بالخير وسالخير وكل الخير على الجميع
لحظه لحظه
ويت ويت
جست منت جست منت
طلعت كل المواهب ههههههههههه
لا والله لحظه شوي
وش مدخل هالصبايا والبني على الموضوع
ايه انتي ياكافيه ، وانتي بعد ياملح هالدنيا ،
ووش عندتس يا ماادري هنيا
ولا تغبين وجهتس يارويفه ،
و تعالي تعالي بذا يا الانسه جوري لا تطلعين
عقب ما دخلتيوانتي ياخياليه اشوفتس يعنني مستحيه
ومن هي اللي تركض وعاضه شليله ايه هذي انتي يا عذيب يامال الصلاح
ادري دخلتي للموضوع يوم كفشتس تبين تهجين
هو دخول الحمام
زي خروووجه اصبرون ياحرومات احقق مع هالصبايا وارجع لكن
انا ودي اعرف وش مدخلكم للموضوع وانتن عانسات اوه قصدي آنسات مزمزيلات؟؟
هاه اعترفن !!!
انتن ما قريتوا العنوان ؟
للمتوحمات فقـــــــــــــــــــــــط
ولا المساله عناد
ماعلينا جزاء لكن وردع لامثالكن كل وحده ابي اعاقبها بس في آخر الحلقه اوه قصدي آآآخر الموضوع
مهيب الدعوى فوضى
مايخالف يالمتزوجات اعذرنن على التأخير بس لازم نصلح هالتسيّب
<<< مصدقه عمره هههههههههه
الموضوع هذا للمتزوجات فغط
ولا للي انتجت وصار عندها انتاج لا بأس فيه من الورعان
أمثال مصبوبه
انا أم تأبط
وأم الروايع
ام الكتاكيت
وذكرى
وأم العيال
والمسلمة الحره
ام جوريه
وامومه
الله يذكر الجميع بالخير
ولا قلوبه وسستر مداويه و واللي ماعنده انتاج واجد يقرون الموضوع لاخذ العظه والعبره
ايه وراء كل وحده منهن ماعنده الا حبه وحده
هههههههههههوادعي ربي وادعوا انتن معي يالله فحجن ايديكن
بها الايام الفضيله يالله معي بصوت واحد يارب ياكريم ياحنان ويامنان
ترزق بعزتك وقدرتك كل اخت لنا محرومه من الضنا في هالمنتدى الغالي الذريه الصالحه
ولا تجعلها يارب من المحرومين
آآآآآآآآآآآآآآآآآآآآآآآآمين يارب العالمين
يتبع ان تسان ما تضايقتوا من قرقي
في موضوعي هذا ابي اتكلم عن ظاهره مرت بي قبل فترررررره يعني مبطي
حسيت اني تسبدي تقلب وراسي يعورني وبي مواجع ويش كثره
قالت: ياربيه لا اكون اللي في بالي
لكن لاتهوجسون وااااااااجد طلع الحمل كاذب هاك المره خخخخخخخخخخخخ
واحد صفر
وعقب كم شهر صار صد ززززز وهذاني ولله الحمد حُبلى واتزقلب بالحمل نبر فايف
بس اني ريوست بافكاري شوي لوراء وقمت اتذكرررررر
الحين نبي ندخل بدويمة الذكريات مثل اللي تجي بالافلام خخخخخخخ
عقب زواجي بكم شهر
اشتقت اني اتوسد رجل امي مثل مبطي
وهي تجلس تفليني ( يعني تفتش بشعري وتحرك فيه) وتلاقي بلاوي متلتله
لا موهوب قمل ياوسخات
لا بنات القمل ههههههههههه
الصيبان على قدي ،، القمل الكبار سقطوا ضحايا بيد امي من زمااااان
ههههههه
المهم مالقت عقب الزواج الا قشره ايه بديت اتنظف
واسبح ووووواجد
بس مايخالف حتى هالقشره دواء ها عندي
شامبو هيد آند شولدرز مامثله بالوجووووود
شعر نظيف وأنيق
اعقب والله ماشفنا شي
المهم وانا منسدحه على رجل اميمتي
فزيت من رجلها كني مقروصه
قلت لها: يمه يامامي عندتس بقل؟
قالت يابعد حيي:
وشو ؟ بقل هالحزه بها الحر والقيض ، لا والله ماعندي ، ويش الطاري
قلت لها: ماي مذ ر ابي بقل من القاع ولا من القليب
دبّري لي
وهي اللي تدبتس هى واختي للجنادريه ويجيبون لي بقل يابس
تكسرت حنوكي وأنا اقرض بوه
واخر شي مسكت النجر ودقيت البقل وسفيته سف
المراد اني يوم قمت الفجر ابي اصلي
مادريت الا وتدور بي الدنيا ومير افنقس على وجهي
يتبع واقروا بزمه وزمير