السلام علكم ورحمة الله وبركاته
غالياتي انا عندي مشكلة كبيرة اعاني منها ومأثرة بشكل كبير على حياتي ونفسيتي
وهي اني مااجيد الطبخ ولااعرف طبخات كثير مع اني كل مااشوف طبخة بسيطة
او مقاديرها متوفرة اكتبها او اصورها سواء من هنا او من الانستغرام
لكن لما اجي بطبقها اخاف لاني كذا مرة سويت طبخات وشغلات وحلويات وخربت
احس مايضبط معاي شي ابداااا
حتى ابسط الاشياء اللي هو الكبسة اغلب الاوقات ماتضبط يجي الرز معفوس او الماي كثير او تحترق من تحت
صحيح طعمها زين بس منظرها يجيب الهم
والشغلة الثانية اللي اعاني منها مااحفظ لا المقادير ولا الطريقة ذاكرتي ضعيفة جدا وانسى كثير
يعني لو اسوي الطبخة من الورقة عشر مرات اجي المرة الجاية مااذكر شي ولااعرف لامقادير ولاطريقة مدري ليش حياتي كذا استغفر الله
وهل انا طبعية او فيني شي لاسمح الله انتم مثلي ؟؟
لاتحسبوني صغيرة انا في الثلاثينات ومتزوجة وام ماشاء الله لكني اخجل من نفسي ومن خوفي اللي ضيعني
مااعرف الا الكبسة والمحاشي والمكرونة الحمرا
اما الحلويات والصواني والمعجنات والسلطات مييييح الله يسامح من كان السبب
يعاملوننا كاننا صغار ومعتمدين على الشغالات لما تزوجنا وتورطنا
كل ماحاولنا نطبخ قالوا لاتحوسون علينا المطبخ والدنيا انتم صغار خلكم في مدارسكم الشغالة هي اللي تطبخ
الحين انا في الثلاثين واستحي لما يجيبون سوالف الطبخ والوصفات في مجلس
اخاف انسأل وانحرج مااعرف شي عن عالم الطبخ الا الكبسة والنواشف الله يعدل الحال مدري يمديني ابدا واتعلم الطبخ والا خلاص راحت علي
تعبت وانا كل كم شهر افتح الدواليب واكب الاغراض منتهية صلاحيتهم
نستلة هيرشي صوص شوكلاته كراميل دريم ويب لازانيا بيكنج باودر خميرة طحين مشروم سميد كاسترد الخ الخ
والله يابنات يعورني قلبي يوم اشوف صلاحيتهم انتهت وانا مشتريتهم ومتحمسة اسويهم
بس يذيحني الخوف والتردد وكل يوم اقول بكرة بسويهم لما تمر شهور وتنتهي صلاحيتهم
الله يعافيكم شلون ابتدي ابي اشياء بسيطة اعتمدها وابدا عليها
مثل التوست اللي تحشونه اشياء او صواني اللي فيها دجاج مسلوق ومفروم وطبقة بطاطس مهروس وهكذا
بكرة جاي رمضان ومابي يمر مثل كل سنة شوربة وكبسة وسمبوسة وخلاص
ابي اشياء تساعدني افرزنها وتبيض الوجه ولاتاخذ وقت ودي اتفرغ اقرأ قرآن او اصلي الله يلحقنا واياكم رمضان سالمين وكاملين ان شاء الله
يااااااارب كل من ساعدتني تكتب لها التوفيق في كل امور حياتها
وعليكم السلام ورحمة الله وبركاته
اول شي حياك الله بيننا مشاركاتك بس 1 يعني جديدة .. وزاد المنتدى طخمة جديدة ماشاء الله
الشي الثاني
ابشرح لك اساسيات افهميها زين :
1) الطبخ مثله مثل اي شي بالحياة تحتاجين يفهمك الله ويعلمك ويوفقك ..
فممكن تلقين وحدة سنين بالطبخ وماتعرف ليه هذا مع هذا او ايش البديل عن هذاك
او ممكن تلقينك تضبطين كل شي بس تخرب بالفرن او خلطتيها غلط او ماعندك نفس بالطبخ او او
فدائما ادعي ربي انه يفهمك ويعلمك ويسددك ثم تصدقي ثم

2)ثم الطبخ مهو لعبة .. الطبخ كيمياء
عنصر تحطينه مع عنصر يخرب
عنصر يزيد مقداره عن المطلوب يتفاعل مع غيره ويخرب
( مثلا وصفة لقيمات تقولك ملعقة سكر حطيتي 2 او 3 .. هنا عنصر صحيح بس فيه زيادة فتلاقين عند القلي يحمر القشرة واللي جوا لسى مانضج لانه السكر بسرعه يتكرمل ويسود فتضطرين تشيلينهم من الزيت واللي جوا لسى مانضج )

عنصر بالطبيعة بدون طبخ له طعم لكن بالطبخ له وظيفة غير .
( مثال : الــــسكر ......... نستخدمة للتحلية اذا فيه شيء مر مثل عصير شاهي حلى + الكيكات فقط..
لكن بالطبخ ...... ليس هو عنصر التحلية مهما كبيتي ... بالطبخ من فوائده 2 : لون كراميلي او اصفر اذا نضج + مع الخميرة لانها تتتفاعل معه ....
عنصر التحلية بالطبخ : حليب البودرة

عنصر ممتاز مع عنصر ويتجانسون
مثلا : اللحم مع القرفة ممتاز
الدجاج مع الهيل ممتاز

القرفة مع الجزر روعة
الجبن مع البابريكا الحارة روعة

وهذا من اسباب انه نادرا ماتلاقين طباخين ماهرين واكثر الناس ينجحون بالاشياء اللي مافيها طبخ طبخ مثل الحلى نجحو فيه الناس مثلا اكثر من الكيك لانه الكيك فيه شوية طبخ ومواد اوليه والحلى مقادير جاهززة لذيذة ونجمعها مع بعض بتطلع باذن الله واو

3) كثرة النسيان وعدم التذكر عادي انا ماذكر وكل ماجي اسوي اجيب الدفتر ماعدا بالطبخات اللي يوميا مثل الكبسة . والله لو انه قران !!!
وغالبا اللي تطبخينه كل يوم هو اللي تذكرينه فشي عادي .

4) لا تحطمين نفسك انا ماعرف ومدري ايش هذا اللي غلط اعتمدي على الله مهو على حيلك او اهلك وعادي لو اهلك ماكنتي تطبخين اللي يسمعك يقول ماتصلين

5) الكبسة ... بتلاحظين انه كل ماتعلمي طبخ من اسباب باذن الله انه تزين كبستك عشان كذا احيانا يقيسون مهارتك بكبستك بس .. فطالما انتتي مبتدئة بالطبخ شيء عادي

6) ابداي بالاشياء البسيطة عشان تتتعودين على المطبخ ....... ابداي بالسندوتشات المحشية قبل المعجنات وابداي تعلمي حشوات .... حشوات تونة ودجاج مفروم ولحم مفروم
ابداي سوي رز ابيض عشان تعلمين كيف الماء يكون مقاسه يكون فوق الرز بشوي وانقعي الرز قبل تكبينه بماء وملح وقطرات ليمون ...واذا شرب الرز الماء اللي فوق قصري عليه عشان يطبخ بالبخار بعدين ابداي بالكبسة وترى المكرونة ام مرق نفس الكبسة بس لازم صلصة اكثر

7) سوي جبنية لان عجينة القلي اسهل من الفرن
بعدها استخدمي عجينة العشر دقايق للفطائر واستخدمي حشوات الدجاج واللحم اللي سويتيها بحشو السندوتشات

8) ياحلو فديوهات منال العالم ادخلي يوتيوب وشوفي وصفاتها وامشي معها
كل شي صواني وكل شي وبسييييطة وموادها موجودة غالبا
رووووحي ياشيخة الله يوفقك وين ماكنتي بردتي قلبي ههه
الكبسة اسويها زينة لكن بهاراتي مهما قللتها طالعة بالاكل ومسوية شوي مرارة او حموضة
انا اخذها من محلات العطارة جاهزة كل مرة اخذ من محل ولا ادري وش سبب هالمرارة او الحموضة بالاكل
اقسم بالله كانك تدرين باللي في قلبي فكرت اسوي جبنية نزلت الموضوع وتحطمت مالقيت احد رد ورحت قلت ببدا اسوي جبنية هههه سبحان الله
ودخلت قوقل ومن عالم حواء سويت جبنية عضوة اسمها قصيمية يمدحونها لكن للاسسسسف كالعادة
طلعت فطاير مو جبنية الحمدلله على كل حال مهما اجتهدت وشجعت نفسي كلو خراب صديق
راح اصورها وانزلها لكم سويت نفس مقاديرها لكن الطحين مو محددة كم وحطيت من عندي وقامت تلصق بيديني وكبيت عليها طحين وقست ورحت زودت ماي
وجيت للمشكلة الثانية اللي اهي شلون افردها لما خمرت احط على السطح طحين او زيت
خفت احط طحين وتيبس علي ورحت دهنت الصينية بزيت وفردتها وقطعتها وقليتها بزيت شبه حار وبعد قليتها بزيت حار
ولما طلعتا طلع وسطها مثل الفطاير
والاسبوع اللي فات سويت عجينة العشر سنين ههههههههه وطبعا ماضيطت معاي طابوق مو عجينة يابسة
مدري شلون الاوادم تطلع معاهم مثل المخابز ناعمة وطرية وبيضا الله المستعااااان
مدري ليش انا فاشلة في الطبخ احس ماااافي امل يضبط معاي شي >> فيس يطالع للمواعين ..
بس حظي غسيل المواعين آآآآه احس علي دعوة خخ
استغفر الله ياربي
ياقلبي الواحد يتعلم من الاخطاء
يعني لو كنت شفتي اول عجينه سويتها بصراحه المسمى خبز لكن طلعت بصراحة اداة ينضرب بيها الكافر يسلم هههههههههههههههههههههههه


تعال اتغلغل فيك ما قصرت جزاها الله خير


لكن لما تعملي عجينة وبنفس المقادير وطلعت تلزق بيدك ما يبغا لها دقيق زياده لكن لازم تنعجن كويس
يعني ممكن تعتبريها مجرم بحاجة لتربية ههههه ارفعيها وارزعيها على الرخام رزع اكثر من مرة


ودايما سمعي نفسك كلام ايجابي عن مهارتك في تعلم الطبخ واكيد باذن الله ب تتعلمي


ولما تسكبي الماء المغلي على الرز خلي زيادة عن مستوى الرز اصبع بالعرض بالــــــــــــعــــــــــــرض مو بالطول


يوفقك ربي
تعرفي من كم يوم كنت اعمل كيك بالشوكولا وانا دايم اعمله عادي
واثناء انتظار نضج المحروسة اتذكرت .....نسيت احط السكر هههههههههههههههه
يعني راح تطلع احلى خبزه


بعد ما طلعتها عجنتها زين و حطيت عليها تمر وهيل وعجنتها مرة ثانيه وعلى الوجه زبدة
طلعت فته تمر مبتكرة بس تجنن هههههههههههههههه


الساعة الآن 06:03 .