بقولك شوربتي لذيذة قطعي بصل صغاااااار مرة واحمسية بالقدر مع زيت وقلبية لحد مايتكرمل ويذوب بعدين حطي شعيرية وذا تبين اضيفي علية دجاج مفروم او لحم مفروم وقلبي اضيفي ماجي وكمون بس لاتضيفين غيرة من البهارات تطلع الشوربة الذ بعدين حطي طماط مطحون بالخلاط وخلية شوي يتسبك بعدين حطي كركم وقلبية بعدين زيدي موية ووبزبدية ثانية حطي شوفان الكمية اللي تكفي وزيدي عليها موية باردة وقلبيه زين تتفكك عن بعضها بعدين كبيها ع المرق وقلبيها زين وقصري النار وقلبيها كل شوي و10 دقايق خالصة واذا غرفتيها حطي ع الوجة بقدونس مفروم
الاحظ الاغلب يسون الشوبه بالكشنه بصل وثوم وغيره
عندنا الشربه مستحيل نحط فيها كشنه محد راح يشربها
يمكن احنا غير
طريقتنا تذوب الشربه بمويه بارده يمكن ساعه كذا
انقع الشوفان بالمويه متى ماصحيت
اذا جيت بطبخها اغسل اللحم تمام بمويه حاره واحطها بالقدر مع مويه حاره وقرفه وعود نقع وكسبره وفلفل اسود
ثم اخلط بالخلاط بندوره وفلفل اخضر واصبه عليها
ثم اصب الشوفان المذوب بالمويه وخلاص تطبخ
طبعا ماننسى الملح وقبل الاستواء بثلث ساعه لازم نحط لبن ضروري وشي اساسي بدون لبن ماتنشرب ابد
وسلامتك هذي شربتنا
بعطيك شوربتي المعتمدة والسهله...جدا...
الكميه تختلف ..
اولا سوي كشنه . وهاتي دجاجه شيلي الجلد منها وقطعيها..
وحطيها على الكشنه. وقلبيها.. وحطي بهاراتك والماجي
بس اذا بتحطي ملح قللي الكميه.. وحطي مويه اللي تكفي لنضج الدجاج.


خوذي نصف مقدار المرق وحطيه بالخلاط بعد مايبرد شوي ..وحطي 9 ملاعق شوربه وخليها تخلط لين تذوب تماما
ورجعيها على القدر اللي فيه الدجاج وخليها تطبخ نص ساعه واذا احتاجت مويه زيزي مقدار كوب مويه..


يعني الماء اضيفيه حسب الحاجه مو تحطي مويه وتتوهقي..
والافضل جربي الطريقه من الحين لين تضبط معك..


موفقه..
زيدي شوفان لين تثقل معاك ولو تكتلت جيبي خلاط الكيك او البيض واخلطيها وهي عالنار يروح منها التكتل ,,
خيتو انا اسويها في قدر الضغط
اكشن البصل و الثوم لين يتكرمل و اضيف الطماط المطحون طحن ناعم في الخلاط ضروري و الماجي و اللحم المغسول و اخليها تتسبك خمس دقائق و اضيف المويه و في الخلاط احط 9 ملاعق شوفان و مويه اخلطها لين تصير نااااعمهاكثر المويه فيه الخلاط
و احطها بالقدر تكون نص القدر او اكثر بشويه مو كثر لانها بتطفر و اضغطها لما ياشر انقص النار و احسب لها ساعه او ساعه الا ربع هالشربه جدا لذيييييييذه بشكل كل يمدحها و يسال عن الطريقه جربيها و ادعي لي


الساعة الآن 05:09 .