مرحبا اخواتي ..
انا قررت ادخل في صندوق استثمار .. بمبلغ عشرين الف بس ..
ابي شي حلال .. و ارباحه حلوة أكيد ..
ياليت تعطوني ارائكم لنهاية هالاسبوع عشان بدخل ..
و اللي تعرف عن الاستثمار في البنك الهولندي او الأهلي ..
يعني مو شرط الرائد او الأمانة او الرياض 2 ..
أبي شي غير او قولوا لي وش الافضل ..
و كيف بتصير الأرباح على نهاية العام ..
لاني بجد مافهم بالصناديق شي ..!!


و الف شكر جميعاً و جزاكم الله كل خير ..
03-12-1426 هـ, 06:10 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا فيك بصراحه انا دخلت صندوق اصايل في بنك البلاد واهم حاجه انه نقي


وربي يرزق كل مسلم الرزق الحلال
03-12-1426 هـ, 06:44 مساءً
 
صناديق الاسهم دائما تبدا ببطء شديد وخصوصا الحلال يعنى لو لا حظتى ان الامانه والرائد ما قام سوقهم الا بعد خمس سنوات تقريبا يعنى يبي لك تشترين وتنتظرين على الاقل ثلاث سنوات

ارشح لك صندوق الراجحي للاسهم الخليجية ترى بدا ينطلق وراح نشوفه الاشهر الجاية

واصايل او المرابح يبي له وقت طويل اقل شي من ست الى سنة تقريبا علشان يثبت وجوده بالسوق فحطي فلوسك الحين في شي سريع وبعدين الارابح دخليها في صندوق احسن ما تقعدين تناظرينها وبيمديك
03-12-1426 هـ, 06:55 مساءً
 
ريمية ..
طيب بس هذولي لسه مابين شغلهم صح ؟؟

---

ملامح نجد ..
عطيني فكرة الله يرضى عليك في شي احط فلوسي فيه ..
قصدك الأسهم ؟؟ انا حالياً ادخل بالاسهم بس ابي صندوق استثماري عشان اسوي سداد مبكر للقرض اللي باخذه ..

مابي شي اجلس ثلاث سنين انتظر الارباح .. ماصارت ارباح ذي .. صارت جمعية هههه
03-12-1426 هـ, 07:24 مساءً
 
حسب آخر تقييم للصناديق الإستثمارية المطابقة لأحكام الشريعة

يظهر لي أن صندوق الأمانة من البنك السعودي البريطاني هو أفضل الصناديق أداءً

صندوق الرائد من مجموعة سامبا المالية كان أدائه ممتازا .. إلا أنه بدأ في التراجع

و هناك تقييم جديد للصناديق الإستثمارية .. سيصدر تقريبا خلال الشهر القادم .
03-12-1426 هـ, 07:27 مساءً
 


الساعة الآن 04:23 .