اولا انتي ماعندك رهاب اللي عندو رهاب اصلن مايعترف

ثانيا انتي عندك نقص الثقة بالنفس نتيجة التحطيم والتدقيق الزايد عشان فتحتي مجال للي يسوي واللي مايسوى يبدي رأيه فيك وبأغراضك

لاتسمحي لاحد يقلل من اي شيء تسويه ولا تطلبيه او تشتريه تشجعي قولي وايش دخلكم محد طلب رأيكم اغراضي مو اغراضكم من خيري ,,

مشكلتلك طيبة وعلى نياتك وتبغين الناس تكون راضيه عنك (واضح من بداية موضوعك تسألين يضحكون عليها الناس ولالا) ,,رضا الناس غاية لا تدرك لو تلفي الارض مستحيل يجتمع الناس على حب شخص الرسول وهو رسول الامه محد اجتمع على حبه ,, مادخل الموضوع جمال ولا مال,, اصلن ليه تفكرين بحبهم مين همااااااا ليه يهمك ضحكو ماتو زعلو انتحرو !!

نصيحة لا تاخدي رأي احد ولا تفكري فـ فلان ولا علان طزززز في شجرة العايله كلها طز في العالم كلو ربي ماخلقكك عشان تشغلي تفكيرك فيهم مين هما اصلن عشان تتعبي نفسك وصحتك وتفكيرك عشانهم او تعملي لهم حساب !!

التغيير صعب في البداية لكن حاولي مره واثنين مع كذا موقف وراح تستوعبي انك تغيرتي للأفضل وراح تقولي منجد كنت اعمل لحساب لهذي التفاهه !!

بالنسبة اذا ضحكو اذا قلتي شيء مفيد يختي انا بدون ما اقول شيء طقطقو عليا :tongue: ردي بالمثل لاتاخذي الامور بحساسية اذا احد اهانك بموقف او تعدى عليكي لا تسكتي عشان ماتجلس في قلبك وتحرقي في نفسك ,, اخوانك العيال ردي عليهم بعشره ماعليك فيهم ايش بيسير يعني مدام هما اللي دقو الباب يتحملون الجواب ,, اما البنات اذا قلتي شيء وقالو لا كذب قولي هذي وجهة نظركم انا اشوف انها كذا وكذا ...الخ وكل مين له رأيه راح ينكتمون لما يشوفنك مقتنعه برأيك وواثقه ,, ماحبيت كلمة اطيعهم لا تطيعهم يختي في كل شي اذا عندك شيء مخالف قوليه ولا سويه ماعليك فيهم الناس اصلن ماتبغى اللي تمشي وراها تبغى الناس اللي عكسها لا تعززين لهم ولا تسلكين ,, افرضي احترامك ولاتديهم وجه زيادة عن اللزوم

بالنسبة لجدتك طزززز يختي لو يتقاتلون هيا وامك مالك شغل فيهم ايش عليك فيهم مشكلة ماهي بمشكلتك لاتفكرين فيها ,, اما صرافتك لا هنا ستوب كل مانزل راتبك روحي اسحبيه ماعليك فيهم ولا ادخلي جمعيه ولا تخلين احد يأخذه مو من حقهم لو بالمضاربه اذا ماقمتي بنفسك وطالبتي بحقوقك محد بيطلبها عنك وبكرا لو تزوجتي ايش بتسوين بيلعب فيك الرجال !! لازم تتعودين تطالبين بالشيء اللي لك وماتخافين لانك ماسويتي شيء خطأ

واخيرا: قال رسول الله صلى الله عليه وسلم: ((المؤمن القوي خيرٌ وأحب إلى الله من المؤمن الضعيف...))

الكلام ملخبط لكن ان شاء الله وصلت الفائدة :10:

الله يجزيك خير يااختي ومشكورة على كل الي قلتيه وشكرا بس جددتي جايه بعد أسبوع وتبغى غرفة لحالها فهمت علي يأختي وإذا منافذنا الي تبيه راح تغضب على أمي وعلينا والله العظيم انا جددتي دعت على رمضان الي فات عشان انها بتروح الحرم وشرشحتها عند الناس تبغي تدعي علينا وحنا شقتنا صغيرة ومتقسمين في غرفتين والله اذا جت راح تسخط على أمي وعلينا ايش نسوي من يوم خلقنا وهي ماتبغى الى مصلحتها ودايما تسبب مشاكل لنا في بس ودعاوي ايش نسوي طيب تحمنا مافيه الكافيه والله اما البنات عرفوا أني طلبت من سوق كوم أغراض حوالي 200 86 ريال فقط طلعوا من عيونهم شرارة غضب وقالوا والله أمي راح توريك والله تحطمت نفسيتي اكثر والله يعين علي جددتي والبنات الي مايفهموا وشكرا