السلام عليكم ورحمة الله وبركاته


شحالكم ربكم الا بخير


يمكن تستغربون شوي من العنوان ,,, لكن انا عندي شغف في الكمبيوتر والبرامج اللي فيه وأحب أتعلم كل يوم شي يديد


عندي مهارة في التصميم ,,, وهذا يندرج تحته تصميم بطايق ، تصميم مواقع ، تصميم شعارات ، مجلات ,,, أي شي ممكن يخطر في بالكم

وعندي حب التميز في كل شي ,,, وأحب كل شغلي يكون مضبوووط

وعندي بعد حب الإطلاع والقراءة سواء باللغة الانجليزية أوالعربية ,,, وهذا اللي يساعدني في عملية البحوث اللي اسويها حق عمري وحق خواني وربيعاتي


وعندي هوايه يمكن مب وايد يهتمون فيها الناس اللي هيه التصوير ,,, عندي حب لها الهوايه واحب امارسها بين فتره وفتره ,,, وتساعني في اشياء وايد ,,, يعني مرات اصور منظر طبيعي واصمم عليها بطاقة أو ممكن اسوي موقع ويساعدني التصوير وايد في هالشي



فانا حبيت استفسر هل في امكانيه اني احول كل اللي عندي من مهارات واتاجر فيها


بمعنى اصح ,,, اللي تبا مثلا اسوي لها موقع تجاري حق السلع اللي تبيعها ممكن انا اسوي لها ,,, واللي مثلا تبا تسوي بزنس كارد حقها او عشان محلها انا ممكن اصمم لها اللي خاطرها فيه


واي شي تبونه انا حاضرة ,,, حتى حق الطالبات او المعلمات اذا يبن بحوث او اي شي انا حاضرة

بس اتمنى ما تخذلوني حتى لو ما بتسوون عندي ع الاقل شجعوني


والسمووووحه منكم
05-12-1426 هـ, 10:28 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بالتأكيد تقدري
بس يبي لك شغل رسمي .. يعني تفتحي موقع فيه ستايلات و مواقع و اسعارك ..
بس يصير شكله رسمي و فيه الاسعار ..
كذا تقدري تجيبي لك زباين يثقون فيك
05-12-1426 هـ, 11:06 صباحاً
 
حلوه هوايتج واكيد وايد ناس يطلبون هالشي بس اول شي لازم تعرضين أعمالج وابداعاتج علشان الناس تتشجع تسوي عندج
05-12-1426 هـ, 01:14 مساءً
 
حلووو واكيد وبكل سهوله ان شاء الله تقدرين اتحولينها تجاره والله يوفقك
05-12-1426 هـ, 01:18 مساءً
 
تسلمن خواتي على التواصل


وحاليا قاعدين نصمم الموقع انا وفئه من البنات اللي حابين يسوون هالشي


ع العمووووم


تسلموووون ع التواجد وربي لا هانكن
05-12-1426 هـ, 07:51 مساءً
 


الساعة الآن 01:56 .