بحط لكم طريقة حلوه حق فطيرة فرنسية بالبصل والجبن انا سويتها ونجحت وياي وطلعت رهيبة
المقادير كالتالي :
العجينة :
كوبين طحين فاخر كويتي
استكانة زيت
رشة ملح
ملعقة كبيرة خميرة فورية
ثلاث ملاعق شاي حليب بودرة
ماء للعجن ،،
اخلطي جميع المقادير مع بعضها واعجينها زين بيدك وخليها تتخمر مدة ساعتين،،،
الحشوة ،،، ::
بصلتان كبيرتان لون احمر مقطعة جوانح
زبدة ملعقتين طعام
جبن مبشور اي نوع تفضلينة انا افضل جبنة الصقر ،،،
قيمر كي دي دي حسب الرغبة
مايونيز حسب الرغبة
جبن سائل كرفت حسب الرغبة
الحين حطي الزبدة في مقلاة ،،، حمري البصل فيهم ،، لين حسيتي البصل ذبل خلاص صار لين ،، بس سكري النار
الحين اخذي العجينة افرديها وادهني الصينية اللي تبينها مربعة او مستطيلة او دائرية ،، يفضل مستطيلة عشان تقطعينها مربعات ،،،
بعد ماترقين العجين ادهني الصنية ورتبي العجينة فيها يعني غطي الصنية كامله ،، الحين اخذي البصل اللي سويتيه ،، صفيه على العجينه ورتبيه ،، عقب خذي الجبن االمبشور ورشيه على البصل ،، لو تبين تحطين المحتويات المختاره انتي بكيفج ،،
يعني اخذي الجبن المبشور حطي عليه ملعقتين طعام جبن سائل مع ملعقتين طعام قيمر وملعقة مايونيز واخلطيهم زين وصبيهم فوق البصل عالوجه يعني ،، وخليهم بالفرن من تحت شوي ومن فوق شوي وحاسبي لاتحترق
وراح تطلع مثل البيتزا يعني بس هي اساسا مو بيتزا هي فطيرة
بالصحة والراحة ههههههه
حلوة مربربة @hlo_mrbrb
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
تنقل للمعجنات..
¸.
•
( `•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸.*..*المسافرة*..*.¸.´¨`»
«´¨`.¸.* *. ¸.´¨`»
(¸. •'´(¸.•'´ * `'•.¸)`'•.¸ )
.•´ `•.¸
`•.¸ )
¸.
•