اخت زوجي شكلها تبي ترجع العلاقه

السلام عليكم ورحمه الله


بنات مالي غيركم بعد الله ابي استشيركم
هذي اخت زوجي كانت علاقتنا بدايه زواجي زي العسل واخدمها بعيوني لاني كنت فاكرتها طيبه ومره من المرات ماقدرت اخدمها كنت تعبانه وهي ماعذرتني وقعدت تتلفظ علي وتقول بينتي علي حقيقتك ام وجهين وكلام مره يجرح وحتي وصلت الامر وقالت اني مارضيت استقبلها ببيتي لانها كانت بتجي اذاكر لهااا وكنت تعبانه وقلت لها مااقدر وقالت ماتبيني طردتني وكبرت المشكله بس الحمدلله زوجي ماسمع لها لاني مفهمته الموضوع من قبل وقلت له مهما صار لا تتدخل هذي اختك حرام تخسرها وانا زوجتك حرام تظلمني وسمع كلامي وراحت كلمت أمها وكبرت الموضوع واتصلو علي زوجي عشان يخانقني بس ماسمع لهم وفضحتني بالعايله كلها اني طرتها وماابيها واتحجج عشان ماتجيني وماابي اخدمها هذا كله من سنتين وقطعت علاقتي فيها نهائيا بس حدنا سلام وخلاص اذا قابلتها


من 5 أيام انا غيرت جوالي وماادري كيف انفك الحظر بالواتس عن الكل وهي من ضمنهم وكلمتني واتس تسال عني وبعدين قالت ابي اتصل لك استشيرك بشي قلت لها عادي واتصلت تسولف ولا كانه صاير شي وبعدين قالت لي عند اهل زوجي عرس وابيك تصبغين شعري انتي تضبطيه واعتذرت منها بشكل لطيف اني مااقدر وكذا وضلت تسولف كانها تبي ترجع العلاقه وانا عاملتها بشكل مره رسمي لاني انجرحت منها كثير وسكرت
سالت زوجي قلت له وش رايك قال اختي مالها خاتمه واخاف أقول لك رجعي العلاقه وترد تسوي لك حركه تكرهك بعمرك واخاف أقول لك طنشيها ماادري بكيفك فانا محتاره بين اني ارضخ لها وارجع علاقتنا مع العلم هي مرررره مصلحجيه او اني اعاملها برسميه وارجع اقطع العلاقه واعطيها حظر محتاره مره مره ياريت تقولون لي وش اسوي