السلام عليكم ورحمة الله وبركآته

أخبآركم بنات .. أولا انا آنسة توي بعد مآتزوجت ونفطر برمضآن فطور عآدي الحمدلله
سمبوسة وشوربة وحلا فقط مرات ابوية الله يحفظه يجيب فول وتميس
احيانا اسوي بيتزا وحتى الحلا مو كل يوم نسويه ماحد يآكله للعلم احنا عيلة ماشاء الله
عددنا 7
اخواتي صغار بس ابوي واخوي ماشاء الله بالجامعه ياكلوا بس هذا فطورنا الحمدلله
وع آخر رمضان نسوي كبسة ع الفطور ع طلب الجميع
أناا الحين مستغربة من البعض العرايس او الحرايم
قآيمة الطبخآت ماشاء الله عشرة أصناف مآدري كل الناس كذا !
صراحة خفت ع نفسي اذا تزوجت اطيح بحمولة يسون عشرة أصناف
وعالسحور مرات مانطبخ نحط فواكه ع باقي الفطور واخواني يتسحرون برا
ومرات نسوي اكلات الديرة حقت الجنوب العيش والعصيدة عشان ابوية
وبس الحمدلله والله يبقى نص الاكل ف يآحريم لاتتعبوا حآلكم
وتنشغلوا عن العبادة انا ادخل انا وامي المطبخ قبل الاذان بساعه
والسمبوسة نلفها من الليل يادوب تسوي امي الشوربة
وانا اسوي بيتزا او فيتمو او سلطة ومرات ماسوي شي لان ماحد يآكله
ناكل بس سمبوسة وفول وعصير حتى الحلا ماحد يقرب منه
بسسالكم انتم الحين اكلكم ذا الي تطبخونه ينآكل كلهه او كيف الوضع ؟
اللهم صل وسلم على نبينا محمد عليه أفضل الصلاة والسلام
صراحه حنا لابد من صينية حلا عالسفره كل يوم
مع ان اخوي مايحب الحلا لكن حنا يالبنات نحبه
والاصناف لازم شوربه ومكرونه وصنف معجنات وسمبوسه من غير الحلا والايام الثانيه ننوع لكن في اليوم الواحد اقل شي نسوي 6 اطباق والكبسه ابدددا مانسويها برمضان الا سحور ونادرا بعد ....
اعاده الله علينا وعليكم ونحن بأتم الصحه والعافيه ولافاقدين ولا مفقودين بأذن الله ...
الصدق يفعل كل شئ !
كي تسعد قلب
لاتحتاج لكلمات جميله
بقدر ماتحتاج للصدق فيها
انا مثلك استغرب من ياكل هالدنيا كله والله حرام
بماان عائلتي صعيرة اسوي شوربه سمبوسة مهلبيه سلطه وسلطه فواكة
حلا مو يومي الفطائر ايضا مو يومي يوم ورا يوم والباقي اسخنة لبكرة
احيان مكرونة واحيان تميز وفول السحور ثابت كبسه
وقت العزايم لا اضيف وانوع واسوي اكثر من نوع
وانتي اتعلمي قبل تتورطين بالحموله بعضهم اكيليين ماشالله
سفرتي احط فيها مع الشوربه والسلطه نوع فطاير مالح ونوع فطاير حلو وكريم كرميل
او بدال الفطائر سمبوسه واللقيمات
او سبرنق رول واصابع العاروسه
يعني المهم صنف حلو وصنف مالح
اما صواني فاماأسوي الا اذا بيجيني احد
وهنا اغلب البنات الي يسون ويجهزون يكون بالاساس أحتياط اذا جاهم ضيف ولا جار لزم عليه الزوج الفطور(دايم تصير)الله يكتب لنا الاجر فالازم اكون مستعده مااحب الشي الفجأة اخرب ام الدنيا فالتفريز حل المشكله
وفي ناس يحطون كل شي على الفطور فايكون فطورهم وعشاهم وسحورهم
أحنا ماعندنا اشياء دسمه صواني وكبسات وحتى المكرونات على الفطور
فطورنا اصنافه خفيفه وكميته قليله والعشاء كبسه وايدام او صينيه والسحور مافي بس تمر وزبادي او لبن او حليب والغالب مويه بس
احس على حسب انا دايم افطرعند اهل زوجي طبعا بدايه رمضان اشوف اصناف زي مكرونه بقشطه و بيتزا و رولالات توست سمبوسه شيء اساسيء عندهم و شوربه بعد لازم بسفره وانا اسوي صنف واحد اما يكون حلا او صواني او شعريه او مكرونه لكن على نهايه رمضان يكون بس شوربه و سمبوسه احيانا يحطون مكرونه انا يكون مقاضي حقتي خلصت عشان ظروفنا ماديه
اما لم اكون مع زوجي ايش موجود سويها اما يوم كانت حامل العام ماضي كنت اسوي شوربه وسمبوسه واحيانا مكرونه لكن السحور مااقصر معاه
ياربِّ إجعل أمي وأبي مِِمَن ينعموُن في جنّتك !*


الساعة الآن 03:08 .