ياليت اللي عندها فكرة عن اسعار الشحن داخل السعودية لاني مبتدئة فالبيع عن طريق الانستغرام انا من مكة واتفقت مع وحدة اشحن لها للمدينة واتوقعت زاجل يشحن وقالوا ماعندنا شحن للمدينة وارامكس وفيدكس 100ريالوالطلب صغير مايستاهل وجلست يومين فهم وقلق لانها كانت مستعجلة وارسلها زوجي مع سايق اجرة فاللي تعرف تعلمني بالتفصيلعن الشحن حتى ماتورط بعدكذا ويجلس زوجي يلفلف مكة على حساب اغراض مكسبي فيها مايتعدى 60ريال
اهلين اختي

هذي مشكلة يقع فيها اغلب التاجرات في البداية


المفروض قبل تبدى مشروعك التجاري تامن اول شي طرق الشحن

طبعا عندنا هنا

البرريد السعودي
تقرييا تتراوح ايام الشحنه عندهم من 5الى 10 ايام
وسعرهم تقريبا 25

والبريد الممتاز تقريبا من 50 ريال الى 60 ريال

ولكن اكثر التجار والتاجرات توجهو الان الى
شركات الشحن سمسا وفيدكس وارمكس
لانها فيها خدمة توصيل للبيت وسريعة في التوصيل

ولكن اسعارها اكثر من 120 ريال
وهذا يسبب فشل وخسارة في المشروع
ولكن وفرة هذي الشركات خدمة للتجار لارسال شحناتهم الى الزبائن
بسعر 45 ريال

معقدين شوي
يعني اول شي لازم يكون عندك سجل تجاري عشان يطلعولك بولصيات شحن مخفضة
ولازم اقل شي كمية يعني 50 بولصية او 100 يبيعوها لك مسبقة الدفع
يعني
تطلبين اقل شي 50 بولصية سعر الوحدة 45
المجموع 2250
واذا عندك سجل تجاري او لاحد من اهلك او اقاربك تروحي لهذي الشركات وتقدري تستخرجي بولصيات بهذا السعر مخفضة

واذا ماعندك
يوجد طريقة الكثير يمشون عليها
وهيا
فية ناس عندهم سجلات تجاري ويشترون من الشركة بولصيات كثيرة
ويبيعونها في النت
تحوليلهم مبلغها ويسونها لك

اتمنى اكون افدتك من هذي الناحية
وهيا اهم ناحية في التجارة الاكترونية
انا نصحوني بالبريدالسعودي
البريد السعودي

انا ماسبق وتعاملت معه بس اذكر اني سمعت من وحدة تعاملت معه
فية نوعين
نوع العادي سعرة 25 مثل ماذكرتلك ويتاخر كثير في ايصال الشحنة

ونوع الممتاز اعلى سعر
بس سمعت فيه اختلاف ناس يقولون لازم يكون للمستلم عندة صندوق بريد في بيته وناس تقول لا
فالافضل تجربي انتي وتستفسري
فيديكس الشحن ب65 وارمكس ب120 اذا انتي دفعني لهم فلوس الشحن  واذا اللي يدفع الفلوس المستلم 165


الساعة الآن 08:43 .