يا بنات انا كنت اضبط الكيك بعدين قعدت فتره ما سويته ويوم رجعت اسويه صار ما ينفش يعني من داخل عجين مره قلت البي بي لانه كان مكتوب ملعقه بس انا مسحتها يعني خليتها ملعقه ممسوحه وخرب الكيك والمره الثانيه ولعت الفرن قبل اسوي الكيك وزدت البي بي ما خليته ملعقه ممسوحه وولا قعدت كل شوي افتح الفرن وخرب قلت يمكن من الدقيق لانه كان بارد طيب انا بعدين بجرب مره ثانيه لكن ابيكم انكم تقولون لي ايش ممكن يخربها بعد

ادعوا لي بإنه الله يفرج همومي


احسن شي اشتري الخليط الجاهز
انا اشتريه وبس اضيف بيض وزيت ومويا
ويجي كيك لذيذ جربيه مريح كمان
اووول شي تاكدي من تاريخ البيكنج باودر
وكل كاسة دقيق لها ملعقة صغيره لا ممسوحه ولا مطفوحه بيكنج
اخفقي البيض لوحده مده طوووويله لين يتحول ابيض ومنفوش ثم اضيفي السكر واخفقي ثم الزيت ثم الدقيق مع البيكنج
الفرن لا تزيد حراته عن 350-370 كحد اقصى... وسخنيه اول ما تبدين الخفق
ولا تفتحين الفرن اثناء الخبز
وان شاء الله ينجح معك


وادعي لي تكفين
الله يجزاكم الف خير قريت الردود وما نسيتكم وقتها من دعواتي
الكيك يدخل فرن حار ويكون فقط شغال من تحت
ولاتفتحي الفرن على الكيك حتى تشمي رائحته
يعني لو حطيتيه بالفرن لا تفتحي الفرن عشان تتطمني الا بعد ماتشمي ريحة الكيك وبعدها عادي افتحي بس بشويش عشان مايدخل الهوا البارد على الحار الموجود بالفرن ويخرب لك الوزنية


الساعة الآن 05:11 .