السلام عليكم و رحمة الله و بركاته
كيفكم يا سنعات << بمعنى ربات بيوت من الدرجه الاولى


هذا يا طويلات العمر زوجي المصون جاب لي جمبري من بنده المفرزن
و قال لي سوي لي برياني
و انا والله ما اعرف له
و طفشني و كل يوم اقول له بكرا
الله يرزقها الجنه اللي تدلني ع طريقة سهله لبرياني الجمبري



و بعد الله لا يحرمكم الجنه ابي اعرف ايش اسوي ف الجمبري غير البرياني لان الكميه اللي جابها كبييره

بقولك الكميه حق كاسين رز.
كشني البصل يعني وحده كبيره لين يذبل البصل وحطي عليها الربيان المغسول وكشني سوا واضيفي طماط مقطع صغير تقريبا ثنتين وسط وحطي عليهم البهارات واللومي والقرفة وملح والفلفل الحار رالبارد. وقلبي لاتتركينه وحطي معلقه صويا اذا عندك وخليها ع نار هاديه بس انتبهي ترا احيانا يطّلع مويه كثير وهذا يخرب البرياني
واسلقي الرز المنقوع نص استواء. وجيبي قدر ثاني وحطي طبقه رز وطبقه من خليط الربيان وحطي عليه شوي كركم وبصل حق. الكشري ان شاالله عرفتيه. يعني تكونين مجهزته قبل. وبعده رز وبعدين ربيان وكركم وبصل وآخر شي طبقه رز. وخليه ع نار هاديه نص ساعه وإذ جيتي تغرفينه قلبي شوي شوي عشان يطّلع ملون ابيض واصفر ان شاالله ألطريقه واضحه
باالنسبه للربيان الباقي قطعيه قطع خشنه ومع البصل والثوم ومبشر الكوسة والجزر والصويا واحشي فيه السبرنغ رول.
بس نصيحه جربي الطازج أفضل بكثير عن المجمد
هذا طريقه برياني اللي الكل يعجبه سهل وبسيط
قطعي بصل وشوحيه في الزيت لين يذبل وحطي الربيان وحطي ملعقه كركم وملعقه بهارات مدارس ماركه السفينه اللي علبتها حديد هي افضل شي للبرياني واذا ماعندك حطي بهارات البرياني الموجوده عندك اهم شي انتبهي لايكون فيها جوزه الطيب لانها محرمه وزنجبيل وعود قرفه وراح تطلع ريحتهم تجننن البهارات وحركيهم

في الخلاط حق البصل والطماطم الصغير حطي زبادي ونعناع وكزبره وشبت اهم شي هذولا الثلاثه واخلطيهم مع بعض زين طبعا الكميه براس يدك للنعناع والكزبره والشبت
صبي الخلطه علي الربيان ولاتخافين لو سارت لونها اخضر مع الكركم راح يمتزج الالوان واذا حبيتي تقطعين حبه طماطم عليهم وملحي الاكل وخليه لين ينضج الربيان ولاتزيدين مويه ماعتقد يحتاج الا اذا مره نشف حطي فنجال صغير
في قدر بعد تنقيع الرز نص ساعه. اغلي مويه واسلقي الرز مع هيل وقرفه ولمن يستوي كبيه على خلطه الربيان وخليهم يتسبكون بدون تحريك وحطي على الوجه بودره الزعفران بريحه الورد واذا ماعندك. مويه ورد مع زعفران وصبيهم على الوجه. وفي الاخير اقلبي القدر في صحن التقديم وتمتعي برياني اطعم من المطاعم على قول صديقاتي
اللهم اني اشهد انك حق وان محمدعبدك ورسولك وانه حق وان عيسى عبدك ورسولك وانه حق والجنه حق والنار حق وان الله يبعث من في القبوراللهم ارض عني واغفرلي بها
ادخلي ذا الرابط وراح تذوقي احلى برياني ^^

http://www.encyclopediacooking.com/a...on-8688-1.html


الساعة الآن 04:00 .