من تزوجت وفيها صدفية

الأسرة والمجتمع

السلام عليكم
اخواتي انا مصابة بالصدفية من سنين و عمري الان في العشرينات انا مشكلتي اني مكتئبة من سالفة الزواج لان من راح يقبل فيني وفيني هالمرض المزمن وربي تعبت نفسيتي منه كثير دايم افكر من راح يرضى في مرضي الحين الكل يدور الجمال والصدفيه خربت جسمي وشعري بشكل جسمي صار مثل الخرايط كل صديقاتي واللي من عمري تزوجن الله يهنيهم يارب ضليت انا حاسه ان ماحد يبيني لان فيني هالمرض طيب انا وش ذنبي هذا ابتلاء من الله و راضية بقدري خايفة من التقدم بالعمر السنين الحين بسرعة تمشي ادعي ربي كثير وراضية بقضاءه وقدره بس الدنيا مالها امان بكره محد نافعني اخواني كل واحد مبتلش في حرمته وعياله حتى محد مهتم فيني ولا احد يوديني اقل شي مستشفى ولا احد يسأل اكلت ولا ما اكلت حية ولا ميتة الدنيا تخوف صارت وانا ماعندي سند بالحياة انصحوني وش اسوي واسوني ؟؟؟ هل اللي مصابة بالصدفية عندها امل تتزوج وتصير مثل باقي الناس ؟
26
14K

يلزم عليك تسجيل الدخول أولًا لكتابة تعليق.

تسجيل دخول

milanoo
milanoo
حبيبتي اول شي الله يشفيك ويعافيك
ثاني شي الزواج رزق من الله وصدقيني اذا الله كاتب انك بتتزوجين حتتزوجين لو فيك عيوب اكبر من الصدفيه كله نصيب من الله
ثاني شي حاليا الطب تطور وحاولي تدورين بالنت او الانستقرام في دكاترة كثير فيها تبحثين وصفات او علاجات تخفيه او تخفف منه او يمكن في اشياء لو انتبهتي لها تخف الصدفيه
وحتئ لو قدر الله مالقيتي لاتكتئبين ولا تتضايقين بالعكس خليك انسانة واثقة ومؤمنة بقضاءالله واحمدي الله على النعم اللي حولك وادعي كثير انه ربي يفرج همك ويرزقك بالزوج الصالح
violet🦋
violet🦋
طيب ابي اسالك
قبل لااجاوبك
ايش الادوية الي استخدمتيها غير علاج المستشفى
مثل طب شعبي او علاج شعبي
عائشة إسماعيل
عائشة إسماعيل
بداية أسأل الله أن يشفيك وأن يشفي مرضى المسلمينثانيا ضروري تدهني جسمك بفازلين الطبي أكثر من مرة في اليوم لأن جفاف الجسم يزيد من حدة هذا المرض شفاك الله منهحاولي تتروشي بماء البحر وأن تعرضي جسمك لأشعة الشمسضروري ملابسك كلها تتعرض لحرارة الشمس الحارة واكويها العامل النفسي السيء يزيد من حدة الصدفية وانتشارها لهذا ضروري الراحة النفسية الزواج رزق من الله مثل باقي الأرزاق فتقربي من الله أكثر وأكثري من الدعاء والاستغفار والصدقة والعبادة شفاك الله أختي ورزقك الزوج الصالح الحنون
الرائعة,,
الرائعة,,
فيه بنت اعرفها تزوجت ومعاها صدفية عادي
والصدفية لاتبحثين عند المستشفيات علاج لأنهم يعطون كريمات ومحاليل فيها كرتزون
وتتشافين من أول استخدام لكن ترجع ع طول أول ماتتركين العلاج
شوفي الرقية كثير قرأت قصص تشافوا من الصدفية
اكتبي بقوقل كريم رحمة لعلاج الصدفية للخليفة
مشاعر غير
مشاعر غير
حبيبتي اول شي الله يشفيك ويعافيك ثاني شي الزواج رزق من الله وصدقيني اذا الله كاتب انك بتتزوجين حتتزوجين لو فيك عيوب اكبر من الصدفيه كله نصيب من الله ثاني شي حاليا الطب تطور وحاولي تدورين بالنت او الانستقرام في دكاترة كثير فيها تبحثين وصفات او علاجات تخفيه او تخفف منه او يمكن في اشياء لو انتبهتي لها تخف الصدفيه وحتئ لو قدر الله مالقيتي لاتكتئبين ولا تتضايقين بالعكس خليك انسانة واثقة ومؤمنة بقضاءالله واحمدي الله على النعم اللي حولك وادعي كثير انه ربي يفرج همك ويرزقك بالزوج الصالح
حبيبتي اول شي الله يشفيك ويعافيك ثاني شي الزواج رزق من الله وصدقيني اذا الله كاتب انك بتتزوجين...
امين يارب ويشفي جميع المسلمين
الحمدلله انا راضية بقضاء الله
جربت اشياء كثيرة مانفع او ترجع
جزاك الله خير اختي على الرد