السلام عليكم ورحمة الله وبركاته
بنات الله يسعدكم في هذي الليالي الفضيلة أبحث عن وصفة حلى كنت اسويها زمان من كتاب طبخ وللأسف وحده أخذته وما ردت لي الكتاب الله يسامحها ... عطيتكم قصة حياتي 😁
المهم ما اذكر كان عندي كتب غير ثلاثة الف باء الطبخ القديم وكتاب رابحة الجزء الأول والثاني
اللي عندها كتاب رابحة الاول والثاني تبحث لي عن الوصفة ولها دعوة مني بهالليالي الفضيلة الله يسعدها ويوفقها ويحقق لها خير مما تريد اللي تساعدني
الوصفة ما اذكر اسمها بس هي بصينية التوست ومقاديرها توست طبقات وتسقى بخليط في الخلاط اذكر فيه حليب المهم خليط ابيض ويوضع على التوست وبعدين في الاخير يزين بحبات الفراولة وجلي فراولة نسخنه على النار ويصب على كيكة التوست هذا اللي اذكره تكفون مرررررة ابيها اللي عندها الكتب تساعدني الله يساعدها بالدارين.

هلا حبيبتي عندي رابحه الثاني بدور فيه
يعني هي في قسم الحلويات صح
اوكي بروح اشوف واردلك خبر
لا ياوخيتي مو في رابحه الثاني
جبت لك هذي الوصفه من النت ان شالله تكون هي ،واذا ماهي هي اكتبي حلى طبقات التوست وبتلاقي وصفات كثيره

المقادير
كريمة الخفق دريم ويب , باكيت كبير
قشطة ,2 علبة
خبز توست ,15 قطعة
جلي فراولة أو توت ,2 باكيت
ماء ساخن ,2 كأس
ماء بارد ,2 كأس


طريقة التحضير
- أزيلي أطراف خبز التوست وقومي بصف قطع الخبز إلى جانب بعضها في صينيةٍ مُستطيلة الشكل.
- أدخلي صينية الخبز إلى الفرن لتجفيف الخبز قليلاً.
- ذوِّبي الجلي بكأسين من الماء البارد وكأسين من الماء الحار وأُسكبيهِ على خبز التوست ثم أدخليهِ إلى الثلاجة حتى يبرد.
- في الخلاط قومي بوضع القشطة، والدريم ويب وأُخلطيهم جيداً ثم أُسكبيهم فوق الجلي.
- زيني الطبق بالفواكه المُجففه أو الشوكولاته المبشورة أو قطع الفراولة أو الكروز المُعلبة، وقدميه بارداً وتمتعي بمذاقهِ الشهي.
عندي بس مدري اي وصفة تقصدين اللي قالت الاخت المعلقات
او وصفة ثانية
دعواتك


الساعة الآن 01:25 .