ياأهل الكويت

فساتين السهره == في مجمع ليلى غاليري في السالميه هو مجمع مليان ملابس سهره بالطابق العلوي وروحي حق محل بوتيك سهره جنان

واذا حابه الجلابيات الحلوه الذربه انسام الخلف في الجابريه وفي مجمع الحمرا مول جلابيات ومجمع العربيد كلها جلابيه مو موجوده عندكم بالسعوديه

ووبدل رسميه في كثار في مجمع العثمان

بس نصيحه لا تفوتيتن ليلى غاليري والفنار والمارينا حلو بعد

البنجابيات موجوده عند انسام وفي حريم يبيعون بعد ما افصل باجمع ارقامهم واحطهم لك

وان شاءلله تنبسطين

شكرا اختي
بس ان شاء الله لقيت عقلك :)

اول شي حيااااااااااج الله بالكويت

شوفي حبيبتي

فندق الماريناااااا روووعه رااقي جداااا...بس غالي

ليلته ب 85 دينار كويتي ...هذي الغرفه اللي تطل عالبحر

و75 للغرفه اللي تطل على شارع الخليج والمطاعم

وجنبه مطاعم ...تروحين لها مشي والجو هالاياام روووعه بس هاتي معاج شال او جاكيت ...لانه الفندق عالبحر وبالليل الجو بااااااااارد

جنبك مجمع المارينا مول ..حلووووووووو


و سووق السااالمية قريب منج

اخذي الشااااااااااارع كااامل ... كله مجمعااات ومحلااات ...


المهلب بحولي فيه ملابس سهرة ...مجمع زهرة بعد فيه الاسطورة وجم محل كشخه



ودراريع روحي للعربيد ...بس ترا اهم خياط ...يعني خلال 5 ايام تقريبا يخلصونهم لج

واسعارهم معقوووله جدااااااااا يعني 15 دينار المتوسط...واغلا شي عندهم 25 دينار

والحمرا مول حلووووووو


خصصي يوووم تسوق بالفروانية...روحي العربيد (للدراريع) والحمرا مول ومناور...فيه اسوااق حلووة هناااااك



وعندج محلاات انسام ...بس تراهاااا غاليه جداااااااا



ولااازم لااااازم تروحين مجمع النقرة ...حلوووو والاسعااااار روووعه

طبعا مجمع النقرة بحولي ...العثمان بعد بحولي...ومجمع بيروت زيين ...يعني خصصي يوووم تروحين فيه حولي...وشوفي هالمجمعااات

ولاازم تروحين سوووق شرق ...اشهر سووق بالكويت

واذا طلعتي منه قريب عنده سوق المباركية (جنب سوق السهم)...رخيص وبتحصليين اشياااء حلووووة...من مكياج وملابس للبيت والعااب ...وبيجامات اطفااااال و...........كل مايخطر في باااالك



وقريب منهم مجمع الاوقاف ...حلووووو بعد ويمه سنتر بوينت جديد توه فااتح ...لاند مارك سابقا...


هذا اللي اذكره الحين ... :icon28:


بس تعاالي جم يووم بتقعدين بالكويت ؟؟؟؟

شكرا اختي عريب تسلمين والله
جلستي بتكون بحدود 6 او 7 ايام ان شاء الله
ودي اسأل وين الاقي ملابس المحجبات يعني البالطوات الطويله والايشاربات(الشالات)
وياريت تفيدوني انا محتاره الكورت يارد او الهوليدي ان علما ان الكورت يارد نص قيمه الهوليدي ان فهل يستاهل او مستوياتهم متقاربه؟

تسلمون

اعندي فكره عن الفنادق واسعارها بس في فندق بعد على آخر شارع الخليج من صوب السالميه وهو فندق النخيل وهو على البحر وفيه ستاربكس ومطاعم وفي سويتات وغرف وفي شاليهات داخله اتصلي واستفسري ممكن تاخذين الارقام من بداله الكويت 101 او 808080 ويدلونك على الفنادق

بالنسبه للشوبينق:

أول يوم روحي الفروانيه عشان يكفي الوقت اذا بتفصلين دراعات وبنجابيات هناك

مجمع العربيد (دراعات وبنجابيات رخيصه وحلوووووووه مره)
مجمع الحمرا مول
مجمع العربيد بلازا
__________________
السالميه:
مجمع الفنار
مجمع المارينا موووول (تقريبا فيه كل المحلات)
سوق السالميه القديمه اسمه الحوش مقابل ماركس سبنسير (فيه جناط وجواتي رخيصه وحلوه)
وفي شارع سالم المبارك اللي فيه الفنار كله مجمعات حلوه لو عندك وقت فريها كلها
__________________________
حولي وما أدراك ماحولي:

مجمع النقره (لبس محجبات رخيص وحلو وغريب وفي مجمعين النقره الشمالي والجنوبي بس الشمالي احلى وأشمل)وبالدور الثاني بالشمالي لبس سهره
مجمع المهلب (فيه كل المحلات من سهره ولبس يومي الى لبس استقبالات)
__________________
سوق شرق حدث ولا حرج (بس كل محلاته موجوده بمارينا مول)
ولا تنسين سوق المباركية كل شي رخيص وحلو
وفي بسوق المباركيه سوق للمكياج رخيص وحلو لا يطوووفيج (سإلي هناك اللي يشتغلون يدلونج قوليلهم أبي سرداب سوق البشوت اللي يبيع مكياج بالجمله بتشوفين العجب والعجاب)

ومجمع الاوقاف عند المباركيه تقريبا كله دراريع فخمه
______________________-
المطاعم:

مطاعم شارع الخليج

شيليز _أبل بليز _نينو_برج الحمام (لبناني حلو )_الدانه مأكولات بحريه_فرايديز

في مطعم بالشعب فيلا فيروز حلو لبناني أكله
وفي بعمارة ماركس سبنسر بالسالميه مطعم مغل محل هندي وصيني بس عجييييب لا يطوفج
والكافيات والمطاعم صراحه بكل مكان
وانشالله تستانسين عندنا وإذا بغيتي شي احنا برسم الخدمه