الفرق بيني وبينك ان ولدك يبيك جنبه وولدي يبي شيء في فمه حتى لو مايشرب
حسيت فيك فعلا حتى ابوه يقول ازعجنا عجز حتى هو فيه ...
وفعلا شغل البيت متراكم بسببه
يارب تهديهم وتصلحهم
والله احس حتى جسمي انهد ورجولي تعبااانه من كثر ما أجلس وأقوم له
الله يجزاك الجنة عالرد
ويصلح ذريتك وتشوفبنهم من خير الناس

عادي مو شرط يكون فيه علة.. في أطفال كذا بس يحبون البكاء والإزعاج.. بس يكبر ان شا الله شوي وتتغير عنده هالعادة.. ما في حل إلا إنك تتصبرين لحد ما يكبر.

اختي جربي كذا نوع من اللهايات يمكن ما عجبته الي عنده.. يحليله عنده شروط ههههههههه

شوفي
اذا نومه قلق يعني ماينام ولا يطول بنومته اكيد بطنه فيها مشكله
اما الغازات انا داخله برد
الغازات فيه نقط للبطن منتازات نواع كثيره والله ماذكر كم نوع استخدمت
كل دكتور يعطيني للغازات وانا ماطلب منه بس لازم يحسبوني ماعندي او اني اشتكي لهم مااشتكي لهم من بطنه بس اوديه عشان الانفلونزه او الرشح بس لازم يكتبون لي نقط للبطن اذا شافوا بطنه منفوخ
بس طبيعي بطنه يكون منفوخ من الغازات استخدم له يانسون واستخدم له نقط والحمدلله ولدي ماكان يشتكي من المغص لاني اعطيه النقط واليانسون كل بعد رضعة حليب رضعة يانسون وبكذا ولدي مرتاح من المغص بس لازم البطن منفوخ بسبب الغازات والحمدلله يطلع هو الغازات بس مايروح نفخت البطن الا بعد يمكن الشهر السادس يروح الغازات عنه والنفخه
المهم مغصهم مايحسون فيه


لذا ولدك سوي له يانسون لازم بعد كل رضاعة حليب بينهم رضعة يانسون اليانسون مايطول بالبطن ربع ساعه او نص ساعه او اقل بعد الا هو نازل مع البول يعني مو غذاء اليانسون لازم بعد ربع او زياده شوي رضعة حليب
اليانسون يشيل الغازات اللي تسبب مغص للطفل
وتخلي الطفل يخرجها براحه
وتنظف المعده من الباكتيريا والفيروسات وتطهره اليانسون ممتااااااز للانفلونزه والكحه يشيل الفيروس اللي بالمعده
حتى يمشي بطنه يعني معه امساك بسبب تلبك المعده بسبب الحليب الصناعي اليانسون يمشي بطنه ينظفه
وبعد ممتاز للتسمم الغذائي لانه يقضي على الفيروس اللي بالمعده مسبب مغص واسهال
انا مجربته بتسمم غذائي
وصديقتي برضو جاها تسمم غذائي اكلت من برا جاها مغص قوي واسهال متواصل لدرجة هد حيلها وماتقدر تمشي وشربت يانسون مع كمون مع نعناع اختفى كل اللي فيها
عشان كذا الطفل اذا شرب منقوع اليانسون يرتاح وينام
لازم قبل ماتسوين اليانسون تغسلينه تحت الحنفيه بمويه البارده يعني مش الدافيه
تحطين ملعقه يانسون بالمشخال الصغير وتحطينها تحت الحنفيه وتمشين المويه عليه وباصبعك تحركين وتفركين سريع سريع اليانسون عشان تنزل كل الغبره اللي فيه


بس ماتطولين بسرررعه سريع سريع لايطلع لون اليانسون
وتحطينه بالكوب مع سكر نبات لازم تحلين للطفل اليانسون عشان يتقبله
ذوقيه اذا فيه حلاوه ولا لا لانه سكر النبات قليل تطلع حلاوته
حطي معه بعد قبل ماتصبين المويه المغليه حبة البركه كم حبه باصابعك وصبي المويه الحاره وغطي الكوب وخليه ينقع عشر دقايق وصفيه وشربيه ولدك
بعد بعد رضعات الحليب مو مباشره بس اذا جت رضعة حليب الثانيه حطيها يانسون ربع ساعه ورضعيه حليب
الدكتور قالي حليب ورى حليب يسبب تلبك معده ومغص وغازات وامساك
لكن كذا ترتاحين
وقطرة المغص لازم يوميا تعطينه


وبعد فيه طريقه ثالثه اذا مو المغص من الغازات
يمكن من البرد بسبب انك غيرتي له بمكان فيه هواء مكيف او مروحه او الشباك مفتوح
او روشتيه ولا انتبهتي زين له


لذا
جيبي صحن معدني
وصبي فيه زيت زيتون اصلي يعني مو تبع الاكل زي الوزيره وكذا اللوانهم غامقه وريحتهم قويه
فيه زي ( الجوف ، رحمه ، طيبه) او من المعصره جيبي
صبي الكميه اللي تكفي جسمه كله يعني كثري بالصحن المعدني زيت زيتون
وبالهاون اللي هو النجر حطي نص ملعقه حلى حبة البركه ونفسها حب كمون ودقيهم زززين وحطيهم بالزيت
وحطي ذره زنجبيل مطحون ورشه خفييييفه فلفل اسود
وحطي الصحن على النار عشان يدفى الزيت مو يطبخ لا يصير دافي
واشخلي الزيت واستخدميه له
ادخلي غرفه مسكره كل المنافذ والمكيف والمروحه والباب وشيلي ثيابه كلها وادهنيه بالزيت من تحت اذانه لاطراف اصابعه وكثري الزيت بجسمه وبسره حطي فيه
وافركي بطنه سوي له مساج لبطنه وانتي تدهنينه
بعدها لبسيه ملابس ثقيله واكمام وسروال وشراب ولفيه ونوميه وغطيه بالبطانيه
ولبسيه طاقيه
اذا طول بالنوم بعد هالطريقه معناته مغصه من برد داخله
انتي تقولين حر كذا بس انتي غير عنه انتي وانا شحوم باجسامنا هذا من وين له شحم من الحليب؟
كذا الدكتور هزئني يوم شافني ملابسه ولدي لبس خفيف وكنت بالحر ومنطقتنا معروفه الوسطى حر
بس الدكتور قالي انتي عندك شحم بس هو من وين له يجيه شحم وهو ابو شهرين ثلاثه
قال لبسيه بربتوز جوا ولبسيه اكمام وسروال وشراب
عشان كذا اللي بعمرهم سريعين التأثر بالجو وحتى وحنا بالصيف تلقينه يزكم بسرعه وخشمه ينسد

اكثر الاطفال اذا يبكوا من غير سبب يكون مسقطين >> ماعرف وش تسمونه انتوا


يعني يمكن انقلب عرق بكتفه ولا برقبته ولا بظهره يبيلك تروحين للممرخه تف*** وتشوف اذا يبيله دهن ولا لا


انا كذا اذا احد من اطفاالي يبكي وهو شبعان ونظيف ومافيه شي اوديه عند عمتي تكشف عليه وفعلا يكون رقبته او ظهره وتدهنه ويصير طبيعي مايبكي


ربي يكون بعونك