يابنات ابي حشوات مختلفه للسمبوسه...غير اللحم والجبن....ملييت من الحشوات اللحم والجبن ابي اغير شوي

ابي طريقه للقيمات بحيث اذا طلعتها من الزيت ماتكون يابسه ....

اللهم بلغنا رمضان لافاقدين ولامفقودين

وشكرا لكم حبيباتي😘😘

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
القيمات ماعندي علم بنوووب خخخ


ماعرف لهم 😁

حشوات السمبوسه
1- تبشرين كوسه وجزر وتقطعين بصل صغير وتكشنينه بزيت وتحطين الكوسه والجزر وتحركينهن وتحطين نص حبة ماجي وشوي كاري فلفل

وتحطين عليهن نص كاس ماء ولاحتى ينضج وينشف مررره من الما وتطفين عنه وتضيفين ملعقه كبيره جبن سايل وتحركينهن وبعدين تحشين فيهم السمبوسه


((( الكميه اللي ذكرت لحبة كوسه وحبة جزر كبار ))



2- شوي سمسم وشوي زيتون بدون حب وجبنة كرافت تشيدر مبشوره وشوي شطة سومطرا


3- بيض مسلوق مبشور مع طماطم مقطع قطع صغيره


4- تونه مكشنه بالبصل والبهارات


((( اي شي تحبينه تقدرين تحشين فيه السمبوسه))
مااخشاه ان استيقظ وانا بحفره
مظلمه وليس حولي الا ملكين
ربي إرحم ضعفي حين اكون بين يديك
زيك والله ودي بحشوات جديده غير اللحم والجبنه
السمبوسه
الحشوه الاولى
سمبوسة بطاطس مسلوق تسلقينه لوحده ثم تقشرينه وتهرسينه وتحطين فلفل اسود شوي وملح وشوي بهارات وتكونين مجهزه لحم مفروم بالبصل والبهارات والكزبره والبقدونس والشبت يعني لحم السمبوسه حقتك
تخلطي اللحم مع البطاطس
تتركينه يبرد شوي
ثم تحشينه بالسمبوسه وربي ررررررررررررررررررررررروعه وبتدمنينها
الحشوه الثانيه
سمبوسه بجبن فيتا المراعي بالنعناع
الحشوه الثالثه
سمبوسه بحشوة جبن فيتا مع فلفل بارد مفروم صغير وذره ررررررررررروعه مره
الحشوه الرابعه
جبن الموتزريلا تحطينه في طابي وتقلبينها على النار الين تذوب ثم تضيفين لها فلفل بارد
وتقلبينها ثم تحشينها بالسمبوسه
فيه ناس تضيف لها نقانق وطماط مقطع صغير مره بس انا لا ماحب
والحشوه الخامسه
بطاطس مسلوقه ومهروسه مع جبن سايل وشوي فلفل اسةد وبهار كاري وملح
وتلفينها رول
الحشوه السادسه
جبن شيدر مع فلفل بارد مقطع صغار وبصل اخضر مقطع صغار
الحشوه السابعه
بيض مسلوق مع جبن سايل
الحشوه الثامنه
جبن شيدر مع جزر مبشور
الحشوه التاسعه
خوذي فلفل بارد ملون وافرميه واضيفي له ين علبتجبن فيتا او اي جبن مالح وكيس موتزريلا واحشيهم واستمتعي اضيفي رشة زعتر بري او اورجيانو
الحشوه العاشره
جبن شيدر مع فلفل حار
الحشوه ال11
جبنة مالحه مع زيتون شرايخ وفلفل بارد وذره نفس طعم البيتزا
الحشوه ال 12
جبن فيتا وجبن حلوم ومتزريلا وكرافت مع بيضه وبصل اخضر
تنفع بعد بعجينه المطبق
الحشوه ال 13
بطاطس مسلوق مع جبن فيتا
الحشوه ال 14
بيض مسلوق ومفتت مت جبن شيدر مبشور والجبن اكثر من البيض وشوي مره نعناع
الحشوه ال 15
جبن سايل مع جبن مثلث ونعناع مجفف
وبس اتمنى تعجبكم يارب وكل عام وانتم بخير والله يبلغنا رمضان جميعا
دعواتكم لي الذريه الصالحه عاجلا غير اجل والله يرزقني وشقيقتي التوأم التامين بلا زياده ولا نقصان والملائكه تقول ولك مثل ذالك
الله أكبر الله أكبر لا اله الا الله الله أكبر الله أكبر ولله الحمد الله أكبر كبيرا والحمد لله كثير وسبحان الله بكرة واصيلا اللهم صلي على محمد وعلى اله وصحبة تسليم كثيرا
اللقيمات
بطريقه ام عزيزان الله يجزاها خير والطعم بين الحموضه بسبب اللبن والحلاوه
2كوب دقيق
2كوب لبن دافي
ملعقة خميره
ملعقه سكر
تخلط المواد الجافه اولا سواء
ونصب عليها اللبن شوي شوي لما تصير عندك عجينه ثقيله ومتجانسه اثقل من خليط الكيكه بشويتين
تتركينها تخمر ساه
وبعدها تقلينها
اللبن لا تصبينه دفعه وحده شوي واخبطي اهم شي في اللقيمات هو انك تدخلين فيها هواء وتخبطين كنك تضربين احد
دعواتكم بالذريه لي ولشقيقتي عاجلا غير اجل قادر ياكريم
الله أكبر الله أكبر لا اله الا الله الله أكبر الله أكبر ولله الحمد الله أكبر كبيرا والحمد لله كثير وسبحان الله بكرة واصيلا اللهم صلي على محمد وعلى اله وصحبة تسليم كثيرا


الساعة الآن 10:02 .