السلام عليكم ورحمة الله


بما ان الناااس ترجع دواماتهاا هاليومين
ونرجع للطبخ والنفخ .. اناا عندي مشكلةة
ياليت اللي عندهاا حل تقول لي
طبعاا الغدااء كبسة حال كل السعودين
انا مشكلتي العشااء .. ماادري ايش اطبخ
افكر وش اسوي الا راح الوقت .. واغراض ماالقاهاا
وحوسةة .. ففكرت اصلح جدول لاكلات الاسبوع كامل .. واكتب الناقص عشان اجيبه قبل
اسبوع او اسبوعين ..
الحين ياليت تكتبون لي ايش تصلحون طبخاات
انا نادراا مااطبخ بحكم كنت ادرس بالجامعة واكون عند اهلي .. الحين تخرجت
وصاير خبرتي بالطبخ صفر .. وابي هالشي يتغير
ايش تطبخوون بالاسبوع من اكلات
علموني بليز ..
19-10-1436 هـ, 04:08 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حسب الزوج او العائله اذا تحب العشا خفيف او طبيخ
والغدا مولازم كبسه حاف
لكن بقولك بعض الاصناف الي ممكن تكون عشاء
*مكرونه باللحمه مع سلطه خضرا ولبن
*ايدام مشكل مع رز ابيض او خبز وخس وجرجير
*مشوي دجاج بالفرن مع الثوميه وشرائح الخيار والطماطم
* شكشوكه مع جبن وشرائح الخيار والطماطم وبراد شاهي
* بيض مسلوق مع نواشف وسلطه
*فول وتميس ومطبق من برا
* اي طبخه شعبيه من ديرتكم
* سمك وسلطه
* شاورما وسلطه وبطاطس مقلي
* مقلقل لحم مع خس وجرجير وخبز وشاهي
هذي بعض الاشيا الي اسويها بس لا حظي ان السلطه موجوده لازم
لاني صرت احرص عليها لان الكثير للاسف يجلس الخيار لين يخرب مافيها تعمله سلطه ،
طيب قطعوه حلقات ولو حبه راح تتاكل
وكمان الذره المعلبه اذا استخدمتي منها جزء اعطي عيالك الباقي ياكلونه مو شرط يجلس لين يخرب او تفرزنونه لحد مايجي اسبوعين وتاخذون منه جزء لاني قريت موضوع قريب عن كذا
لازم يكون اكلنا شوي صحي
لازم الخضار والسلطه لازم يكون طبق رئيسي كل يوم راح يتعودوا الصغار عليه مع الوقت
19-10-1436 هـ, 04:26 صباحاً
 
شوفي طريقتي وممكن تفيدك أنا أنسانه احب التفريز أعشقه وعندي اتعب يوم بالشهر وارتاح الباقي البقوليات (عدس وعدس اخضر وفول وفول ابيض وحمص كبير وحمص صغير وفاصوليا بيضاء وفاصوليا حمراء ) هذي انقعها يوم كامل مع تغير المويه وبعدها اسلق كل نوع على حدى ولما يبرد افرزن باكياس القدر المطلوب (لشوربات لسلطات للإيدامات للمقبلات ) واضمن انو الكميه كافيه لشهر زره مجمده كيس كبير واقسمه باكياس صغيره لاستخدام شخص واحد الورقيات (بقدونس بصل اخضر كراث كزبره اغسلها واجففها من المويه واقطع كل نوع على حدى وافرزنها -- للحشوات والمطبق والإيدامات والصواني ) واضمن انو حق شهر متوفر الباميا والفاصوليا والقرع اقطعها على حسب حاجتي وافرزن كل نوع على حدى الدجاج اجيبه مقطع وحق شهر كامل (الصدور والافخاذ والأجنحه ) اللحم (قطع للكبسه والمكرونات والصواني / مفروم للكفتات والبرجر والحشوات ) حق شهر كامل الفواكه اذا صعب كل اسبوع تجيبين جيبي كمية وفرزنيها (للعصير والسموذي او سلاش صحي ) الطماطم مع الفلفل البارد والبصل والثوم بالنار لين يذبل بتخلطينه وفرزني كميات مناسبه (للبيتزا والصواني و مقبلات) سمك وربيان ومأكولات بحريه مجمده تكفي شهر الباذنجان اقلي كميه (واهرسه للمتبل / اقطع حلقات للصواني والمسقع ) كميه تكفي شهر القرنبيط والبروكلي اغسلها واجففها وافرزنها تكفي لشهر الخضار الي مااحب افرزنها (كوسا وخيار وجزر وطماط بطاطس فلفل رومي وملفوف والخس والجرجير ) كل نوع اقسمه باكياس لأستخدام واحد واحط مناديل تتغير اسبوعين تستمر الخضار حلوه 3اسابيع الى شهر ( ماعدى الجرجير فاصرت افرزنه واعصره بالخلاط مع عصير برتقال ) والسبانخ والملوخيه نفس الشي افرزن معلبات حدديد وش تحبون (جبن سائل -مثلث -كيري - شرائح - شيدر -حامض- مبشور ) وايش تستخدمونه فيه معلبات (تونه ايش تستخدمونه فيه / قشطه وش كثر تسون حلا / مربى/ فول سوداني تستخدمينه بس حشي او بالحلا والطبخ / عسل / زيتون اسود واخضر وايش تستخدمينه فيه ) الدقيق وش تسوين فيه (في حريم يحبون يسون الخبز والصامولي شغل بيت هنا تحتاج اكثر وناس بس كيك وبسكوت ) باكنك وبيكربونات ونشاء هذي اجيب شدات لازم تجلس شهور عندي مايونيز وكتشب علب صغار وعلى حسب استخدامكم يحدد عدد العلب والصوصات الثانيه نفس الشي المكرونات وش تحبون من اكلات كتبت لك اغلب المقادير وش تحتاجينه من طبخات الحين جا دور تحديد الجدول الفطور (ايام الدراسه والعطل ساندويتشات وكورن فليكس اشياء خفيفه أما الويكند سواء بدراسه او عطله لازم وجبات ثقيله (شكشوكة وفول وعدس يعني بقوليات او اكلات شعبيه ) حددي كم يوم بالشهر ويكند وعلى ضوه كم استهلاككم من مقاديره ونفس الشي باقي الايام بحيث يكون جدول واضح فيه عدد الخبز والتوست والصامولي والمعلبات والبقوليات الغدى كبسه (خيشة رز كافيه لشهر ودجاج كافي لشهر )( الايدامات انت سبق وجمدتي الي تحتاجينه كم مره بتسوين مشكل وكم مره باميا وكم مره مصقع)مع سلطه العشاء بالنسبه لي يعتمد على الغدى اذا غدانا خفيف خليته ثقيل (مكرونات بانواعها صواني خضار باي طريقه او اكلات شعبيه ) كله من الي موجود مفرزن اذا غدانا ثقيل العشاء (ايدامات خضار او بقوليات او ساندويتشات) من الي موجود يعني من اول الشهر اكون محدده وش ابي وأوفر اغراضه وطول الشهر مااطاب الا الخبز والتوست والحليب واللبن والزبادي والبيض ودايم اطلب حق 3 ايام الشي هذا ينطبق حتى الصوابين ومعجون الاسنان حتى الاسيتون اعمل حسابه كذا اريح وتضمنين انو ماينقص عليك شي
19-10-1436 هـ, 05:43 مساءً
 
اقتباس مشاركة  (هلاوينات2*)
شوفي طريقتي وممكن تفيدك أنا أنسانه احب التفريز أعشقه وعندي اتعب يوم بالشهر وارتاح الباقي البقوليات (عدس وعدس اخضر وفول وفول ابيض وحمص كبير وحمص صغير وفاصوليا بيضاء وفاصوليا حمراء ) هذي انقعها يوم كامل مع تغير المويه وبعدها اسلق كل نوع على حدى ولما يبرد افرزن باكياس القدر المطلوب (لشوربات لسلطات للإيدامات للمقبلات ) واضمن انو الكميه كافيه لشهر زره مجمده كيس كبير واقسمه باكياس صغيره لاستخدام شخص واحد الورقيات (بقدونس بصل اخضر كراث كزبره اغسلها واجففها من المويه واقطع كل نوع على حدى وافرزنها -- للحشوات والمطبق والإيدامات والصواني ) واضمن انو حق شهر متوفر الباميا والفاصوليا والقرع اقطعها على حسب حاجتي وافرزن كل نوع على حدى الدجاج اجيبه مقطع وحق شهر كامل (الصدور والافخاذ والأجنحه ) اللحم (قطع للكبسه والمكرونات والصواني / مفروم للكفتات والبرجر والحشوات ) حق شهر كامل الفواكه اذا صعب كل اسبوع تجيبين جيبي كمية وفرزنيها (للعصير والسموذي او سلاش صحي ) الطماطم مع الفلفل البارد والبصل والثوم بالنار لين يذبل بتخلطينه وفرزني كميات مناسبه (للبيتزا والصواني و مقبلات) سمك وربيان ومأكولات بحريه مجمده تكفي شهر الباذنجان اقلي كميه (واهرسه للمتبل / اقطع حلقات للصواني والمسقع ) كميه تكفي شهر القرنبيط والبروكلي اغسلها واجففها وافرزنها تكفي لشهر الخضار الي مااحب افرزنها (كوسا وخيار وجزر وطماط بطاطس فلفل رومي وملفوف والخس والجرجير ) كل نوع اقسمه باكياس لأستخدام واحد واحط مناديل تتغير اسبوعين تستمر الخضار حلوه 3اسابيع الى شهر ( ماعدى الجرجير فاصرت افرزنه واعصره بالخلاط مع عصير برتقال ) والسبانخ والملوخيه نفس الشي افرزن معلبات حدديد وش تحبون (جبن سائل -مثلث -كيري - شرائح - شيدر -حامض- مبشور ) وايش تستخدمونه فيه معلبات (تونه ايش تستخدمونه فيه / قشطه وش كثر تسون حلا / مربى/ فول سوداني تستخدمينه بس حشي او بالحلا والطبخ / عسل / زيتون اسود واخضر وايش تستخدمينه فيه ) الدقيق وش تسوين فيه (في حريم يحبون يسون الخبز والصامولي شغل بيت هنا تحتاج اكثر وناس بس كيك وبسكوت ) باكنك وبيكربونات ونشاء هذي اجيب شدات لازم تجلس شهور عندي مايونيز وكتشب علب صغار وعلى حسب استخدامكم يحدد عدد العلب والصوصات الثانيه نفس الشي المكرونات وش تحبون من اكلات كتبت لك اغلب المقادير وش تحتاجينه من طبخات الحين جا دور تحديد الجدول الفطور (ايام الدراسه والعطل ساندويتشات وكورن فليكس اشياء خفيفه أما الويكند سواء بدراسه او عطله لازم وجبات ثقيله (شكشوكة وفول وعدس يعني بقوليات او اكلات شعبيه ) حددي كم يوم بالشهر ويكند وعلى ضوه كم استهلاككم من مقاديره ونفس الشي باقي الايام بحيث يكون جدول واضح فيه عدد الخبز والتوست والصامولي والمعلبات والبقوليات الغدى كبسه (خيشة رز كافيه لشهر ودجاج كافي لشهر )( الايدامات انت سبق وجمدتي الي تحتاجينه كم مره بتسوين مشكل وكم مره باميا وكم مره مصقع)مع سلطه العشاء بالنسبه لي يعتمد على الغدى اذا غدانا خفيف خليته ثقيل (مكرونات بانواعها صواني خضار باي طريقه او اكلات شعبيه ) كله من الي موجود مفرزن اذا غدانا ثقيل العشاء (ايدامات خضار او بقوليات او ساندويتشات) من الي موجود يعني من اول الشهر اكون محدده وش ابي وأوفر اغراضه وطول الشهر مااطاب الا الخبز والتوست والحليب واللبن والزبادي والبيض ودايم اطلب حق 3 ايام الشي هذا ينطبق حتى الصوابين ومعجون الاسنان حتى الاسيتون اعمل حسابه كذا اريح وتضمنين انو ماينقص عليك شيupload/
ماشاء الله عليك
21-10-1436 هـ, 01:50 مساءً
 
ماشاء الله تبارك الله ماقصرتي
25-10-1436 هـ, 11:17 صباحاً
 


الساعة الآن 07:55 .