مشكلتي مشكله عويصه 😒😒

بنات يسعد مساكم و ليلكم ههههههه اعرف بعدكم صاحيين

مشكلتي كثير معقده

اولا امي و خالتي ماخذين اخوان يعني عمي زوج خالتي 👍
خالتي علاقتها بامي كانت كثير متوتره اكثر ما تتصوروا 👍
عمي زوج خالتي مات من زمان و هي عمرها 23 سنه من يومها ما تزوجت ابدا الين اليوم
و هي في الستينات 👍
خالتي تركت اولادها عند امي زمان و اهم صغار و راحت بيت ابوها
ربتهم امي و ابي يعني عمهم
بعدين ابي اخذهم لامهم لان مع اخواني خمسه و اهم ثلاثه كان كثير الحمل ثقيل عليه
المهم واحد من اولاد خالتي و ولد عمي في نفس الوقت ساكن بمدينتي
و صديق زوجي الروح بالروح
و زوجته بنت عمتي اخت ابي و هو بنت عمته

الى هنا فهمتوني اظن

المشكله ان خالتي و امي متزاعلين سنين على ميراث ابوهم و كل الاخوه
و خالتي هذي بعد كل اللي سواته امي معاها غلطت عليها كثير بالكلام لما امي طلبت حقها بالميراث
فانا وحده من اخواني كثير غاضتني امي و قطعت علاقتي بخالتي

و صارت تيجي عند ولدها اللي هو ولد عمي و صديق زوجي ما اروح لها

هذا ابن خالتي لما مرضت امي اخيرا ما كلفه خاطره يحمل ولو تيليفون و يقول لها او لاخواني
اللي اهم اصدقائه سلامتك يا خاله بالرغم من ان امه اللي كانت مقاطعه امي كلمتها بس سمعت بحالتها
و امي رباته بعد ما امه سمحت فيهم

الحين المشكله وين

زوجته بنت عمتي و صديقتي و اكثر و الحق يقال ما عمري قصدتها و ردتني
و كثير وقفت معي

و انا من شفت زوجها ما كلم امي و هي مريضه حلفت اني ما ادخل بيته
و زوجي قال له انت كثير غلطت مع خالتك

الحين حتى زوجته ما صارت تكلمني ولا تتصل علي ولا تجيني بيتي
مو عارفه هي ماخذه خاطرها علي لاني ما ازور حماتها اللي هي خالتي لما تكون عندها
و هي تعرف ان العلاقه بيننا متوتره

انا ما ودي اقطع علاقتي فيها لاني احبها و اعزها كثير مو عارفه ايش اسوي
اتصل عليها او اروح لها بعد ما قلت لزوجي ما ادخل بيتهم لو الميت بطلع منها

اتصل عليها و اسوي نفسي عادي ما فيه شي

و بخصوص خالتي كيف مو قادره انسى اسائتها لنا مو قادره اتقبلها والله
و ارجع لها و هي اتصلت بامي و هي مريضه اكثر من مره