رحلتي الي فرنسا سوسيرا ايطاليا

راح افيدك بباريس توي راجعه منها من يومين الحمدلله
دزني لاند فيها البارك والأستديو هي الأساسية وفيها دزني فيلج مو مهم اذا زيارتك لها يوم واحد
ابدأي بالأستديو لأنه الأفضل ولأنه يسكر 9 لكن البارك تسكر 12 تقريباً في الصيف التذكرة تشمل البارك والأستديو الكبير بسعر 59 يورو والصغير 52 يورو
بس زحمة والعابها عاديه بصراحة اجمل مافيها عرض العصر الساعة خمس ونص والعرض الختامي الساعة 11 خيالي وهو ابرز مافيها
اذا بتزوري المانيا عندك ملاهي يورب بارك افضل من دزني بكثييير روعه وسعرها ارخص شوي
بالنسبة لقصر فرساي زي دزني يعتبروا خارج باريس وممكن الوصول له بالرير c او بالتكسي بس بيكون مكلف مرره ويوم الأثنين مغلق
عندك منطقة برج ايفل جميلة والمنطقة اللي حولها ونيسة
منطقة قوس النصر ويتفرع منها الشانز وهناك مطاعم وكفيهات وممكن تركبي التك تك ياخذ فيك لفه على الشانز
عندك منطقة الاوبرا وعندك ميدان الكنوكرد اللي فيه المسله المصريه وكلها قريبة من ايفل
ممكن تاخذون الباص السياحي الأحمر حلو ياخذ فيكم لفه على اهم الأماكن السياحية بباريس ويبدأ من عند قوس النصر تاخذوا التذاكر من سواق الباص
ممكن تزوري متحف اللوفر اللي فيه لوحة المونليزا
وعندك هضبة مونامارت او ساحة الرسامين وعندك متحف الشمع
انت رتبي اهتماماتك حسب اللي تحبي
وفيه منطقة الاديفانس حلوه وفيها سوق واوت لت ومطاعم وقريبة من الشانز