اتركيه فتره وكلميه الله يسخره لك يارب

اولا انتي غلطتي انك بعد م طلقك تميتي عنده وثاني غلط انك اكدتي له ان عيالك نقطة ضعفك وانو للحين تحبينه رغم انه متكبر عليك


الي عليك الحين م عاد ترسلين له ولاتردين عليه ابد خليه يعرف انك غاليه وصعبه عليه موب كل شوي مرسله الحرمه الي تتبع الرجال يهينها ويضمن وجودها الرجال يحب الحرمه القويه الي وقت زعلها تعتبره ولاشي


طالما هو بنفسه وداك لااهلك وهو بنفسه رجع العيال خلاص خلي اهلك يتكفلون بك ولاتناقرينه بالطلاق واضح انه م راح يتركك ابد فااستغلي ذا الشي ولاتخلينه يتمسك بالطلاق ابد


اعتبريه مو موجود ابد وانبسطي وحاولي تتصفحين مشاكل غيرك وتقرين اكثر عن شخصية زوجك وتعرفين نقاط ضعفه وين المهم ابتعدي عنه حتى يعرف قدرك ويحس انه فقد شي غالي طالما انتي سامحه له يكلمكم او يكلم العيال فبذي الحاله كنكم متصالحين م استفدتي شي من وجودك عند اهلك والجاي لله بهالشهر الفضيل بقراءة قران واهتمام باذكارك وصلاتك وصيامك
واهتمام باهلك وبر بهم وباولادك وخليه هو كنك نازله اجازه عند اهلك لاتفكرين بينكم شي هو اذا عرف انه م عاد تعبرينه بيرجع منكس قرونه

انتي عارفته وقلتي بموضوعك انه يدور شي معين افلام اباحيه وغيرها ...

الي يبي العرس بيعرس والله لو انك ف بيته ومعيشته ملك بيتزوج وعينك تشوف

المهم الان خليك زي م انتي لاتعدينه موجود بهالحياه

حبيبتي ووواضح انه يبيك بس مسويه هالحركه تاديبيه يعني بباله بادبها وبخليها مرميه ببيت أهلها كم شهر عشان تتوب وتحس هذا الي بباله اكيد ولو مايبيك ماكان ردك المهم حاليا انت يماقصرتي وكلمتيه وبادرتي بالصلح وهو مطنشي الحين اقلبي االطاوله عليه طنشيه وخليه هو يجي يزحف عندك

رأيي لا تكلمية واصبري لين الله يفرجها لا تروحي المحكمة لا تنسي انك بعد غلطتي علي وعلى ابوه وسبيتيهم،الرجال الزم ما عليه كرامته وغلطاتك عنده اعذار للطلاق،كل الرجال كذا تفكيرهم اذا بغو سبب بيطلعوه من تحت الارض وانتي ما قصرتي،الحين وكل امرك لله وحاولي تصلحي الوضع واعترفي لأبوك وخبريه بالصدق،واطلبيه وتواجهو وابكي وقولي انك ما قصدتي هالكلام وقولي ليش قلتي كذا،لكن دام قالهالحظة غضب وحزة المشكلة اسألي اذا يقع او لأ المعروف ان طلاق الغضبان لا يقع،صلي وادعي واستغفري وادعي لله بصلاح الحال،هذي مشكلة بعض الزوجات لما تعرف ان زوجها يموووت في ريحتها تحسبه وش ما قالت ما يشل بخاطره،الا كرامته ولا يرضى احد يغلط عليه اوعلى اهله اما المره لو يسب طوايفها عادي تبلع وترجع،الله المستعان الله يصلح حالك،صارلي نفس موقفك مع طليقي قبل الطلاق،بس هو غلط علي عايرني اني كنت متزوجه من ظالم واني على قولته؛محبوسه فالشقه مثل الفأر،هنا سبيت طليقي الظالم الاولي وانهرت وبكيت وهو ظن اني قصدته وانا حلفت له اني ما اقصده وانه هو اللي غلط علي،لكن ابد حطها ف قلبه ولا نساها،قدامي يقول انسي وفي داخله يقول واللله اردها،عادي يعايرني يغلط علي لاني مره ولازم ابلع عشان ما تطلق،وهو بس سوء فهم وشوفي وش سوى،الله المعين