تعاملي معهم باحترام اذا طلبووو منك خدمه تقدرين عليها سويها برحابة صدر اذا اتصلوو واعزموك قومي بالواجب لكن وحطي تحتها الف خط خصوصياتك بشكل عام لاتتكلمين فيها اذا سالوك عن فلانه وعلانه قولي مدري كلمة مدري ترفع قدري اذا شفتيهم يحشون فاحد لاتشاركينهم الحش قولي ماعلينا من الناس وهالشي بعد طبقيه على نفسك والله العظيم عندي زوجة واحد من اخواني هي بنت عمي رغم انها موب مره معنا لكن احترم فيها هالشي انها اذا جلست مستحيل تجيب سيرة اهلها ولا اسرار اهلها لابخير ولابشر مستحيل تتكلم عن اخوي حتى لو كان مطلع عينها كل شي عندها مدري يعني حاطه حدود وخطوط حمرا لحياتها عكس زوجة اخوي الثاني اتفه سالفه تروح تقولها لاخوي اسرار اهلها تجي تقولها بدون مانسالها اي شي فبيتنا نقله لاهلها ولا لاخوي لدرجة انوو صرنا حذرين منها بالعربي الوحده اذا التزمت الصمت ومسكت لسانها راح تعيش مرتاحه والكل راح يحترمها واذا جاك منهم غلط او سمعتي شي ضايقك لاتدخلين زوجك لا تكلمي معهم وجه لوجه وافهمي السالفه بكل هدوء وحلوها واذا كانوو ناس ماينتعاشرون خلاص ابعدي عن الشر وغنيله

الرسميه تقابلينهم ضحك وسوالف ووناسسه نفترق محد يدري وين ارضي من سماي لا سوال لا اتصال لا كلام الا في الواجب بسس
اذا سولفت حياتي اللي في بيتي اسلوبي مع زوجي مشاكلنا واشيائنا الحلووه طلعتنا وسفرنا مشترياتنا كلش كلش مااتكلم عنه ابد ولا يدرون عنه