب المغذيات والابر اللي بمواعيد صار اذا انفتح باب الغرفه في المستشفى يفز من سريره ويبكي حتى لو اللي فتح الباب احد جاي يزوره وقتها كان عمره سنه ونص تقريبا لدرجه كنت ادخل معاه في سرير المستشفى وانومه في حضني عشان يهدا وينام ولما خرج من المستشفى وجا وقت المراجعات كان ماينزل من السياره الا بالسحب عند باب المستشفى ندخل بزفه ونخرج بزفه وفي الاخير اشتريت جهاز الاكسجين في البيت واذا قال الدكتور تنويم قلت في البيت انا ممرضته ايش تبغوا تعطوه قولوا لي وانا اسويه وفعلا كنت انحبس معاه شهر مااخرجه على جلسات بخار ومواعيد ادويه الين يتحسن والحمدلله الان عمره ثلاث سنوات خف عنده الرعب وصار اهون شويه

اما حل للمشكله مالقيت الا اني اشغله بجوالي وانا في الاستراحه او امشيه في اسياب المستشفى الين يجي دوره ماكنت اقدر اسوي اكثر من كذا عاد اذا نادوا اسمه تعلق في باب الدكتور انا والممرضه نسحب وهو ناشب في الباب :icon28:
..Om rakan
..Om rakan
يسلمو تولين والحلوه المغروره
والله يعيني عليه الله ييسرها الاسبوع الجاي عنده موعد
 وان شاء الله مايبكي 
گاريزما..
گاريزما..
كل الاطفال يخافون من المستشفيات