امين يارب العالمين جزاك الله خير

وللمعلوميه ترا عندها بنات البيت مليان وخدامه بعد
بس اذا جوهم ناس بناتها يقعدون مع البنات في غرفه يضحكون ويسولفون وانا اقعد اصب واكرف لحالي

الله يكون بعونك
أخته لا تردين عليها خلي علاقتك بها سلام وبس
وامه حاولي تزبطي علاقتك معها وجيبي لها هديه واعزميها عندك واذا فضيتي مري عليها قولي ناقص شي اسوي لك شي . ماعليش اضغطي ع حالك عشان حياتك تكون بدون مشاكل
واكيد امه مع الوقت راح تتغير

ع فكرة اختي

ترى حق الزوجة على الزوج يجي قبل حق اخته عليه
فهمتي الوضع ؟
ابسطها لك اكثر
الأم بعدين ( الزوووجة ) بعدين الاخت
وهذا شي مايزعل والله انا عندي اخوان ومتزوجين عمرنا ماتطفلنا عليهم وعلى حريمهم
ولاعمري طلبت اخواني مشاوير ماصخه وزوجته لها مشوار ! عيب يعني
ترى هي اولى يقضي مشاويرها ولا يعني راح جاااب بنت الناس من بيت اهلها عشان امه واخواته يهينوها ويغلطو عليها ؟

مثل ماانتي معززه مكرمة بين ابوك واخوانك ترى زوجة الاخ برضو كانت دلوعة ابوها واخوانها في بيت اهلها !
( كلامي وردي بس اعتراضا على كلمتك لمن قلتي اخوها فهمتي زين )
لان الادميه ماانكرت حق الاخت بس مو على حساب حقوقها كزوجة
والحقيقه واضحه مثل الشمس ماتتغطى

صحبة الموضوع اهل زوجك غلطو فيك واخته ماحترمتك وحاطه دوبها ودوبك وهذي حركات متوقعه من اخوات زوج انا اعاني نفس معاناتك اخوات زوجي كبار اكبر حتى من زوجي وبنات ماتزوجو وانا اصغر منهم بكثييييررر كثيير فوق ماتتخيلي يوصل الفرق بيننا الى9 سنوات
ومع ذلك الغيره والمناقره و النحاسه موجوده

لكن انا قطعت رجلي من عندهم وقطعت رجلهم من عندي
مو قطيعه تامه ولكن اروح ضيفه ويجوني ضيوف حتى باب المجلس مايعتبونه وهم عندي

تدري مشكلتك فين ؟
في زوجك اسمحيلي الحل والربط بيد الزوج هو اللي يقدر يحط الحدود ويفرضها بينك وبين اهله
وزوجك مايبغى يسوي هالشي

تفاهمي معاه بالحسنى كل شي باللين يجي

شوفي بقولك
اعرف وحدة عز المعرفة
مو معرفة والسلام لا اعرفها هي وجماعتها واهل زوجها

حبت زوجها وقرر يتزوجها
وقفت امه وقالت له ما تاخذها لو تموت
حاول في امه بس عيت وبالاخير اخذها بالغصب
واهله مو راضين وما يحبونها
وام زوجها ما تشتهيهااا نهاااائيا
ام زوجها تكرررهها كره العمى وتفشلها وتحرجها قدام الكل
وتحرش ولدها عليها بعد

هاذي البنت حاولت تكسب ام زوجها
برغم انها تكرهها حيل بس كل يوم تنزل لها من الصبح
تسوي لها الفطور وتكنس البيت وترقى شقتها تطبخ وتنزل لهم من غداها
والعصر لا فضت نزلت تشوف ام زوجها وش تبي
وفي العزايم تشيل ام زوجها شيل تسوي فطاير وحلويات وتبخر البيت
وصارت كأنها خدامة لأم زوجها وكل ما تخدمها العجيز تنكر المعروف
وتزيد في طريقتها القاسية
وفي عيد الام كانت تجيب لها ذهب وتاخذ دراعاتها للخياط
وسوت لها الي ما سووه لها بناتها
بعد سنة وزود تغيرررت ام زوجها صارت تحبهااااا
وما ترضى على زعلها وصارت تعدها مثل بناتها واعززز
وزوجها اليوم طاااااير فيها دايم يقول زوجتي عاقلة عرفت تكسب امي

هالسالفة صارت قدام عيني
لا تعاندين ترى هم اهله وعمره ما بيكرههم او بطلع الغلط عليهم
الغلطانة دائما في نظره انتي وبس
كل الرجال مثل زوجك

انا اقولك كبريائك قطيه على جمب وشوفي رضاها
لأن هي منبع المشاكل بينك وبين زوجك
اذا تبغين زوجك يرضى عنك ويحبك تغييررري خلاص وارضيها بأي ثمن
او تطلقي وافتكي منهم لأنهم عمرهم ما بيتغيرون الا اذا تغيرررتي
وتركتي عنك المجاكر والمناحس مع اخته وقالت لي وسوت لي وفشلتني
بتهدمين بيتك
ترى الام بصف بنتها كل ما عاندتي بنتها كل ما كرهتك زيااادة
يا تتغيرين يا تواصلين بطريقتك

انتي اختااااري