اقتباس مشاركة  (رحلتي صعبه)
لا تعبين القدر ماي وخليها تطبخ من ساعه ونص الى ساعتين عشان تثقل وخلي النار هاديه
الشربه ما تحتاج غلي كثير واحسبي حساب المويه الي بتحلي فيها الشربه يعني قللي موية القدر
حطي مقدار الشربه الي تبغي في زبديه وحليها بمويه بارده واضربيها بمضرب السلك واتركيها شوي وقبل ما تضيفيها للقدر ضيفيلها مويه حاره وضيفيها للقدر بسرعه مع التحريك السريع بالمضرب من شان ما تتكتل واطبيخه ممكن ربع ساعه ولو حسيتيها خفيفه زيدي شربه ولو ثقيله زودي مويه تقدري تتحكمي فيها على كيفك
مرحبا نفس معاناتي مع الشوربة لاكن انتبهت لحاجتين وضبطت معي
اول شي نقعي الشوربة في مويه قبل تحطيها على اللحم تقريب عشر دقائق
وخلي النار عاليه لمدة تقريبا نص ساعه ولاتنسين تحركينها لاتحترق
الشوفان يتكتل اذا حطيتيه ع المرق وهو يغلي انتي ظيفي مويه بعد مايقرب يستوي اللحم عشان يبرد شوي المرق ثم اضيفي الشوفان، لكل لتر مويه حطي 6 ملاعق شوفان
عزيزتي سبب تكتل الشوفان لأنك تضيفيه على المرقه وهي حارة
طريقة شوربتي وتطلع ممتازة جربيها وبتدعيلي
أجهز كشنة عادية عبارة عن بصل وطماطم وثوم وأضيف لها ملح وفلفل أسود وكمون وصلصة خليها تتسبك مع بعض طبعًا في قدر الضغط
وحاولي تخلي الكمية وااافرة لأن نكهة الشوربة تعتمد على الخطوة الأولى للكشنة وللتبهيرة وقت إضافة الشوفان
بعد كدا خذي منها مقدار ثلاث ملاعق كبيرة على جنب بنحتاجها بعدين
وضيفي اللحم في القدر وخليه يتسبك مع الكشنة خمس دقايق بعد كدا ضيفي المويه لنص القدر وقفلي عليها كويس لمدة 45 دقيقة
بعد إنتهاء الفترة إفتحي القدر وشيكي على اللحم لو كان مستوي كفاية شيليه في قدر ثاني مع شوية من مرقته وخليه على جنب خلاص جاهز ولو لسى ماأستوى أو يحتاج زيادة إتركيه في القدر بس نقصي من المرقة وخليها على جنب
الأن السر في الشوربة نحتاج بصلة صغيرة مقطعة ناعم - ذرة هيل - ربع ملعقة صغيرة يانسون - ربع ملعقة صغيرة كمون - شوية فلفل أسود - بالإضافة للثلاث ملاعق الكشنة إلي أخذناها في البداية على جنب
ضيفيها للمرقه في قدر الضغط وأخلطي الشوفان بماء بارد تقريبًا كل خمس ملاعق كبيرة شوفان تخلط بنص كوب ماء ثم ضيفيها لقدر الضغط
إتركيها على نار عالية حتى تبدأ بالغليان مابتاخذ أكثر من ثلاث دقايق
إذا شفتي الشوربة ثقيلة ضيفي عليها من المرقة - إنتبهي لاتضيفي ماء عادي زيادة عشان ماتروح نكهة البهارات -
وإذا كانت الشوربة خفيفة بعد الغليان ضيفي عليها من الشوفان بس بنفس الطريقة بعد خلطه بالماء البارد
الأن قفلي القدر كويس بالضغط وخليه على نار هادية جدًا جدًا لمدة نصف ساعة
وبتطلع الشوربة لها نكهة كأنها في التنور
في النهاية وقت التقديم لو حسيتي الشوربة ثقيلة تقدري تخففيها بالمرقة إلي أخذناها قبل مانضيف الشوفان


عندك فرصة حبيبتي تجربيها قبل الخميس وتضبطي الوزنية وصدقيني بتطلع أحلى شوربة
بالتوفيق
حطي في خلاط البصل من 7الى 9ملاعق شوفان مع شويه مويه واخلطيه بيصير سايل صبيه على كشنة اللحم ماعاد يتكتل افضل طريقه واسرع انا كنت اكره اصلح الشوربه عشان الشوفان يتكتل واعتمدت طريقة الخلاط والحمدلله ضبطت


الساعة الآن 08:27 .