اقتباس مشاركة  (((دلع)))
موضوع رائع ومفيد ..

انا ناويه ادخل بالبيع والشراء للاسهم عن طريق المحفظه بإذن الله .. بعد ماتطلع ارباح شركة ينساب ان شاء الله ..

وعلى حسب ماقريت ان ينساب بيصير السهم ب900 ريال .. يعني ان شاء الله اقدر اجمع مبلغ بحدود 10 الاف ريال بإذن الله ..

وفهمت تقريباً الطريقة بالتفصيل الممل ولله الحمد.. بس ودي اسأل ..

اذا اشتريت او بعت .. هل هناك عدد محدد للاسهم بحالة الطلب والعرض " بوقت واحد"؟؟

يعني مثلاً اشتري 50سهم مره وحده بطلب واحد؟

او ابيع 20 سهم فقط مره وحده بعرض واحد ؟؟


وسؤالي الثاني .. هل صحيح ان بداية تداول ينساب بيكون ب900 ريال ؟


وجزاكم الله الجنــة ..
متوقع لينساب ان تتداول مابين 600 الى 900 ريال في اول يوم لها. اي من الممكن وصولها الى 900 (قد تصل وقد لا تصل).
ليس هناك عدد محدد للطلب والعرض, مايحدد العدد لديك هو مالك, أي المبلغ الذي ترغبي بالشراء به, لمعرفه كم عدد الأسهم التي تستطيعي شرائها بمبلغ معين, اقسمي المبلغ على سعر السهم, مثلا لديك مبلغ 10 الآف ريال, واحببتي شراء الكهرباء بـ 150 (مثال توضيحي لا أكثر) تقسمي الـ 10 الآف على 150 والناتج وهو عدد الأسهم أي 66 سهم (نأخذ الرقم الصحيح فقط ).
بالنسبه للبيع على حسب رغبتك, فمثلا عندك 66 سهم كهرباء واحببتي بيع 33 سهم (نصف الكميه) وترك الباقي لاتوجد مشكله بذلك, تستطيعي بيع العدد الذي ترغبين به من الأسهم المملوكه لديك.
اقتباس مشاركة  (مــــــــــــلاك2004)
فعلا ودي أسأل عن تداول ينساب هل نشتريه أو ماذا نفعل ؟
يعني تنصحونا فيه أو لا ؟
أختي أول يوم تداول لينساب يكون عالي التذبذب نوعا ما, والكثير من الناس يفضل البيع أول يوم تداول لأن السهم يصل الى أعلى سعر خلال تداوله ثم يتراجع, لذلك ارى أن لا تستعجلي في الشراء.
اقتباس مشاركة  (^anood^)
السلام عليكم ورحمة الله وبركاته

كيف الحال ؟؟ بغيت اشارككم في الموضوع لاني بصراحة ودي اتعلم لاني معرف الا قليل

بهالمجال .... ودي تعطوني من خبراتكم شوي .... انا صراحة ماعندي راس مال كبير بس الوالدة

بتعطيني مبلغ بسيط وابي ادخل فيه السوق ... علموني وش اسوي .... وانا عندي اسهم في

ينساب ... يعني اكيد فتحو لي محفظة ... ابي افهههههههههم السووووق .....

والله يعطيكم العافية ....
أختي المحفظه التي لديك ليست محفظه استثماريه انما هي محفظه اكتتاب, لذلك لا تستطيعي التداول بها عن طريق الانترنت (البيع والشراء), يجب ان يكون لديك حساب جاري في احد البنوك ثم التقدم بطلب فتح حساب تداول (المحفظه الاستثماريه).
اقتباس مشاركة  (مــــــــــــلاك2004)
ريميييييييييه وريمييييييييييه جاوبي على أسئلتي بعد ما ذاكرت دروسكم جاوبوني الان :


الرسالة الأصلية كتبت بواسطة مــــــــــــلاك2004 »
الله يعينك على أسئلتي

1- ذكرت الأخت ريميه في أحد مواضيعها الرائعه انه لنحدد مثلا شراء سهم ننظر إلى أكثر القطاعات نزولا ً ثم ننظر إلى أكثر سهم نزل في القطاع نفسه طيب بجرب الان .

أكثر القطاعات نزولا هو الإتصالات
وأكثر سهم نزل هو إتحاد الإتصالات
ولما قرأت عن الشركة لقيت انها لا توزع أرباح وخسرانه

طيب كيف يوصون على شرائها ؟

شكلي فهمت بالعكس والله أعلم المهم فهموني ......




2-أفضل طلب في الإتحاد هو 780.00 ريال والكمية 250
أفضل عرض في الإتحاد هو 750.00 ريال والكمية 28

هذا معاناه عدد الطلبات أكثر من العرض ،وبالتالي الي يطلبون ما راح يتنازلون
عن قيمتهم لأنهم أكثر الباقي ما فهمت ...........................



3- عدد الأسهم المتداولة في الشركه 100.000.000
وش يدل عليه وش يفيدنا فيه ؟

4-إذا شفنا الرسم البياني لآخر ست أيام تداول نلقاه في الست أيام الماضيه قاعد يرتفع وبالتالي ما يصلح نشتريه صح أو خطأ ؟

5-أداء السهم أعلى سعر وصل له السهم هو 783.75 ريال وإذا طرحناه من قيمته الان وهو 755 يطلع الناتج = 28.75 ريال هذا الفرق يعني السهم نازل
وش يدل الفرق عليه وانه نازل ومو طالع ؟


6- نقاط المقاومة والدعم متى أحسبهم كل يوم مثلا وإلا كيف أنا حملت برنامج للأخت ريميه فيه نقاط الدعم والمقاومه مدري عجزت افهم هل أحسبه كل وقت والا كيف ؟


7- محفظتي ستعمل بإذن الله الأسبوع القادم يمكن الأربعاء هل تستطيع مساعدتي في الإجابة على أسئلتي بعد فتح المحفظه بصراحة أنا عارضت الكل وأصريت على رأيي وخايفه .

8- جزاك الله خيرا .
هلا أختي.
1- بالفعل اتحاد الأتصالات لا يوزع ارباح والسبب ان الشركه جديده وتداولها جديد لذلك لسه بدري عليها توزيع الاباح, عندك ايضا المراعي نفس الشيء لاتوزع ارباح. اذا يستثنى من هذه القاعده الشركات التي نزلت حديثا للتداول. ينساب عندما ينزل للتداول ايضا سيكون ملف ارباحه خالي.
2- بالنسبه لمثالك عن الطلب والعرض في الاتحاد
في حاله: مطلوب للشراء عدد 250 سهم, معروض للبيع عدد 28 سهم
في هذه الحاله يتغلب الراغبين في البيع (العرض) على الراغبين في الشراء (الطلب) ويتمسك العارضين بسعرهم بينما يتنازل الطالبين عن سعرهم وذلك لقله العروض وكثره الطلبات.
المثال عندك معكوس على ما اعتقد في السعر مطلوب بسعر 780 ومعروض بسعر 750, اذا كان كذلك معروض بسعر 750 لماذا الراغبين فيي الشراء يشترون بسعر اعلى بمقدار 30 ريال عن العرض.
في حاله العكس: مطلوب للشراء 28 سهم, معروض للبيع 250 سهم
مطلوب 28 سهم ومعروض للبيع 250 سهم. في هذه الحاله يتغلب الطلب على العرض لأن الراغبين في الشراء عددهم قليل بينما الراغبين في البيع عددهم اكبر. اي ان البائع يتنازل عن سعر بيعه لقله الراغبين في الشراء, بينما الراغبين في الشراء يتمسكوا بسعرهم لوفره العروض وقله الراغبين بالشراء.
3- عدد الأسهم المتداوله: كل ماقل عدد الاسهم المتداوله كان ذلك افضل عندك شركات الاسهم المتداوله فيها 3 مليون فقط, بينما عندك شركات عدد اسهمها المتداوله في السوق مليار.
4- اذا كان تداول 6 ايام يغلب عليه النزول او الـ 6 ايام جميعها نزول, فالسهم يستحق ان يدرس, ننتقل الى اداء السهم ونرى هل النزول اقتصر على 6 ايام فقط او انه ممتد, هل السهم تشبع من النزول اما لا, اذا السهم تشبع نزول فالسهم يستحق الشراء لانه لن يستمر في النزول وسيعكس مساره ويرتفع, لان لايوجد نزول على طول ولا ارتفاع على طول, والعكس مع السهم المرتفع 6 ايام أو أكثر والذي تشبع ارتفاع.
5- بالنسبه للفرق عندك فرقين, سعر السهم الذي اغلق عنده اليوم مقارنه باعلى سعر وصل له السهم خلال الشهر وهو مانراه في اداء السهم, هذا يستفاد منه في معرفه كم خسر السهم في هذا الشهر, احيانا تكون الخساره كبيره تصل الى اكثر من 100 ريال خلال مده قصيره جدا وبدون اسباب تعلل ذلك النزول اذا السهم لابد ان يعوض مافقده ويرجع لسعره.
الفرق الثاني هو سعر السهم والهاي السنوي, لان السهم له سعر يعتبر اعلى سعر وصل له السهم خلال هذه السنه, غالبا ما تسمعي بأن السهم كسر الهاي السنوي وسجل هاي جديد أو أن السهم الفلاني لم يصل بعد للهاي السنوي وان هدفه الوصول له وتسجيل هاي جديد.
6- بالنسبه للبرنامج هو يحدث بشكل آلي, حدثيه بعد انتهاء تداول كل يوم بساعه او اكثر المهم مش اقل من ساعه لان ماراح يحدث معك, تستفيدي من نقاط الدعم والمقاومه وايضا يحسب لك النسبه العليا للسه والدنيا وكل هذا لتداول يوم غد.
7- ان شاء الله خير, اي استفسار عن المحفظه اطرحيه وان شاء الله نساعدك بما نعرفه.
8- وجزاك الله خيرا.
اقتباس مشاركة  (ام لينا القمورة)
الله يعطيكم العافيه ياريميه وريميه ويجعله في ميزان حسناتكم اتمنى تساعدوني لان ماعندي خلفيه عن الاسهم ولااعرف اي شيء عنها.
وعندي مبلغ بسيط وهو عباره عن45000ريال وحابه ادخلها في الاسهم فاتمنى منكم مساعدتي
ولو بالشيء القليل لان والله ماعندي خبره فيها وحابه اتعلم منكم ولكم مني جزيل الشكر
الله يعافيك, اللهم آمين, ان شاء الله نقدم لك المساعده بما نعرفه, بالنسبه للمبلغ فهو مبلغ جيد, يحقق لك ربح جيد, تستطيعي توزيعه على سهمين او أكثر, حاليا اطلب منك الصبر يومين وتأجيل الشراء, واستغلال موجات جني الاباح للدخول والشراء بسعر جيد.


الساعة الآن 06:53 .