اقتباس مشاركة  (عذبه 2012)
ممكن اساعدك بوصفات لاكثر من اكله الحمدلله انا متميزة بمهارتي ولذة طبخي للعلم انا ماابيع بس بافيدك في البداية ابدي بتسويق لاكلك ارسلي للحسابات المشهورة في مدينتك وايضا للمدراس القريبة في الحي اللي ساكنه فيه واعملي لك كرت شخصي او استكر فيه رقمك وحسابك بالانستقرام وكل شوي صلي استخارة وان شاء الله تتيسر اموركبرضو شوفي لك اكثر من مندوب يتعاون معاك طلبات الاكل من محلات البيع بالجملة او المستودعات ويارب يفرج عليكي وعلى كل مسلم
الله يجزاك خير بس ابغى اول شي اتعلم للاكلات واتقنها تمام بعدين اسوق لها كلمت جارتي معلمه قلت شوفي المعلمات اذا يبغون اسوي اكلات لهم بس اخاف م يعجبهم طبخي واتفشل
اقتباس مشاركة  (فططططططوم)
الله يجزاك خير بس ابغى اول شي اتعلم للاكلات واتقنها تمام بعدين اسوق لها كلمت جارتي معلمه قلت شوفي المعلمات اذا يبغون اسوي اكلات لهم بس اخاف م يعجبهم طبخي واتفشل
ياليت تكتبين الاكلات وخاصه الدونات والكبه
الله يوفقك يالغاليه
ولكن نصيحه مني لك حددي الاشياء اللي تسوينها مثلا
الكبسات نوع معين مثلا مضبي او نوعين بس بشرط تكونين متتتتمكننه منهم مررررره بحيث انك تعرفين بالضبط الكميه من حبث البهارات والملح والمويه وتكونبن نضبطينها سواء كميه قليله او كبيره وتدربي عليها مضبوووط واذا تدربتي عليها في الصحن وصوري صور احترافيه


او مثلا المقالي كبه وسبرنق رول تدربي عليها زييين وسويها اكثر من مره ونفس الشي سجلي الكميات كيف والتكلفه كم كلفت وصوريها


يعني لحد الحين ثلاث خطوات
التحديد لبعض الاكلات ( لان لو لتسوين كل الاكلام ممكن ما تضبط معك وتتعبين ) ولكن صنف او صنفين من كل شي ممكن تبدعبن فيه
الخطوه الثانيه التدريب وتحديد الكميه وتحديد تكلفت المقادير
الخطوه الثالثه تجميع الصور ..خذي اكثر من صوره


يتبع 🌺🌺
بعد ما تكونين حددتي الاصناف اللي تسوينها من شعبيات واطباق رئيسيه وحلويات ومعجنات ومقالي<<هذي كلها حددي فقط اللي تضبطينها تعرفين تسوينها.. وبعد ما تكونين سجلتي الكميه وسجلتي التكلفه وبعد ما تكونين اخذتي صور وجمعتي كم صوره جميله احترافيه
نجي للأعلان
سوي حساب في الانستا وطلعي رقم وجوال مخصوص لهالمشروع .. وسوي كروت كثيره ووزيعيها في الحدائق العامه والمستشفيات وعطيها الحريم في الصالونات يعني كل ما رحتي مكان فيه تجمع نسائي عطيهم من الكروت
وروحي مصنع البلاستك او بنده وخمي من الادوات اللي تحتاجيها من صواني خبز كبيره .. قدور كبيره .. صحون بلاستك .. غلاف النايلون .. قصدير .. صحون قصدير .. اكواب الحلا ( لو بتسوين حلويات)
المهم خذي كل ادواتك
وفي حسابات رووووعه في الانستا بنات مبدعات في هالمجال وبعضهم متخصصات مثلا بنوع معين مثلا تشيز كيك او مثلا معجنات او مثلا شعبيات .. وشغلهم روووعه حتى من ناحيه التقديم والتصوير مرره روعه مشاء الله الله يوفقهم عاد انا دايم اتابعهم واعطيهم لايكات حتى اللي مو في نفس مدينتي 🙊 احب اشجعهم
وانتي الله يووووفقك ياااارب
وكمان لا تنسين المندوبين تعاملي مع اكثر من واحد جيبي ارقامهم من النستا وكلميهم او خلي زوجك يكلمه وبجي البيت عشان يعرف العنوان


الساعة الآن 09:20 .