الفلفل الاخضر الحااار يعطي نكهة ورائحة جداااا شهية صرت احطها مع كل شي يمكن كثير يسون ها الشي بس انا مؤخرا اكتشفته ههههه وفرحانة طبعا على ها الاكتشاف
27-06-1436 هـ, 02:14 صباحاً
 
الفلفل الرومي الاخضر أحبه مع الكبسات والايدام والشوربات
كمان الثوم يعطي نكهه في الكشنة
الخل للسلطات احس سر السلطة الخل
27-06-1436 هـ, 02:45 صباحاً
 
رائعه تجاربكم
27-06-1436 هـ, 02:54 صباحاً
 
في عشبه مادري ايش اسمها بس هي هنديه تخلي الاكل له نكهة قويه كاليبتا
27-06-1436 هـ, 02:54 مساءً
 
مو كل ملح خشن كويس اختبري الملح الخشن

امسكي قبضه منه في يدك وتكون يدك ناشفه

واسكبها اذا نزل لك بالصحن وما مسك شي بيدك يعني ملح جيد اذا التصق منه شي في يدك

معناه سيئ وجودته ضعيفه

جربوا الماركات كلها ولا تستخسروا في انفسكم

ولا ترموا الملح اللي يطلع مو جيد ترا ينفع لاكثر من شي واستخدماته غير الطبخ كثير

واحد منها سكراب للجسم و تتنقعي فيه

---

التوابل قللوا منها في الطبخ

لاننا لازم نحافظ على نكهة كل مكون لما نزود يصير كل شي طعمه واحد التوابل بس عشان تنكه الاكل

مو عشان تطغي على الطعم الكامل للمكونات

---

البهارات خلوها دايم طازجه و حب حطوها بعلب و بالفريزر

اطحني ع قد طبختك او حق اسبوع بس وحطيه بعلبله قزاز صغيره وبالثلاجه

---

مو كل الاكل تستخدمي فيه كل التوابل في طبخات واحد بس يكفي

---

نكهه الايدام تختلف عن الرز فلا تحطي نفس البهارات و الورقيات فيها

---

في ناس يحمصوا البهارات بالزيت قبل الطبخ مع الكشنه انتي هنا تحولي اكلك لنكهة هنديه

الاكل الهندي اول مكون فيه هو تحميص البهارات الحب في الزيت مع الكشنه

وهذا هو سر الاكل الهندي ماعنده سر كبير و يثقلون ايداماتهم بحاجتين

بشمال الهند يثقلونه بكريمه خفق و بالجنوب بعجينه كاجو و كل واحد ينفع لطبخه معينه ما ينفع يتحطوا الاثنين لنفس الطبخه

مثلا الكورما عجينه كاجو و البترتشكن كريمه خفق

---

الورقيات زي الكزبره و ورق الكاري تتحط بالايدامات الهنديه

---

الطواجن تعتمد على تسبيك اللحم او الدجاج اولا و بعدين على تناسق الخضر مع بعض و حسن اختيارك للبهار المناسب

واولهم واهم الفلفل الاسود

---

الكمون عاده يظاف للطبخه بعد ما تستوي لان نكهته كذا تكون اقوى وافضل

---

الكزبره تحتاج لطبخ عشان يتميز طعمها

---

من قال ان الايدام ماينفع بدون طماطم او صلصه ؟ جربوا سووا ايدام بدون طماطم وصلصه

و استخدموا الكركم وكزبره مفرومه بيعطي نكهه لذيذه وتذوقي طعم جديد

---

هذا اللي جاء ع بالي الان
27-06-1436 هـ, 03:32 مساءً
 


الساعة الآن 02:00 .