انا مثلك بعد الرز يعجن معي ماعرف اضبطة بس عادي عندي ابوي يبغاة كذا
03-07-1436 هـ, 10:47 مساءً
 
ممكن بدال الكبسات تسوين رز ابيض ودجاج بالفرن
انقعي الرز نص ساعه واسلقيه بموية وملح لمدة ست دقايق ونص وصفيه ورجعيه القدر على نار هااااادية حطي عليه قطعه زبدة وممكن رشة كركم مع الزبدة وسكري الغطا وخليه على نار هااادية ربع ساعه فيما تحمرين الدجاجة وتسوين السلطة
06-07-1436 هـ, 01:35 مساءً
 
انا طريقتي بالرز اسلقه نفس المكرونة بموية كثير وتكون مغلية من قبل 
يعني 4 اكواب في لترين موية او لتر ونص تقريبآ موية الغلاية مرتين 
واراقب الرز واذوق الحبة لحد م تنضج بدون م تتعجن واصفيها واسوي له اي كشنة واحرك الرز فيها ع النار 
انا استعمل رز الشعلان لي سنين م غيرته 
وطريقتي هذة لي سنين عليها ومرتاحة لاني م احب الرز المعجن م اكله 
جربي كشنة بصل وفلفل رومي وجزر وفلفل اسود بس  
وحطي رز الشعلان بعد سلقه وتصفيته وحركيه راح يعجب زوجك
ان شاء الله 
20-07-1436 هـ, 04:26 مساءً
 
اهلا
عادي الكل يتعلم وانتي طبقي واتعلمي وهو مش موجود حتى تضبط معك
لان الرز يحتاج توازن مع كمية الماء ويمشي معاك باذن الله

الرز انقعيه ربع ساعه تقريبا بمويه انا احط مويه عاديه
والقدر اذا تبغيه رز ابيض مفلفل
تحطي ماء مغلي وملعقتين كبيرة زيت والملح حسب الكمية اللي بتسويها
والبهارات صحيحه ( عود قرفة - حبتين هيل - حبتين قرنفل - ليمون اسود ) اللي متوفر عندك لو نقص واحد منهم مايضر
تصفي الرز من موية النقع
وتنزلينه بالقدر وتدققي بمستوى الماء يكون فوق الرز بشوية لانه اذا زاد يتعجن واذا نقص الماء يصير حب
فيكون مستوى الماء ارفع من الرز بدرجتين
وترفعي النار ياخذ غلوه وتحركيه بالشوكه مره وحده بس
وتقصري النار هاااااااااديه وتغطيه وتخليه يستوي براحته
شيكي بالاخير اذا استوى مضبوط حلو اذا تحسينه حب تزودي قطرات ماء وتقفلي الغطاء وتخليه شويات

جمبه تعملي سلطة
او صينية دجاج بالفرن سسسسسسسهله وماتاخذ وقت

تحطي في صينية الفرن شرايح بصل وشرايح بطاطس وأي خضار تحبينه

ثم تاخذي دجاجه تقطعينها اربع اجزاء
كل جزء بالسكينه تخرمينه عشان التتبيله تدخله
تسوين التتبيله وهي
ناخذ ملعقه كبيرة صلصه طماطم + 2حبة ماجي + ملعقتين كبار مايونيز + حبه فلفل رومي أخضر + شويه مويه + طماطه صغيرة زياده نخلطهم بالخلاااااط
واغمس الدجاج كووووويس فيهم واصفه بالصينيه واصب باقي التتبيله فوووووقه
واغطيه بالقصدير واسوي فتحات من فوق القصدير عشان البخار
وادخله الفرن تقريبا ساعة ونص حسب الكمية ع نار متوسطه
وبعد مايستوي تفتحي القصدير وتشيليه ثم تشغلي النار من فوق عالصينيه حتى تتحمر

+ روعه مع الرز أو خبز

وبالعافيه

21-07-1436 هـ, 06:48 صباحاً
 
اذا بقدر الضغط المويه تكون فوق مستوى الرز بشوي
وقفلي بالغطا وخليه على نار عاليه اليين يبدأ يضعط ويطلع صوت -يعني3دقائق تقريبا- وبعدين خليه على نار منخفضه جدااااا 10 دقائق 👍
21-07-1436 هـ, 03:07 مساءً
 


الساعة الآن 09:02 .