اجازة مقتطعة لمدة يوم واحد ... وأرجع مع الكثير من الاستفسارات
09-12-1426 هـ, 10:21 مساءً
 
بنـــــات الرااااااجحي

ابي افتح محفظة فيه

بس شلوووون الطريقه ابي اعرف

لازم كم اقل شي يكون عندي

وكيف طريقتها

تكفوووووون ساعدوني

وابي اعرف وش افضل بنك اقدر افتح فيه حساب

غير الراجحي،،،،،

يعني تنصحوني فيه من البنوك

ولازم كم المبلغ يكون معي
09-12-1426 هـ, 10:57 مساءً
 
أم البراء2006: تسلمين أختي, الأخت ريميه جزاها الله خيرا أعطتك الأجابه عن سؤالك, الله يعطيك العافيه ¤§][ ريميه ][§¤
(وش الفرق بين مضارب اللجين اللي قاعد طول هالمدة يضغط السهم
وبين مضارب بيشة اللي رفع سعر السهم لهالحد مع انها شركة خسرانة!!!)
سهم اللجين سهم جيد وآمن ولاخوف عليه وطريقه التجميع مع طول مدتها هدفها جيد والأرتفاع سيكون مبرر, مايحدث في بيشه مضاربات رفعت السهم عالي بالرغم انها شركه خسرانه, الدخول فيه غير آمن لأن فيه خوف من أنهيار السهم بأي لحظه, خاصه إذا لم تظهر مبررت لأرتفاع أو محفز للسهم.
أختي سهم اللجين لديه عدة أهداف من 450 الى 800 أصبري عليه, إن شاء الله له انطلاقه قريبه نظرا لطول فتره التجميع.
الود طبعي : العفو عزيزتي, (طيب انتم وش تفتحون ... وش تراقبون بالضبط .....) نراقب اسهمنا + المؤشر العام + اسهم للمضاربه اليوميه + اسهم موضوعه تحت المراقبه بهدف الشراء وانتظار الفرصه المناسبه للدخول بعد عمل دراسه مبسطه على السهم.
(وبصراحة انا ما كان هذا هدفي ....... انا هدفي اشتري و ابيع في نفس الوقت .... وأشوف المكسب اليومي ... ويوم ورا يوم ..... و ريال ورا ريال .... توصل المليون ان شاء الله ) إن شاء الله تحققي طموحك وتوصلي للمليون. هذا اسمه المضاربه اليوميه وتحدثت عنها في موضوعي والرابط بالأعلى, إذا حبيتي ازيدك عن المضاربه اليوميه بزيدك. إتقان المضاربه اليوميه يحقق لك ربح جيد بشكل يومي + سيولتك عندك في يدك. أنا يوميا اضارب مخصصه جزء من السيوله فقط للمضاربه اليوميه وبكذا اشتغل بالمضاربه اثناء التداول بدلا من الجلوس للمراقبه فقط.
بطاقه مباشر ضروريه أنا ما أستغني عنها, تخدمك كثير سواء في المضاربه اليوميه أو مراقبه الكميات والعروض أو الأسعار المباشره أو نزول الإعلانات وغيرها.
أختي تكلمت عن الدعم والمقاومه بشكل مبسط في رد سابق.
تركت الحزن : أختي سامبا يقدم خدمه التحويل لأي حساب بنكي في سامبا أو غيره, طيب فرضا حول من المحفظه الى الحساب الجاري ببساطه يستطيع التحويل الى حساب آخر في سامبا مجرد انه يضع رقم الأحوال (إذا يعلمه) وبكذا يحول لحسابه مثلا.
مجروحه والناس ماتدري : موقع البنك ان شاء الله لا خوف عليه, الخوف من ملف تجسس أو دخول موقع وهمي للبنك يصنعه الهكر للحصول على الأرقام السريه.
والأخت al_danah جزاها الله خير وضحت لك, الله يعطيك العافيه يا al_danah.
درة_الخليج: الله يعافيك أختي, الله يرزقك ويسعدك, وكل عام وأنتي بخير, عيدكم مبارك وعساكم من عواده.
بنت ابوها : الله يعطيك العافيه, أختي أنا حولت لحساب في سامبا غير المستفيدين عندي مجرد وضعت رقم الحساب + رقم الأحوال + المبلغ, وتحول ووصل في وقت قصير مع ان الحساب اللي حولت له مش مدرج عندي في قائمه المستفيدين.
الود طبعي : عيدكم مبارك وعساكم من عواده وكل عام وأنتم بخير.
مخاوية جروحها : إن شاء الله يدخل من لديه محفظه في الراجحي ويزودك بالتفاصيل. أنا افضل البريطاني أتعامل معه جيد ومريح لكن للأسف تم رفع المبلغ من 50 الف الى 3 مليون, مبلغ كبير مبالغ فيه.
09-12-1426 هـ, 11:16 مساءً
 
ايه كان كذا بس الحين لما ابي احول مايرضى وحتى اهلي كلهم يطلع لهم نفس الطريقة
10-12-1426 هـ, 12:33 صباحاً
 
مقدمه عن بطاقة مباشر نت:
الأسهم المتداوله: وهو عدد الشركات التي طرحت أسهمها للتداول وهي 77 شركه لذا يكتب عادة 77 سهم, وفي حاله ايقاف سهم لنزول إعلان أو خلافه تلاحظي أن عدد الأسهم المتداوله يصبح 76 سهم وليس 77.
الصفقات: وهي مجموع الصفقات التي تمت اليوم بالسوق كله.
الكميه: هي عدد الأسهم التي تم تداولها خلال فترة التداول.
قيمة التداول: المبلغ لجميع الصفقات التي تمت اليوم.
بطاقه مباشر تأتي فارغه وأنتي التي تضيفي أسماء الشركات التي ترغبي في مراقبتها, تتيح لك البطاقه وضع 30 سهم مقسمه على قائمتين في كل قائمه تضعي 15 سهم. طريقه الإضافه: اما أنك تكتبي مباشره رقم رمز الشركه في المربع الخالي الموجود قرب كلمه رمز, او عن طريق الضغط على زر بحث تفتح لك قائمه اسمها اضافه / حذف أسهم, تختاري من قائمه القطاعات أسم القطاع الموجود فيه السهم ومن ثم تظهر لك جميع اسهم القطاع تضللي الأسهم التي ترغبي في اضافتها ثم تضغطي على رمز السهم المتوجه من قائمه الأسهم الى الأسهم المختاره وستدرج الأسهم في قائمه الأسهم المختاره ثم تضغطي موافق وستنزل جميعها عندك في الشاشه.
حذف واضافه: يستخدمان في اضافه سهم جديد أو حذف سهم موجود سابقا وذلك بالتضليل عليه ثم ضغط حذف.
عند الضغط مرتين متواصلتين على سهم معين تظهر لنا قائمه عرض أسعر مفصله بها عرض مفصل عن السهم كما بالصوره.
آخر: يقصد بها آخر سعر وصل له السهم اثناء التداول, ويلاحظ ان السعر يتغير بإستمرار حسب حركه السهم طلوع او نزول.
التغيير: مقدار النزول أو الأرتفاع الحاصل في السهم يتغير حسب حركه السهم طلوع او نزول.
طلب: السعر المطلوب للشراء, يتغير كل ما نفذ طلب أو وضع طلب جديد أعلى من السابق.
كمية الطلب: عدد الأسهم المرغوب في شرائها عند هذا السعر تتغير كل ما نفذ جزء من الكميه أو أضيفت طلبات جديده بنفس السعر المطلوب.
عرض: السعر المعروض للبيع يتغير كل ما نفذ عرض أو وضع عرض جديد أقل منه.
كمية العرض: عدد الأسهم المعروضه للبيع عند هذا السعر يتغير كل ما نفذ جزء من الكميه أو وضعت كميه جديده بنفس السعر المعروض.
الكمية: اجمالي الكميات التي تم تنفيذها وتداولها خلال فتره التداول وهي مجموع كميات العروض والطلبات المنفذه, تستخدم هذه الكميه في الحكم على السهم من خلال مقارنتها بمتوسط التداول اليومي للسهم.
الصفقات: من الأسم هي عدد الصفقات التي تمت خلال فتره التداول.
أعلى: يقصد به أعلى سعر وصل له السهم خلال فتره التداول.
أدنى: يقصد به هو أقل سعر وصل له السهم خلال فتره التداول.
عند ادخال رمز السهم بالأسفل أو أختيار اسم السهم من البحث ومن ثم الضغط على مشاهدة تفاصيل الأوامر يبين لنا ذلك أفضل 5 عروض للسهم المختار + أفضل 5 طلبات.
الجدول الأخصر هو جدول الطلبات, ويوضح فيه السعر المطلوب للشراء + عدد الأسهم المرغوب في شرائها بهذا السعر + عدد صفقات الشراء عند هذا السعر.
ترتب الطلبات من الأعلى إلى الأدنى كما هو موضح في الصوره, كل ما أدخل سعر طلب جديد أعلى من الطلبات الموجوده في الجدول وضع في أعلى الجدول وأصبح أول الطلبات وهكذا, ايضا كل ما نفذ طلب بكامل الكميه المطلوبه انتقل الى الطلب الذي يليه في الجدول, احيانا نلاحظ اننا نطلب السهم بسعر معين ويصل السهم الى هذا السعر ولكن طلبنا لم ينفذ, السبب في ذلك أن كميه الطلبات ترتب فالشخص الذي يسبق في وضع طلبه يكون في المقدمه بينما الشخص الذي تأخر يكون في المؤخر أي أن الطلبات شبيهه بالطابور الأول ينفذ له ثم الذي يليه وهكذا حتى يصلك الدور عندها ينفذ طلبك, غالبا تنفذ الكميات البسيطه بسرعه بينما تحتاج الكميات الكبيره وقتا للتنفيذ.
الجدول الأحمر هو جدول العروض, يوضح فيه السعر المعروض للبيع + عدد الأسهم المرغوب في بيعها عند هذا السعر + عدد صفقات البيع, وبعكس الطلب ترتب العروض من الأقل إلى العروض الأعلى كما هو موضح بالصوره. وايضا العروض تكون مرتبه, وكل ما نفذ عرض أنتقل الى العرض الذي يليه وهكذا.
هذا بالنسبه للجدولين الموضوعين باليمين, الجدولين الموضوعين باليسار هم مجرد تفصيل أكثر للجدولين السابقين, الجدولين باليمين توضع فيه أفضل 5 عروض وطلبات, اما الجدولين باليسار يفصل به أفضل طلب وعرض (واحد فقط) أنا أستخدم الجدولين باليمين للمراقبه, اما الجدولين باليسار فاراقب عرضي أو طلبي إذا وصل وارى تنفيذه مباشره.

الصوره حجمها كبير سأحاول إنزالها في ما بعد.
10-12-1426 هـ, 12:47 صباحاً
 


الساعة الآن 06:45 .