كم ماقلت كم نوع مدعومه بالصور
هل ضروري اضيف الارز له
كم مده نقعه
يعني طريقته ونوعه ابغيها
اذا فيه رابط ينفعني اتنمى تنزلونه لي
ولكم جزيل الشكر ....

اقتباس مشاركة  (ام اريووم)
كم ماقلت كم نوع مدعومه بالصور
هل ضروري اضيف الارز له
كم مده نقعه
يعني طريقته ونوعه ابغيها
اذا فيه رابط ينفعني اتنمى تنزلونه لي
ولكم جزيل الشكر ....
يمكن ماعندي صور بس النوع احسن شي القصيمي مره يجنن انتي اذا رحتي للمطحنه شوفي الانواع وانتبهي يصير فيه حبه كبيره لانه مايذوب مع الطبخ مدة الطبخ ساعتين الا ثلاث ساعات

الطريقه له عدة طرق فيه ناس يحطون البصل والماجي والزيت واللبن والزبده والحليب والملح كلها مع بعض ويركبونه على النار ويحطون كمون وفلفل احمر حار حبتين او ثلاث ويخلونه يغلي بعدين يقصرون النار صغيره
طريقتي تختلف
كيلي الجريش مثلا كاستين وربع الكاس رز مصري غسليه وانقعيه بمويه دافيه اقل شي ساعه وكل مانقعتيه وقت اكثر عطاك نتايج افضل مع شوي محل وقرنين فلفل احمر حار
في قدر حطي زيت وبصل واحمسي عادي الين يصفر البصل حطي مويه نص القدر وملح ومكعبين ماجي وملعقه ماجي ابيض وكمون ملعقه كبيره وقرنين فلفل احمر وخليه يغلي عشر دقايق صفي الجريش وشيلي الفلفل الي في الجريش والي في المويه وكبيه على المويه وزيدي موية الجريش الى النص اضعاف الرز العادي وخلي النار عاليه مره اول مايغلي قصري النار مره وحطي الفلفل كله وجيبي قصديره وقصدري القدر وغطيه وخليه الين يتشرب المويه تكونين مجهزه لبن بحرارة الغرفه واذا تحبين اخلطيه بحليب الصافي او السعوديه بس انا مااحب الحليب مع الجريش وصبي اللبن وحركيه بس وخري الفلفل على جنب الكميه هاذي لها لتر لبن وكاس صغير حليب اذا تحبين وحركي القدر الين يدخل اللبن جوات الجريش بس وخري الفلفل ويتغلله حطي نص اصبع زبده ودخليها جوات الجريش وملعقه كبيره كمون والفلفل وغطيه ساعه بعدين افتحي القدر وشيلي القلقل ودقيه بملعقة خشب او ملاس واذا عندك معصد خشب يكون افضل وارجعي قفلي القصدير وغطيه بالغطا وخليه ساعه او ساعتين على نار هاديه مره في هالوقت جيبي بصله مقطعه وحطيها في قدر ثاني على جنب وحطي زيت كثير والبصل واحمسي البصل الين يصفر وحطي فلفل اسود بطرف الملعقه ليمون اسود مطحون لعقه صغيره ملعقة بهارات وملعقة كمون ومبعقه صغيره مسمنة القصيم اذا عندك وحركيهم شوي على النار وخليها على جنب هاذي كشنة الجريش جيبي قدر صغير ثالث على النار وحطي اصبع زبده وخليه يذوب على النار الين تروح الرغوه ويصير بني وهاذي اسمها الذوبه وممكن الباقي تحتفظين به في الفريزر في علبه بعد مايخلص الجريش افتحي وشيلي الفلفل وبعد دقيه بالملاس ثانيه وحطيه في بوادي او الي تبين حافظه حطي الكشنه فوقه والذوبه والفلفل الاحمر وهاذا احلى جريش جاهز عندك
جزاك الله خير ...حبات الجريش عندي صغيره
يعني تقريبا لازم يطبخ زي باقي الحبوب ...اللبن لزوم منه ...شكرا على ردك ليه صراحه تحطمت يوم ماحد رد عليه ...
جربي جريش نوره اعتقد تركي او عراقي
طريقتي احط كل شي مع بعض الا الفلفل لانه بيتقطع ويصير حار واذا بدت يغلي اقصر عليه وكل فتره اروح احركه واذا نشف ازوده لبن او زبادي وتقريبا يجلس 3ساعات وقبل يجهز بنص ساعه حطي كم قرن فلفل احمر يطلع نكهه وريحه تجنن ولاتنسين الكشنه خليها بصحن على جنب مع زبده اللي يبي يحط...
ملاحظه....
احيان احط رز مصري معه تقريبا ربع مقدار الجريش يخلي قوامه ثقيل وحلو
اقتباس مشاركة  (عشق بدوي2010")
جربي جريش نوره اعتقد تركي او عراقي
طريقتي احط كل شي مع بعض الا الفلفل لانه بيتقطع ويصير حار واذا بدت يغلي اقصر عليه وكل فتره اروح احركه واذا نشف ازوده لبن او زبادي وتقريبا يجلس 3ساعات وقبل يجهز بنص ساعه حطي كم قرن فلفل احمر يطلع نكهه وريحه تجنن ولاتنسين الكشنه خليها بصحن على جنب مع زبده اللي يبي يحط...
ملاحظه....
احيان احط رز مصري معه تقريبا ربع مقدار الجريش يخلي قوامه ثقيل وحلو
طبخته على ماقلتو طلع صح ناضج بس الطعم لا ...والفلفل الحار امي ممنوعه منه ...فيه شي يخليه طعمع حلو ..ماقصرتو


الساعة الآن 06:21 .