ماسه الحب @mash_alhb

عضوة

تجهيز شنطة الحج

سلام عليكم كيفكم بنات اللي ناويه تحج او سبق ان حجت تكتب لنا بااهم شي تحطه بشنطه الحج وايضا شنطه زوجي
وهل اقدر اخذ سشواري لانه شعري مايجف بسرعه وتعرفو الحر الله يجيرنا من حر جهنهم

يلزم عليك تسجيل الدخول أولًا لكتابة تعليق.

تسجيل دخول

زهرة النرجس111 • 8 سنوات

وعليكم السلام
انا سبق وحجيت الحمد لله
خذي معك ملابس ترتاحين لها بارده اكمام طويله غير ملفته للنظر
خذي شرشف صلاة وسجادة صلاة
مصحفك قلم دفتر فرشاة اسنان معجون اسنان حجم صغير فكس بنادول فيفادول مشط شعر فرشاة شعر كريم شعر اعواد الاذن عبايه مريحه غير الي انتي لابسه وغطا وجه ونقاب وطرح 2 كثري ملابس لانك صعبه تغسلين بالمخيم خذي مناشف صغيره للتجفيف بعد الوضوء للصلاة
ومنشفه كبيره بعد الاستحمام وخذي اكياس عشان تحطين فيها الملابس المستعمله
خذي شبشب مريح غير الي انتي لابسه عشان تمشين فيه بالمخيم
سشوار شاحن جوال خذي كريم حق تعب العضلات يمكن انتي ماتعودتي ع المشي تضطرين تستعملينه واي حبوب مهديه للتعب الجسم فلتارين سابوفين اي شي متعوده عليه
خذي معك صرف خصصيه للصدقه
ملابس داخليه كثيييييرررررر
ملابس للعيد لان فيه ناس تلبس يوم العيد بالمخيم لبس جميل
خذي شراشف صغيره الي تنلبس مثل الطرحه تستر الجسم تلبسينها بين الحريم
خذي اكل تحبينه مكسرات علوك اي شي تحبينه
اقصد الي متعوده تاكلينه بين الوجبات
خذي معك من كل شي زياده عشان لو احد احتاج تعطينه ويكون لك اجر
مقص شعر ومقص اظافر
هذا الي تذكرته الحين لو تذكرت غيره رجعت اكتب 🌹🌹💐💐

زهرة النرجس111 • 8 سنوات

صابون جسم سائل للترويش صابون ديتول ديتول حجم صغير وشمبو حجم صغيرر
جونتي بلاستيك الي لبس مره وحده يمكن تضطرين تستخدمينه ب اماكن ماتحبين تلمسين فيها شي مثل دورة مياة او كذا
قطرة عيون معقمه قطرة انف
كمام عشان تلبسينه مع الزحام
ان تذكرت شي رجعت اكتب😊

زهرة النرجس111 • 8 سنوات

🌂خذي شمسيه صغيره بيضا اللون
انا احب اللون الابيض احسه يعكس الحراره عاد انتي وذوقك بيضا او اي لون براحتك...
خذي بكلات شعر وتوك شعر لانه مع النقل للاماكن
والسفر تضيع خذي كثيررر
ويمكن احط يحتاج تعطينه
خذي كتب ادعيه وحصن المسلم وخذي كتاب تعليم العمره والحج تقرين فيه وتتعلمين الحج من بدايته ماتنسين شي هذا يعلمك الحج
ان تذكرت شي جيت اكتب
اهم شي حجي حجة مودع يعني لاتفوتين ثانيه بدون تستفيدين منها
لانك ماتدرين يكتب لك ربي غيرها اولا
ان شاء الله تحجين كل سنه يارب
بس نصيحه مني لكي لاتاخذك السوالف والتعرف على الحريم عن العباده
حاولي تختمين القران وتستغفرين كثيرر وكل وقتك عباده وتقرب لله
ايام معدوده وتخلص وترجعين ماعليك اي ذنب
كيوم ولدتك امك ب اذن الله
لاتنسين زهرة النرجس111
من دعواتك الطيبه
تذكريني يوم عرفه تكفييين والله يتقبل منا ومنكم الاعمال الصالحه يارب🌹🌹🌹💐💐💐

ماسه الحب • 8 سنوات

ياعمري زهره الله يشرح صدرك للايمان كفيتي ووفيتي وجعلها في موازين حسناتك

فال الخيرات • 8 سنوات

الله يحفظكم ويتقبل حجكم وييسره ويردكم سالمين
شوفي هنا ملف فيه اللي تبين وزيادة
http://forum.hawaaworld.com/showthread.php?t=73442...

الملف بآخر رد