السلام عليكم ورحمه الله خواتي بادخل بالموضع مباشره ابي وحده من السنعات تعلمني طريقه عمل الشوربه الكويكر طبعا كيف اضبطها والله مااعرفت اسويها ورمضان قرب وتعرفون هي اهم طبق على السفره والمشكله الاكبر زوووجي يموت فيها يعني مصيبه تخيلو مااعرف اسويها الفزعه الفزعه
20-07-1436 هـ, 01:44 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اعطيك طريقتي
احط دجاج ع النار مع مويا واخليها لين الدجاجة تستوي
واحط ف قدر ثاني 4 حبات طماطم مفرومه مع شوية معجون طماطم
اخليها ع النار شوي واحط ملح والبهار اللي تحبيه
ع حسب كم شخص
مثلا حطي 5 ملاعق اكل شوفان
وقلبيها كويس بعدين زيديها من مرقة الدجاج
وع حسب كيف تحبوها خفيفة او ثقيله اذا ثقيله زيدي شوفان
واذا خفيفة زي مرقة دجاج

ووسلامتك ..
20-07-1436 هـ, 09:21 مساءً
 
اذا كان بلحم او دجاج نفس الطريقة
او بمرقة ماجي

قطعي اللحم او الدجاج قطع صغيرة واطبخيه زين حتى ينضج اهم شي فيها مرقة كثيرة
____________

في قدر ثاني
افرمي بصل+جزرة صغيرة مبشورة+كوسة صغيرة مبشورة
(الخضار هذي لو تبغينها شغل احترافي والا يكفيك البصل)
حطي البصل المفروم وثوم مفروم ناعم في القدر مع شوي زيت
ثم الخضار قلبيها حتى يشقر لونها
ثم الطماطم المبشورة
قلبيهم شوي ثم حطي البهارات ←ملعقة صغيرة كاري+فلفل اسود+كمون
وحبتين هيل+
وحبة ليمون اسود مثقوبة بالسكين+
ملح شوي ..انتبهي لاتصير مالحة لان الشوربه حساسة.
لماتتسبك حطي مرقة اللحم مع قطع صغيييرة لحم لو تحبي
ونص ملعقة صلصة ..لو تبغي تزيدين من احمرار اللون زيدي شوي صلصة
وذرة كركم حسب الرغبة
خليها تغلي
جيبي شوفان ي تطحنينه بمطحنه البن
او بيدك افركيه وحطيه في صحن صغير وضيفي شوي مويا وافركيه بيدك ..هالخطوة عشان مايتكتل الشوفان لما تنزلينه القدر
وخلاص خليها تغلي وتنطبخ زين ع نار متوسطة خمس دقايق..ثم ع نار هادية ربع ساعة

لو كانت شوربة خضار مع مرقة ماجي
اضيفي لها (ملئ قبضة يدك شعيريه) قبل ماتطفين النار ب 7 دقايق تقريبا



وهني وعااافيه
20-07-1436 هـ, 09:48 مساءً
 
هذه طريقه الكل تعجبه ويارب تعجبكم

اول شي الشوربه افضل شي باللحم تطلع احلا والذ بكثير من الدجاج

لحم مقطع صغار. افرمي بصل وخليه مع الزيت يتكشن البصل وحطي عود قرفه وشيبه اهم بهار هو الشيبه يعطي للشوربه طعم متميزبتلاقينه عند اي عطار وحطي اللحم بعد ماتشوفين البصل ذهبي يتقلقل معهم عشان يطلع طعم اللحمه حلوه لمن يتكشنون زين مع بعض ويتغير لون اللحم للابيض حطي طماطم حبتين واذا تحبين الشوربه حمرا كثير حطي صلصه ملعقه او على حسب ماتحبين وخليها تطبخ مع اللحمه الكشنه خمس دقايق وحطي ملعقه صغيره كمون وفلفل اسود. واخر شي حطي المويه المغليه لازم مغليه على الكشنه وحطي اللومي الاسود حبه حبتين واظغطيهم في الكاتم. ولاتحطين ملح الا لمن تستوي اللحمه لان الملح يخلي اللحمه ماتستوي بسرعه
خلاص استوت اللحمه يعني احسبي لها في الكاتم افضل شي يكون عندك كاتم القدر الظغط يخلي الاكل يستوي بسرعه تاخذ اللحمه الصغار فيه عشرين دقيقه.
لمن تستوي اللحمه ظبطي الملح على مزاجك. وبعدين حطي الكويكر على حسب شوربتك تحبينها ثقيله كثري يعني مثلا للشخصين كوب مليان كويكر وانت بالنظر خليها تطبخ وشوفي قد ايش تحتاجين. للكويكر. واذا زبط مقدارك. خليه تطبخ نص ساعه على نار هاديه واذا تحبين الشعيريه خذي شويه وكسريها فوق الشوربه وخليها تطبخ وفي الاخير حركي الشوربه باستمرار عشان لاتلتصق في القدر. وقدميها مع الليمون
21-07-1436 هـ, 02:36 مساءً
 
احب شوربة الشوفان بدون تسبيك ...مسلوق في مسلوق اصح و اخف على المعدة

اسلقي لحم او دجاج و ممكن تعمليها بس بالخضار

اول حاجة خذي تقريبا 3 ملاعق طعام شوفان و نقعيها بموية

بعدها ارفعي شوية قطع من الدجاج او اللحم اسلقيها لمدة عشر دقايق ثم ضيفي عليها حبة طماطم صغيرة مبشورة بدون قشرة ثم ضيفي حبة جزر حبة بطاطا كوسا كلهم مبشورين و خليهم يطبخوا

بعدها ضيفي الشوفان المنقوع مسبقا ضيفيه مع الموية الي منقوع فيها


بهاراتك ملح رشة صغيرة فلفل اسد و شوية كمون و لو حابة ضيفي مكعب مرق
21-07-1436 هـ, 03:12 مساءً
 


الساعة الآن 11:08 .