اشربي اقشور قهوه وقرفه وزنجبل تطلع زي القهوه بس انتضمي وتشوفين النتيجه وجيبي جهاز يو مارك

هذا الموضوع يأرقنا في كل وقت نحن وكريشاتنا
أنا كرشتي بعدها موجودة تقاوم كل اللي أسويه لكن الحمدلله خفت وايد عن قبل .. وبصراحة أنا مب متبعة طريقة وحدة للقضاء عليها لكني كل فترة أجرب شي ولا عارفة شو هو الحل الأفضل لها .. فبقول لكم شو سويت قبل وأسوي ألحين وبسوي في المستقبل وبإذن الله أفيدكم وأتخلص من الكرشة الباقية
في البداية عزمت أخفف أكل (ماأقدر أتبع نظام ريجيم) واتبع الخطوات السليمة في الغذاء وبديت تقريبا من شهرين ونص:

امتنعت عن المشروبات الغازية بنسبة 99.5%
امتنعت عن المعجنات بنسبة 95%
امتنعت عن العصاير المعلبة المحتوية على السكر بنسبة 90%
امتنعت عن الوجبات السريعة من المطاعم والمقالي بنسبة 95%
استبدلت الخبز والصمون الأبيض بالأسمر والنخالة
استبدلت الدهون والزيوت بزيت الزيتون مقدار ملعقة في اليوم بس
أحاول أشرب ماي أكثر
رتبت أكلي وزدت كمية السلطات وصرت أسوي شوربة خضار دايما مع الغدا
إذا كنا معزومين على أكل دسم أكثر من السلطات وأخفف من كمية الأكل الدسم ولا أحرم نفسي
امتنعت عن الأكل بعد 6 - 7 مساء إلا نادرا (حتى لما أروح أعراس ما آكل)
امتنعت عن الكاكاو والشيبس بنسبة 90% (أحيانا تغريني أختي فآخذ قطعة صغيرة أو قطعتين)
شربت مرة وحدة منقوع الأعشاب (بابونج + مرمية + اكليل الجبل + شاي أخضر+ شمر) لكن طعمه ما عجبني .. لكن الظاهر إني برجع لها مرة ثانية وأستحمل الطعم لأنها تنحف والشمر يشد الجسم
استمريت فترة أشرب منقوع الكمون بالليمون على الريق وقبل النوم
وبعدها كنت أشرب الخلطة السابقة على الريق وكنت أغلي زنجبيل طازج وأعصر عليه ليمون وأشربه قبل النوم
أحيانا إذا ما جهزت لي أعشاب أشرب ماي دافي على الريق أو أحط عليه شوية ليمون
وهاي الفترة انتقلت لبذرة الكتان لأن لها فوايد لسائر الجسم
اشتركت في نادي رياضي وأروح تقريبا 3 مرات بالأسبوع في كل مرة مدة ساعتين
وأحيانا أمسح بطني مع الأفخاذ بخليط خل التفاح وماي الورد في الليل وأتسبح في الصباح
هاي الفترة مكسلة شوي ومارحت النادي من 6 أيام لكني أفكر أشتري جهاز لشد عضلات البطن اسمه AB King Pro يجيبوه في قناة الاعلانات والبنات مدحوه لي وجهاز ثاني دائري لشد عضلات الأفخاذ والوركين والمؤخرة

تقريبا هذا نظامي من شهرين ونص ونزلت فيه من 80 كيلو إلى 68.5 كيلو ومستمرة عليه إلى أن أصل لل 60 وبعدين أشوف إذا أحتاج أنزل لل 55 أو كفاية

بصراحة بالنسبة للعيوش والمكرونة أنا آكلها لكن يكون مسلوق ومشخول وبدون زيت وحتى الصالونة بأنواعها (الايدام) بعد آكلها وأحط فيها بطاط ولكن نطبخها بدون زيت.. واللحوم تكون مشوية .. أنا ما حرمت نفسي من الأكل العادي ولكن حرمت نفسي من الأكل الضار والحمدلله أحس إني مرتاحة من كل النواحي .. وبالنسبة للوجبات السريعة مثل بيتزا هت .. أشتريها مرة تقريبا في 3 أسابيع أو أكثر .. ولا أحس إني أشتهيها وايد
بالنسبة لنزول الوزن ماهو سريع لأني ما أريده يرجع بسرعة ولأني أريد أعود نفسي على نظام غذائي مدى الحياة ..
هذي طريقتي وأتمنى تكون أفادتكم

إلي تقوول إن الكرشه ما ترووح هي غلطاانه

إذا ما ترووح عيل شلووون الاجانب اول ما يوولدوون ظهووورهم في بطووونههم

حتى الخدم لما تجيبينهم من ديرتهم وتشووفينهم تقووولين هذي بنت لكن بعدين لما تسألينها تكتشفين انها عندها اطفااااااااااااال


يعني إذا الوحده إذا تبغي ترد مثل قبل واحلى لااازم يكوون عندها صبر وقوه تحمل

اولا تبتعد عن كل شي يسبب السمنه والانتفاااخ وتحاول تسووي رياااضه كل يوووم لشد البطن ورياضه المشي وإن شاء الله يجيب نتيجه معاااه

حبيبتي ياعمري انتي راح اقول لك الى مسويته

اخذ صباحا فص ثوم واقطعه صغيرعلى حسب

استطاعتك في شربه واشربها مع الماء

والله عن خبرة وبتدعللى بس جربي ولاتقولين

ريح فى الفم ولا يحرق ولاشى من ذا

وكمان اشربي ماء دافي صباحا

بتحسين تغير حتى الهواء الى

فى البطن اللى بعد النفاس يشيله

ولاتنسيني من الدعاء واى استفسار انا جاهزة

الحل عندي و ام :43: هندي,, وابوه


اسمعي اقولك


ومجربته :icon28:



وحتقولي للبطن باي


نلتقي با المولود الجاييييييييييييييييي :baby2:



اول شي عليكي بالميرمية =هلا بحكيم الزمان=
بعد الغدء والعشاء

ثاني شي عليكي بالرياضة البطن :7_5_122:
الطريقة::

تنامي على الارض وترفعي رجولك {زوية قائمة}

وتنزليها وقبل ما تلمس الارض ترفعيها من 10 الى 15مرا

كل يوم


وبشرينا عن النتائج :S_45:

:icon28: :icon28: :icon28: