كيف أرجع ثقة بنتي بنفسها

السلام عليكم بنتي عمرها أربع سنوات طفلة فرفوشة ولسانها طويل لكنها مؤدبة وما تمد يدها على الغير بدون سبب مرات بنت عمتها تضربها وبنتي ترد لها الضربة واطفال في بعض ولا عمري تدخلت بينهم الا بالنصح عيب وخليها يا ماما وسامحيها ومن هالحكي مرة بنتي تضاربت مع بنت عمتها في نفس عمرها بالضبظ وقامت عمتها الا هي اخت زوجي ضربت بنتي على يدها من فوق وذراع بنتي صار أحمر وطبعت اصابعها على ذراع بنتي طبعا أنا ما سكت وتهاوشت مع اخت زوجي قلت لها ياما بنتك ضربت بنتي ما عمري مديت يدي على طفلة وموضوعي معها خلص مشكلتي بنتي من يومها تخاف من كل شيء وبنت عمتها صارت تضربها وصارت تخاف ترد الضربة حتى بالكلام صارت تخاف ترد على الكل مو بس من عمتها صارت خوافة ومنطوية على نفسها وما تخالط اهل زوجي مثل قبل واذا تعرضت لأي موقف ما تاخذ حقها والناس تغلط عليها وهي بس تجيني شقتي تشتكي على فلانة وفلان وانا ما اقدر اسوي شيء كيف ارجعها مثل قبل؟؟ فرفوشة وتسوي جو وماتخاف تضرب الي يضربها؟؟