احب شخص لا يعرفني ولا يعلم بوجودي / قديم

الأسرة والمجتمع

صباح الخير
اول شي ياليت الموضوع ماينقل نهائي لاي قسم لان هنا الكل بيتفاعل

حابه اقول حاجه قبل ابدا بالموضوع
بكل صراحه انا عندي معرف قديم تقريبا اكثر من 5 سنوات ومشاركتي فيه بالالف
لاكن بما اني مابغى احد يعرف بالمشكله سجلت بجديد لما شفت ماشاء الله التفاعل
والحلول ممكن احصل عندكم حل اول شي يمين بالله كل حرف اكتبه صادقه فيه وربي
عشان لاوحده تكذبني بما ان المعرف جديد
بقولكم كل شي خاص فيني وفي عائلتي عشان اوضح لك قد ايش المشكله عويصه

انا بنت عمري 25 سنه- جامعيه -اميل للجمال والنعومه شكلي اصغر من عمري ب تقريبا 5 سنوات كل اللي يشوفوني
يقولو 20 او 19 ارجع لقبيله معروفه وهم من عجمان القصيم
بكل صراحه ابوي دللنا دلال مو على احد مع انه فيه اغنى منه فيه ناس اكبر منه
لاكن ابوي مستعد يتسلف يسوي اي شي بس مايخلي شي بخاطرنا
قبل اكثر من 10 سنوات لما كان عمري 15 او 16 ابوي اشترى لي احسن لاب توبمع انه بذاك الوقت حتى بنات العشرين كانو مستحيل اهلهم يرضون يشترونه لهم ولو اشتروه قالو الفواتير صعبه
لان النت بذاك الوقت كان بفلوس كان على خط التلفون
وكان مشتري لي اخر جوال بذاك الوقت اتذكر الباندا
يمين بالله يابنات الى يومكم بطاقته تحت يدي
واشياء ثانيه

اخذ بطاقته بدون استاذان اصلا واروح اجيب اللي ابي فيه ماساله هو عودني على كذا

امي فيها عصبيه وشده بالذات علي لانها لاحظت دلال ابوي الزايد الى الان امي تفضل خواتي وتعاملهم احسن مني
انا بالعكس تخانق ابوي تقول انت خربتها انت عطيتها وجهه بزياده صرت ماحترم امي وكل ماقالت لي حاجه
قلت مو شغلك ابوي راضي ويجي ابوي يقولها ايه انا راضي مالك شغل ببنتي ابوي قواني على اخواني وعلى امي ابوي هو دنيتي مادري ايش اسوي لو يصير فيه شي

كان يصحى نص الليل يوديني لبنات خالي وخالتي اسهر عندهم متخيلين يصحى من عز نومه عشان يوديني انبسط
وربي الى الان كلمة بنت خالي باذاني كيف ابوك جاي على كيفك وش السر؟
مع انه ابوي شديد جدا الان مع اخواني وحتى خواتي الصغار اعتقد لاني اول بنت بين4 عيال طار فيني ودلعني
تصدقون وربي يابنات وربي انه الى السنه اللي راحت قبل اتخرج من الجامعه يجي بالشمس والحر يوقف نص ساعه او اكثر
ينتظرني اطلع اقوله ي بابا ليه تجي بالشمس وانت عارف وقتي ماطلع الا متاخر يقول ودي اوصل واخذك قبل تطلعين مابيك تجلسين بالشمس
مابيك تجلسين بالحر وربي يابنات انه جامعتي فيها تقاطع ويكون الشارع زحمه ولا يقدر بابا يوقفني عند الباب فيضطر يوقف بالجهه الثانيه
وينزل معاي يقطع الطريق عشان لانزل لحالي
انا قلت لكم هالمقدمه عشان تعرفون كيف حياتي كيف عايشه طبعا بذاك الوقت لما كان عمري 19قبل اكثر من خمس سنوات
كانو العالم طافين ببرنامج الكيك وهو يجي واحد ويسولف والناس يشوفون وش ينزل مقاطع على نفس نكه
شرحت لكم كيف كانت حياتي قبل 5 سنوات وبعمر مراهقه وابو مدلعني وخدامه شايله كل البيت وانا ماعندي الا نوم بغرفتي
ومكالمات صديقاتي وطلعات هاذي حياتي قبل 5 سنوات اشتركت بالبرنامج وصرت اتابع مقاطع مشهور شخص من الكيك
كنت اتابعه لان نقده حلو وفيه كوميديا يعني كنت تضيع وقت بس لاكن يوم بعد يوم اتعلق اكثر بهالشخص من خلال مقاطع
كنت اذا فضيت بالليل من النت ومكالمات صديقتي اجلس اشوف مقاطعه باخر الليل لاكن بعد فتره تعلقت بذا الشخص وصرت مدمنه على مقاطعه
وكان يقرى التعليقات ويرد احيانا واحيانا لا لان فوق 40 الف متابع عنده لما خلاص وصلت لمرحله الادمان ادخل الجامعه انتظر
متى اطلع عشان اشوف هالشخص المشهور ايش نزل ايش كتب تعليق صار عندي بالتويتر بالكيك بكل برنامج هذا لاحظو كان عمري 19 سنه
صرت اراقبه واسمع عنه من بعيد و الاحق اخباره من بعيد من ناس
عرفت ايميله بالصدفة.. بحثت عنه بالفيسبوك.. بعثت له طلب ووافق..
واصبحت ادخل صفحته الشخصية اكثر من صفحتي
انتظر مناسبة عشان اتكلم فيها معاه فارسل له رسالة لكنه يجيب دائما بكلمتين او ثلاث... ل
عدم تفاعله معي اضطررت لعمل اكاونت اخر و اغير اسلوبي واحدثه و تكرر هذا الشيء وصار عندي 7 شخصيات مختلفة

حاولت ان انسى هذا الشخص لكن بداخلي شيء يقول لي شي مستحيل نسيانه.. وليه انسى؟؟ وانا لم اجرب اصلا التواصل معه.
ادري انكم تقولون مراهقه لاكن لا وربي شي اكبر من كذا
هالمراهقه ماتستمر فوق 5 سنوات صار بكل برنامج عندي بالسناب بالانستقرام بالتويتر بالكيك بالفيس بوك
تدرون الى يومكم وانا ماستغني عنه نهائي لاتقولون انتي فاضيه ولا عندك شغل
وربي يابنات اصحى من النوم بس اشوف وش نزل وش حط صار هالشخص عايش فيني مو قادره اتخلص منه
مرتين رفضت احسن الرجال وصارت مشاكل بين ابوي وامي والسبب انا لآني رفضت رجال مو عاديين وظايف وسنع وعيال نعمه وعيال عائله واخلاق
على حسابه بتقولون مايدري عنك طيب ادري انه مايدري عني بس شي ياناس مو بكيفي
شي فوق الخيال السنين مرت بسرعه كانها شهرين ماكانها خمس سنوات وانا متابعه هالشخص واحس ابي اوصل للشخص هذا باي طريقه
تفكيري الان مو تفكير مراهقه نهائي واصلا من صغري احتقر المراهقات اللي تتعلق بشخص وبعد فتره تسحب عليه وتدور غيره
انا اتمنى اني اكرهه اتمنى اقدر لو يوم امنيه يوم واحد مافكر فيه
انتم يمكن الحين بينكم وبين انفسكم تقولون مراهقه هاذي او شي تافهه لاكن تخيلي تتعلقي بشخص
سنين طويله من شاشه مايدري مين انتي ولا ايش انتي ولا يدري انك تنامي وتصحي على سنابه وعلى كتاباته بالتويتر
والله العظيم اني في ابتلاء بالشي هذا ولا اعرف كيف اتصرف انتم تدرون الرجال كلهم بعيني ولا شي كل تفكيري فيه
لدرجه اذا سمعت احد خاطبني او من يجي ببالي فلان شي غريب اللي جالس يحصل لي
صديقتي من النت ومن نفس منطقته الشرقيه هي الوحيده اللي تدري عن السالفه وقالت اعرف ان عنده شركه تصوير بحاول قد ماقدر اجيب لك رقمه
طيب لو جابت رقمه وش اسوي فيه اقول انا وحده من اكثر من 5 سنوات وانا متعلقه وانا مافكر الاف يك ولا انام ولا اصحى الا على
برامجك بيقول مو صاحيه؟
وانا جد احس اني فيني شي مو طبيعي
تخيلو من لما كنت طفله عمري 10 سنوات وانا عاطفيه جدا واكرهه الزواج التقليدي ولا ااديه نهائي نهائي
ولما وصلت سن المراهقه كنت اقول للبنات مستحيل اتزوج واحد اسحب اربح واتوهق بنفسي
لما عرفته صرت مابي اعرف غيره اصلا حياتي كلها موقفه عليه وربي يابنات انا خجوله بحياتي كلمت شخص غريب
بحياتي تجراءت على رجال كل اللي بيني وبينه برامج لاكثر
صح اني عنيده وامشي اللي براسي لو بالصياح والضرب لاكن الجراءه خاصه مع الرجال عندي صفر
ماعرف اقول كلمتين على بعض اصلا
المشكله واللي قاهرني هالشخص اللي تكلمت لكم عنه اقل من عادي تفهمون ايش اقل من عادي
واللي تقدمو لي فرق اشكال اجمل بكثير بكثير
لآكن سبحان الله مو للجمال ولا للشكل
108
52K

هذا الموضوع مغلق.

ايلاااان
ايلاااان
ياعمري حااسه فيك
كنت زيك
واكيد في بنات كثير زيك
بس طبعا تزوجت مستحيل اوقف حياتي عشان اوهام
وواحد مادرى عني
تزوجي وعيشي حياتك
بتتناسينه وبتحبي زوجك وبيتك وعيالك وهذا بيكون سراب يتلاشى شوي شوي


للحين يجي ببالي لدرجه قلت لزوجي ههههههه
جلس يضحك لانه شخص ماينحب ابدن ومستحيل يغار منه
اهديك بيت كنت اردده هههههه
ياخساره حبيت واحد مادرى عني
ياحسسسافه اشقيت نفسي بالتمني
اه بس ههههه
في القلب دكراهم
في القلب دكراهم
يا بنت احذفي كل برنامج موجود فيه ها الشخص او خلي البرامج الا الاساس وهو الكيك واحذفي حساباته ولا عاد تحاولين توصلين لها وايميله برضو واطلبي من صديقتك ما تجيب لك رقمه واشغلي نفسك بما انك تخرجتي من الجامعه وصرتي فاضيه
بنت الهواشم/
بنت الهواشم/
تسامحي من ٲمك
اظن هادي حوبتها حاولي تتقربي منها اكثر
ربت وكبرت واخر شي تقوليلها مالك دخل
تقبلي نصيحتي
همس آلمطر
همس آلمطر
انا بعد كنت مثلك حبيت فنان من عمالقة الفن وتعلقت فيه كنت اشوفه حتى ف احلامي هههههههه
هذذا الكلام قبل 15 سنه تقريبا والى الأن ماتصدقين لو اقولك باقي احبه ..😂
تزوجت وجبت عيال وباقي اذا شفت مقاطعه يحن قلبي ..
بس انتي حاولي مرره لاتفتحين فديوهاته وصفحاته الشخصيه عشان لاتتعلقين فيه اكثر وتتعبين اشغلي نفسك ب اشياء ثانيه ..
وعموما مافي بنت الا ومرت ب هالحاله ..
يعني شي طبيعي ومصيرك ان شاء الله تتزوجي وتنسي
لينا الجميلة
لينا الجميلة
احذفي جميع حساباته عندك ولاتاخذي رقمه وتتورطي نصيحه حاولي تبعديه عن تفكيرك واذا جاك عريس مناسب تزوجيه وراح تنسي الشخص هذا
كلنا مرت علينا فترة المراهقة واعجبنا بممثلين ومطربين والحمدلله كبرنا ونسينا ومشينا حياتنا ما وقفنا حياتنا على اوهام .. والله يوفقك