السلام عليكم ورحمة الله
بعد غياب رجعنا لكم وكلي شوق
وايش صار بالغياب عقلت شوي هه اصلا عاقله من قبل بس زدت عقلن وحكمه ما شاء الله اذكرو الله
بهالليله الجميله دخلت اشوف سوالفي الي مضت ابك تسنه مو انا كم الأيام تغير الإنسان سبحان الله
المهم انه في دعوات تووسع الصدر الله يوسع صدوركم بالعافية
عاد قلت يلا يابنت تحركي وشغلي المخ الي مصدي ونزلي سالفة ومنها دعاوي بنص الليل وقت مستجاب
جلست اعصر مخي زواج فلانه عشا فلانه سفرة فلانه المهم شطحت ونسيتكم
بس لقيتها
دايم تجينا رسايل عن تربية الأطفال وتوعيتهم وتحذير من ضربهم
وأنا سيده ارسلها لحريماتنا واقولهم اقرو لاتجيبون لعيالكم النفسية
المهم اخوي الكبير عنده بنيات وحده ست سنين والثانيه خمس
الكبيره اسم الله عليها نسختي فالعقل والذوق والحكمة <<واضح انه محد يمدحها
والثانيه مثل خواتي :rolleyes:
عناد وصراخ ومدلعه مره <<واضح اني حاقدة ههههههههههههههههههههههه
المهم وانا اتمشئ في منزلنا العزيز إلا اشوفها تحت المدخل واضح انها تسوي بلوه دنقت إلا ماسكه روج أفضل روج عندي باقي شوي ويخلص ومتحسفه عليه
الحمدلله اني لحقتها قبل تسوي خريطة الكنز بالجدار ثم اقعد امسحه ثلاث أيام امسح وابكي
المهم قلت يابت لاتهاوشينها خذي الموضوع بحكمه
قلت لها وش بتسوين بتحطين روج هاتي ياقلبي انا احط لك
البنت استغربت شوي منصدمه توقعت سحبه مع الشوشه هواش شي
المهم ابتسمت فيها روج قالت ايه قلت خلاص حبيبي اذا تبغين شي تعالي لي أنا احطه لك واحط لها وتشوف نفسها وتزعل الروج ماعجبها وانا بكل حنان قلت لها تعالي احط لك غيره كل في سبيل فرحة الأطفال تعرفون افراح المسلم مأجورين عليه.. >>الله من الكذب بس خايفه من الكرف
حطيت لها روج غيره واستانست شافتها اختها وجاتني قالت وانا حطيلي قلت ابشري واحط لها وشلت اغراضي ورحت
وزينت القهوه وتكيت إلا جاتني الصغيره عمه ومعها مناكير قلت بس خطتي نجحت والأطفال لازم نتعامل معهم بأسلوب ومع الحماس كنت بالف كتاب كيف تتعاملين مع طفلك في ثواني
حطيت لها المناكير وراحت وطبعاً جاتني اختها وحطيلي تعرفون غيرة الصغار يعني سبحان الله الغيره مو بس للحريم فطرة متأصلة بس كل شي بحدود
ومازلت مستانسه بالشي الي سويته وصارت الكارثه
مريت نفس المكان إلا وش اشوف:rolleyes:
كريمي ملحوس مافيه شي ومكبوب عالارض ومدهون عالجدران :angry2: :icon36::icon36:
واجلس عالارض ثم اصيح واصيح حلم الكتاب تبخر وانزله بمعرض الكتاب طار واسوي مؤتمر صحفي طار واصير مليونيره طارت أحلامي طارت
رحت ادورها السوسه إلا هي منبطحه عند ابوي وابوها ولا عليها ليش كذا
عاد ابوي عطاني نظرة قال بأس كريم تراه من فلوسي :(
المسألة أكبر من كذا بس محد فاهمني
المستفاد من السالفه أن البزر بزر لين يكبر >>احلفي
لاتبنون أمامكم عليهم وجد لاتظربونهم مراح يفهمون كذا كذا مابيفهمون وبعضهم يعاند عاد ربو عيالكم بكيفكم >>طفشت ههههههههههههههههههههههه
طبعاً ذا شي بسيط من هوايل البزران عسا الله يصلحهم
أن تسان ما عجبتكم هذي السالفه ادخلو ملفي وشوفو السوالف الي قبل تونس مارره مدري ليه ذي مو عاجبتني احسني تغيرت معاد عندي أسلوب فكاهي اهئ :icon19:
اكتب من الجوال وياكثر الأخطاء انتم عدلوها بمخكم ومشوها لي تكفون :icon20:
يا حيا الله شطوطة عودا حميدآ :hearts:
وسالفتك تجنن حبيبتي وبالعكس اسلوبك روعة الله يسعدك
واحلى شئ ابوك دام الكريم من فلوسة اجل طارت ادوات التجميل كلها :22:
نتظر جديدك وسوالفك الليلية يا الغلا