السلام عليكم

مثل ما انتوا شايفين بالعنوان 
انا فتحت مشروع طبخ صغير عندي بالبيت يمكن من شهر بس وللحين ماجتني طلبات الا قليل وسبحان الله اقعد اسبوع اسبوعين بدون طلب وفي يوم يجيني طلبين والله اتععععب حيل وانا لحالي وعندي بنتين ماودي اهملهم ع حساب الطبخ بس مضطره عشانهم

لو ما الظروف ما اشتغلت ولا تعبت نفسي 

ابي لما نروح مكان مجمع او ايه شي يصير خاطرهم بشي انا ادفع لهم ماحد يصرخ عليهم ويقول لهم مايحتاج ويمشيهم غصب 
والله احزن عليهم 

بس امي لما شكيت لها اني حيل تعبانه ورجولي يعوروني قالت لا تكملي تتعبي نفسك واخاف عليك يصير فيك شي افتحي لك مشروع ثاني مافي تعب وانا ماشوف نفسي في اي شي ثاني كنت شاطرة بالمكياج لكن تركت مانميت موهبتي 

الحين انا محتاجه للشغل ايا كان
وكلام امي حطمني كل افكر اني اترك الطبخ صار ماعندي وقت لبيتي وعيالي مثل قبل هملت نفسي هملت كل شي احاول قد ما اقدر 

زوجي يقولي ماعليه كملي وانا معك وبساعدك وهو طول وقته بالدوام 

وغير كذا اسعاري احس رخيصه ماتوفي تعبي ولا اعرف احط اسعار 

يعني مثلا

اليوم جتني طلبيه من شباب عزاب تعبت تعب فيها واخر شي بس 100 ريال الحمدالله رب العالمين نعمه بس احس تعبي يستاهل اكثر 

ياليت تشوروا علي شسوي حيل محتاره وكل افكر وخايفه من كل شي 

ساعدوني ريحوني بكلمه الله يحزاكم خير 
والله تعبااانه

ودي اشتري لي ملابس اكسسوارات مكياج كثيير شغلات ناقصتني وناقصه بناتي 

ع فكره عندي شهادة وقدمت مدارس اهليه بس لاحس ولاخبر 

ادري طولت عليكم لكن مالي غيركم
دام انه عندج فكرة عن المكياج ..خذيلج دورة و نمي هالمهارة و اشتغلي بالمكياج ..ربحها وفير باليوم اذا ييوج زباين ..و اريح و اسههل عن الطبخ

اللي تمكيج عادي مرات مكسبها 1000 باليوم و اكثر
لو ياج بالشهر مكسب 1000 او 2000 الحمد لله
و لا 100 على صحن اشقى روحي و اتعب فيه
رفع
ياربِّ إجعل أمي وأبي مِِمَن ينعموُن في جنّتك !*
والله صح كلامك وهذا اللي محطمني

لكن المكياج صعبه علي حاليا ماعندي مكان وغير كذا ساكنه بمنطقه بعيده ماعرف احد فيها كيف بروج لنفسي عالاقل الطبخ بسرعه ينتشر والحمدالله احس انتشر رقمي وفيه ناس تسال 

لكن خايفه من التعب وخايفه اهمل بناتي وهم اغلى شي عندي مافكرت بهالشغله الا عشانهم 

الى متى ابوي يعطيني وامي احيانا او اتسلف من اخواني 

لازم اعتمد على نفسي واشوف لي دخل ثاني 


الساعة الآن 01:58 .