عليمية في الماكياج وابغى الاساسيات فققط

اول شيء اذا بشرتك جافه لازم bb كريم عشان يعطيها ملمس مخملي بس انا جربت اللي من غارنييه و طلع فيني حبوب يمكن بشرتي تتحسس بس انا اشوف تشترين الاسفنجه حقت الميك اب تغسلينها وتعصرينها بعدين يكبر حجمها ( اذا ماعرفتيها ابحثي عنها منتشره بالانستقرام ) و تحطين كريم واقي الشمس بعدين تحطين نقط من كريمك الاساس مهما كان نوعه وابدأي ادمجيه على وجهك ورقبتك بالاسفنجه ، راح تدمجه لك بشكل رهيب وتخلي وجهك مشرق وما كأنك حاطه كريم يعني شكل طبيعي بس مع اشراق طبعاً. . عن نفسي بشرتي فاتحه وناسبني كريم فيتامين سي ، وواقي الشمس افضل حاجه اللي من نيتروجينا حتى لو دوامك مايستدعي انك تطلعين بالشمس بس لازم تحطين واقي اذا دوامك بالنهار والكحل على حسب اللي تضبطينه ، بس السايل راح يتعبك كل يوم وخاصه بعض الايام تصحين متأخر او مالك خلق ترسمين كحل .. انا جربت من كاجال كحل لون القلم اصفر ومن جوا فيه كحل اسود اقرب مايكون كريمي يعني مو سايل ولا جاف ، احط منه على اطراف عيوني وعلى جفوني من فوق واحط ماسكرا وأحيان اذا كنت فايقه احط كحل بيج داخل عيني .. احس يطلع شكل العين مرتب واكون راضيه عليه اكثر من لما احط سايل و فرنسي وحوسه ..ايه وفيه نقطه بقولك عليها انتبهي ثم انتبهههي تحطين كحل اسود داخل العين حتى لو عينك واسعه حطي ازرق او اي لون ،، لأن من جد الكحل الغامق داخل العين دقه قديمه ومستفز / اللمعه سواء حقت ماك او اي لمعه ثانيه كنسليها من علبة مكياجك بس حطيها بالمناسبات والمناسبات الكبيره بعد ، جربي من بودي شوب بلاشر دائري فيه وردي وبيج صراحه راااايق للدوام وللمناسبات العاديه و بصباح العيد بعد ، يخلي طلة خدودك حلوه وحواجبك اذا مضبطتهم بس يحتاجون اضائه خفيفه من تحت بعد ماترسمين كحلك وتخلصين .. وخلاص بكذا يكون مكياجك مرتب و سمبل . ان شاءالله بكون افدتك ادعي ان الله يشفي امي 😣

ماشاء الله امجاد منك استفدنا هم انا اعاني من المكياج

الله يسعدك ماقصرتي والله استفدت كثير
خبرات ايضا

ويشفي امك يااارب سفا لايغادر سقما

ماقصرت امجاد الله يسعدها وانا ازيد عليها....
اذا تبغي ماكياجك يكون مضبوط او بالاصح كريم الاساس يكون مضبوووط خصوصا لو بشرتك مثلي مختلطه احيانا يكون فيها قشور مهما قشرتها ورطبتها قبل الميك اب...فلقيت الحل الحمدلله واخيرا اللي اسمه فيكس من ماك او برايمر من ماكس فاكتور تحطيها بعد ماتغسلي وجهك بصابونك المعتاد وترطبيه بمرطبك اللي دايم تستخدميه
بعد ماتحطي البرايمر او تبخي كم بخه من فيكس تخلي دقيقه بس تتشربه البشره وتبدأي بعدها تحطي كريم الاساس اللي يناسبك عاد مااقدر احددلك على حسب البشره انا اكثر شئ ناسبني وبعد بحث سنوااااات آخر فاونديشن نزل لماكس فاكتور لون بيج ماشاءالله عطى وجهي طلع طبيعيه ومو مبين اني حاطه شئ يعني مايناسب للمناسبات بس للطلعات اليوميه ..
ترى طريقتي انا غير ولاحظت كذا وحده من الميك اب آرتست تستخدم هالطريقه علشان يصير الشغل مضبووووط ...انك تبدأي تشتغلي بعيونك بعد ماتحطي شوي كونسيلر على الجفن بس وتكملي شغل عيونك بعدين تحطي الكونسيلر تحت العين بشكل مثلث بعدين الفاونديشن على كامل الوجه بتقولي ليه مااحطه من اول ؟؟علشان لما تطيح أي حاجه من ماكياج العين على خدك تنظفيه بكل سهوله وتكوني لسه ماحطيتي الفاونديشن وتوسخ...
وفي الاخير تثبتي كلللللل شغلك هذا بكذا بخه خفيفه من fixmac
وبكذا تكوني خلصتي شغلك لو تبغي أي سؤال ارسليلي ع الخاص لاني ماارجع للمواضيع وانا حاضره