السلام عليكم

كأنسانه محبطه لم تخرج في حياتها بنتيجة ايجابيه في عمل المعجنات


لاحظت نجاحكم فيها والدليل الصور


اذن لماذا لا أنجح انا؟؟؟؟؟؟


ارجوكم ياخوات ..اذكروا لي الاساسيات لنجاح المعجنات في الفرن او في القلي

لاتقولون لي المقادير ~....ماابغى مقادير

ابغاكم تقولون لي :

نوع الخميرة التي تشترونها وكما قالت الاخت دردشة مطابخ انه لابد ان يحدث تفاعل بين المـاء والسكر والخميرة

كيف اعرف ذلك ؟؟

اخواتي

اذكروا لي نوعية الافران التي تستخدمونها ...وبالنسبة للفهرنهايت ..لااجده في الفرن لدي ..

ماهو نوع الافران الجيدة حتى اشتريها >>مستعدة وتبي اتسوي اي شي بس تنجح في المعجنات

انواع الصواني الخاصة للعجن

فوائد بعض الاضافات كالبيض , الحليب , السكر . الزيت ..للعجين

الدقيق المفضل لديكم ( يعني اي نوع تشترووه وقولو لي اسمه)

فانا اشتري من المطحنه وفي كيس ومافيه اي معلومات

ماذا تفضلون العجن باليد ام بالاله العجانه (هذي ماعندي للاسف )

ماهي المدة التي نحتاجها لكي تستريح العجينه

.........اخبروني عن الاساسيات كلها

ولو كل واحده تذكر لي سبب او اساس لنجاح العجينه


اتمنى مشاركتكم
لا الـــــــــــــ ــــــــه الا الله







انا كنت مثلك
فعلا اكتشفت ان الخميرة والسكر والماء تضعينهم في كوب وحركيه ثم اتركيها حتى تظهر فقعات

الماء لايكون حار او بارد( شوية ماء مو كثير سكر خميرة فوريه) طبعا المقادير اللي راح تستخدميها
الدقيق الابيض الفاخر ابو ريالين
الفرن والله اي فرن بنسبه لي
طبعا اكتشفت اني بعد ماافرد العجينة البيتزا في الصينيه اتركها وغطيها عشان تنتفخ ودخلها الفرن ويكون مشغلته من قبل
الة العجن افضل من اليد لانه تخليها مثل القطنه
الصينيه اللي لونها احمر هذا اللي استخدمها اتوقع موشرط اساسي

والله هذا اللي اعرفه وان شاء الله البنات يفيدونك اكثررر

بتوفيق ،،،،،،،
اول سؤال راح اقوله لك ؟؟؟ هل جربتي عجينة العشر دقايق؟

نوع الخميرة التي تشترونها وكما قالت الاخت دردشة مطابخ انه لابد ان يحدث تفاعل بين المـاء والسكر والخميرة

كيف اعرف ذلك ؟؟

اول شي هذة صورة الخميره وهي احسن نوع تلقينها في السوبر ماركت بهذا الشكل بالضبط وحبيباتها صغيره ...



وطريقة التفاعل انك لما تحطي الخميره والسكر والماء وتتركيهم في كاس لمدة عشر دقايق راح تشوفين انها بدت ترتفع اشوي وصارت مثل الرغوه وهذا دليل تفاعلها

اخواتي

اذكروا لي نوعية الافران التي تستخدمونها ...وبالنسبة للفهرنهايت ..لااجده في الفرن لدي ..


ماهو نوع الافران الجيدة حتى اشتريها >>مستعدة وتبي اتسوي اي شي بس تنجح في المعجنات

الافران العاديه مثل الغاز او الكهرباء .... واحسن درجه للمعجنات هي 180 درجه مابين الوسط والعالي ... ولازم يكون الفرن ساخن قبلها قبل لا تحطين الفطاير

انواع الصواني الخاصة للعجن

استعمي الصواني التي حوافها قصيره ... او ممكن تستعملي صينية الفرن نفسها الكبيره التي تاتي مع الافران نفسها.... ادهنيها بزيت قليل وضعي الفطاير عليها



شوفي اهني انا استعملت صينية الفرن نفسها

او نفس هذى


فوائد بعض الاضافات كالبيض , الحليب , السكر . الزيت ..للعجين

الزيت لا بد منه بالعجينه يعطيها ليمونه وحتى لا تلصق معاج اثناء العجن ... والسكر منشط للخميره ويعطي مذاق حلو للعجينه .... والبيض والحليب تمسحين فيهم وجه الفطاير

الدقيق المفضل لديكم ( يعني اي نوع تشترووه وقولو لي اسمه)

فانا اشتري من المطحنه وفي كيس ومافيه اي معلومات

احسن شي هو الطحين الكويتي وانا دايما استعمل الطحين الفاخر الكويتي وفي بنات يستعملون الطحين الابيض الكويتي

ماذا تفضلون العجن باليد ام بالاله العجانه (هذي ماعندي للاسف )

اكيد بالاله افضل .... وبدل عنها اكيد راح يكون اليد ... ومن نجاح العجينه بعد هي طريقة العجن ... اعجنيها لمدة عشر دقايق حتى تعطيك افضل النتايج

ماهي المدة التي نحتاجها لكي تستريح العجينه

في عجينة العشر دقايق راح تحتاج عشر دقايق بس وهي من احسن المعجنات جربيها وان شاء الله راح تضبط معاج

.........اخبروني عن الاساسيات كلها

ان شاء الله ما قصرت عليك في اي جواب

ولو كل واحده تذكر لي سبب او اساس لنجاح العجينه

وان شاء الله البنات يفيدونك اكثر ... وعلى فكره هذى طريقة عجينة العشر دقايق جربيها .... وممكن تعملي منها كل المعجنات المالحه والحلوه .... وحتى تابعي اعمال البنات منها في القسم هذا .... وموفقه عزيزتي


انستغرام: q8crochet
راح ابدأ من الاكثر رداً

الاستاذة الغاليه والمعجبة بها جداً

ام عزيزان

والله انتي اخلاق والنعم فيكي

ردك زال عني الاحباط الناتج من البيتزا اللي سويتها امس

اختي ..والله ماعرف ايش هيا عجينة العشر دقائق

انا كل اللي اسويه اشتري دقيق من المطحنه بخمس ريال وماعرف ايش هوا نوعه
وانا طبعا في السعودية ومادري اذا كان الدقيق الكويتي متواجد عندنا والا لا

اعطيني صورته لو تقدري ..حتى ارسل احد يجيبه لي من السوبر ماركت

ويالغاليه حابه اسئلكي هل للبيتزا صينية معينه

وهذا اللي لاحظته في موضوع المميزة دردشة مطابخ

واله العجن بكم اشتريتيها ....

وانا حاليا مركزه عالفرن لازم ارميه واشوته بره البيت >>ههههههههههه قهرني ...

والخميرة هي نفسها اللي عندي

بس انا للاسف حطيها في علبه ورميت كيسها فما ادري اذا انتهت او لا وهي عندي من حوالي سنة تقريبا >>> بتقولك انها ماتستخدمها كثير يعني فاشلة ماتطبخ

صدقيني يام عزيزان انكم انتو شجعتوني عالطبخ ويارب اكون ست بيت مثلكم حتى اذا تزوجت ماأتفشل

تسلمين واي اضافة تانية عندك لاتبخلي عليا فانا محتاجه لهالمعلومات المهمة

وراح اكتبها عندي

جزاك الله خير
لا الـــــــــــــ ــــــــه الا الله







WORLD333
الله يسعدكي على ردك

انا بصراحه املي فنجان الشاي واحط ملعقة خميرة وملعقة سكر

فهل هذا يتعارض مع كلامك

... طيب اختي ايش تلاحظي في الصواني الحمرا

يعني ليه تميزيها ؟؟؟

وهل هي تفرق عن الصواني العادية

جزاك الله خير

اختك
ود
لا الـــــــــــــ ــــــــه الا الله









الساعة الآن 12:25 .