ميوووشة

ميوووشة @myooosh_4

عضوة فعالة

تعبت من اصحى لين انام وانا على اعصابي

الأسرة والمجتمع

السلام عليكم ورحمة الله وبركاته 
أتمنى من المشرفات ما ينقلون الموضوع لأَنِّي أحب هالقسم والشي الثاني هنا الردود اكثر 

أولا بقولكم وضعي كيف عشان تعرفون 
متزوجة لي اربع سنوات وعندي ولد وبنت أعمارهم متقاربة يعني بينهم سنه ونص تقريبا الله يحفظهم ويبارك لي فيهم 

طبعا ولدي تعب علينا الحج الي فات وصار معه شحنات في الدماغ كتبت قصته وما قصرتوا بالردود والدعوات الله يجزاكم خير 

الموضوع ألحين أعصابي جدا تلفانه اللهم لا اعتراض على حكمك بس تعبت من اصحى الساعة 9 إلين انام وانا صراخ خوف طبعا ولدي الله يصلحه يا رب ويشفيه مع الأدوية صاير جدا عصبي طول الوقت طقاق مع أخته وأنا بس افك بينهم ماعاد قدرت اهتم في نفسي او بيتي طول الوقت صراخ 
ما ادري العيب مني أو من مين بالضبط 
احس صرت اكبر من عمري صار عندي ارتفاع بالضغط وكل شوي جايني شي الله يستر بس 
وزوجي اذا قلت له تعبت قال هذا الزواج محد قالك تزوجي وجيبي عيال 
ودي اسأل إلي عندهم اربع وخمس وست وشلون عايشين أنا 2 وتعبت الله يصبرنا ويأجرنا بس 
احس أني فاشلة في التربية ما اعرف أربي مهما قريت من كتب من معلومات احس صعب في التطبيق قبل اتزوج لما اشوف أمي تهاوش وتقولنا شي أقول خل بكرة يجوني عيال ما راح اهاوشهم وراح اخليهم على راحتهم وكل شي بوفره لهم ولما جوني صرت طبق الأصل من أمي دايم صراخ عليهم وخصوصا بنتي وادي اضمهم واخليهم يسون الي يبون بس ما قدرت ما اكمل خمس دقايق الا أنا مصارخه عليهم ما كنت كذا أول 

مجرد فضفضه لو سكت اكثر بنفجر 
18
4K

يلزم عليك تسجيل الدخول أولًا لكتابة تعليق.

تسجيل دخول

قيودد
قيودد
شوفي العصبيه تولد العصبيه....
و الهدؤ يجيب الهدؤ والراحه...

طالما انتي تعاملينهم بعصبيه وصراخ بيزيدووون هبال ومضاربات
وإزعاج....
خليك مررررة حازمه معهم بدون صراخ وتعب ....
خليهم يرتبووون معك... يذاكرررون .. يشتغلووون بالبيت .. يعني شغلي طاقتهم....

اهم شي خليك حاززززمه معهم..
fatoomah123
fatoomah123
ليييييييييييييه ياقلبي عمر الصراخ ماجاب نتيجه فلا تتعبين نفسك وصوتك تعاملي معاهم بنظام وأسلوب معين ينفعهم وينفعك اذا ضرب اخته بكل بساطه شيليه وحطيه بغرفه لحاله لمدخ ساعه ساعتين او خذي منه العابه عقاااب له وخليه يصارخ ويصيح لين هو يتعب ويوقف واذا تاب وهدي رجعي له العابه وخليه مع اخته وشي ثاااني لا شفتيه رايق ويلعب وهادي حاولي تحننين قلبه علي اخته مثلا عطيه اكل ياكلها حسسيه بميؤوليته تجاهها تعاملي معاهم بأسلوب سياسي ويكسبون بعض ويحبون بعض وبنفس الوقت الي يغلط يتعاقب وبترتاحين وتريحيهم بعد
ميوووشة
ميوووشة
الولد عمره ثلاث سنوات ونص والبنت سنتين كيف اشغل طاقتهم ماني عارفه 
قمه
قمه
صادقيهم وحبيهم وضميهم وتعلمي الصبر وتحملي 
السبب الاول الصراخ هذا هو البلا كله ....

اضبطي اعصابك ... 

تكلمي بهدؤ وبحزم عند العقاب بدون صراخ ... اذا جيتي بتصارخي ادخلي غرفتك وخوذي نفس عميق وتعوذي من الشيطان وراجعي نفسك ... 

هم يحتاجون شي يشغلهم ... الله يعينك بتتعبين مدة سنه كامله تعلمينهم نظامك الجديد ... وهو انك تجيبي كرسات والوان وترسمي معهم وتلعبي معهم ثم تتركي لهم العب وحدهم ... 

ثم طلين بين فتره وفتره ... تشغلينهم معك في شغل البيت والترتيب 
تقدري تعطيهم مناشف مبللوله مويه شوي ويالله مسحو البيبان بينبسطو ... او الطاولات او الجدران وهكذا ... 

الصلصال بعد حلو لهم وغيره من العاب الاطفال الحلوه والمفيده 
الكيرم والاونو ...


واقولك لاتحسبين هالشي سهل لا صعب بس ماهو مستحيل يبي لك صبر وحلم وانتظار النتيجه وترضين بابسط التغيير لانه بيجر تغييرات ثانيه تفرحك ...
قمه
قمه
قمه قمه :
صادقيهم وحبيهم وضميهم وتعلمي الصبر وتحملي  السبب الاول الصراخ هذا هو البلا كله .... اضبطي اعصابك ...  تكلمي بهدؤ وبحزم عند العقاب بدون صراخ ... اذا جيتي بتصارخي ادخلي غرفتك وخوذي نفس عميق وتعوذي من الشيطان وراجعي نفسك ...  هم يحتاجون شي يشغلهم ... الله يعينك بتتعبين مدة سنه كامله تعلمينهم نظامك الجديد ... وهو انك تجيبي كرسات والوان وترسمي معهم وتلعبي معهم ثم تتركي لهم العب وحدهم ...  ثم طلين بين فتره وفتره ... تشغلينهم معك في شغل البيت والترتيب  تقدري تعطيهم مناشف مبللوله مويه شوي ويالله مسحو البيبان بينبسطو ... او الطاولات او الجدران وهكذا ...  الصلصال بعد حلو لهم وغيره من العاب الاطفال الحلوه والمفيده  الكيرم والاونو ... واقولك لاتحسبين هالشي سهل لا صعب بس ماهو مستحيل يبي لك صبر وحلم وانتظار النتيجه وترضين بابسط التغيير لانه بيجر تغييرات ثانيه تفرحك ...
صادقيهم وحبيهم وضميهم وتعلمي الصبر وتحملي  السبب الاول الصراخ هذا هو البلا كله .... اضبطي...
وفيه شغله قسمي وقتك وحطي وقتك لك خاص فيك تتنفسي فيه وتسعدي نفسك فيه وتمارسي هواياتك ... 


هالوقت اختاريه بوقت هم نايمين او طالعين مع ابوهم مثلا والافضل وقت نومتهم ... 


ونامي بدري واصحي بدري وخوذي قيلولة ساعتين تنشطك 

والله يوفقك