وش تشترون من سنتر بوينت وسيتي ماكس

ضوء حلم :

وعليكم السلام ورحمة الله وبركاته . انتي متقضيه من قبل شي وعندك فكرة عن انواع الملابس او بيروحو معك خواتك لهم تجربه ولا لا بتدخلي هالمحلين وتتقضي لأول مره وتاخذي من هالتخفيضات ؟ :D انا عن نفسي اخذ البربطوزات اللي تجي حفر بدون كم وساده مافيها طبعات كثير وبالحبات ما احب اخذ اللي تجي طقم بالكيسه كامله لأن مقاسها اكبر بكثير عن رقمها بالنسبه لأطفالي لان حجمهم صغير . وقطعة حلوة مع كوفلته يجيك معلقات تقدري تطقمي معها براحتك في سنتربوينت حق استقبال .. واغراض للطفل مثل الرضاعات او حلمات ليفة استحمام حوض سباحه وملابس للبيت تناسب عمره وسهلة اللبس والفك عشان ماتتعبه , اخذ شي بسيط وعملي للبيت . الشامبو اخذه من الصيدلية من شركة نستله مجموعة بوبشن , جونسون مره جافه عليهم كرهتها جففت جلودهم , تغيرت عن ايام زمان ماهي نفس المنتج مدري ليه . وخذي قليل فقط من نيوبورن انتبهي للمقاسات .. احسن لك تاخذي من 0 _3 حتى يجلس معك فترة اطول حتى لو كبيرة شوي على الطفل مو مشكله وانتي لاحظي المقاس بشكل عام لان بعضها نيوبورن لكن مقاسها نفس مقاس 0_3 . البربطوزات اللي تكون طقطق من جنب او قدام عشان ما اضطر ادخل الثوب من راسه لانه لسى لين مره مريحه لي وله بالشهرين الأولى . وعن نفسي ما احب اللي يجيك من تحت مسكرة رجوله خصوصا بالصيف .. اخذ له شرابات البسه وقت الحاجه وخلاص .. احس هاللي تحت مو دايم تكون مضبوطه لانها مخيطه بشكل عام وبعض الاطفال يختلف مقاسهم .. اخذ اللي رجليه طويله ومن تحت مفتوحه . وللبنات احب اشتري اللي يجيك فستان وبربطوز سوا . وللأولاد والبنات احب جدا بشكل عام اللبس يكون فنيلة وسروال ساتر ومريح , لكن مايلبسوه الا بعد ماتطيح السرة وتجف نهائي ويكون المغاط مريح ووسيع شوي مايخنقه انتي شوفي بنفسك الاشياء اللي تعجبك وتحسي تقدري تستخدميها , ولازم مع التجارب تتعلمي ايش الافضل تاخذيه وايش تتركي . اذا لقيت وقت اليوم نزلت لك صور لهالملابس ان شاء الله . بالنسبه لدوامهم الايام العادية اعتقد انه من 9 الصباح الى 11 مساء . موفقه والله يسهل عليك .

وعليكم السلام ورحمة الله وبركاته . انتي متقضيه من قبل شي وعندك فكرة عن انواع الملابس او بيروحو...