السلام عليكم ورحمة الله وبركاته
يابنات انا قدر الله علي وتزوجت واحد ماياكل لابشاميل ولا مصقع بادنجان ولا سلطاتنا حنا يالبنات ولا خضروات مرقه الا بطاطس وطريقة معينه مكرونه
كنت اذا ططبخت كشري ولا مصقع ولا سلطات مكرونه وذرة ولا شاورما يووووه احممم بمممم بممم محد قدي وسنعه وخروا عن طريقي
خذيت واحد اهو واهله مايشوفون ذاالاشياء شيء
يعني يحب المطازيز
والمراصيع
والمرقوق
والكبسات الاحترافية يبيها زي طعم رز العروس جبت كادي وكنت مأمله عليه لفيت كم سوبرماركت لقيته وحطيته وفي الاخير كنك يابو زيد ماغزيت
قالتلي وحدة البرتقال واعصرة عالكبسة ولا فاد
اخر شيء قريت عن اضافة السكروسمن فارم ومترددة
الملح يايصير مالح ياخانس الباهارات يايصير مافي طعم وان حطيت فلفل اسود صار ماينبلع من الحرورة
واخرتها ابوه جلس يدق علي بالحكي فتح مقطع عراقيه تخبز بالتنور وقال ها يافلانه تخبزين لرجلك كذا ويضحك
ابي اطبخ مطازيز باللي هي به بشكل مضبوط
طبخت القرصان بقدر الضغط صار حوسه ومعبوك لما خلطته
المراصيع جربتها اكثر من مرة في بيت اهلي ماضبط الطعم الحنيني في الشتاء سويته ماضبط الطعم
وابي اعرف سر طعم الكبسات ايش جربت البرتقال والبهارات الصحيحه وورق الغار مانفع للحين يقول مافي طعم
الكباب جربت اسويه بصل وبقدونس ولحم مفروم وبهارات ولزق بالصينية ماتماسك لااحد يقول حطي دقيق طيب وش كثر مابي االف
الكيك ياناس اسهل شيء اخذت طريقته من اختي وضبط بس ماعجبهم طعمه يبغون شيء مميز ببرتقال أو كاكاو وانا مابي االف مقادير من راسي
جربت المهلبية ابي اضبطها والكريمه ماضبطوا معي والمفاجاه حلا سماط ماعرف
اشوفهم يسوون حلا سماط جلي ودريم ويب
ومهلبيه بيضاء وفوقها مهلبيه بنيه بصينية قزاز واتشهواها وافحط ابي اعرف طريقتها ومابي اسالهم توبه مايعلمون ويتسحقرونك انك انتي الدبشه واهم ابو العريف
القهوة جبتها من اهلي احط فناجلين قهوة تصير ثقيله ومايطعم الهيل
واذا خفف القهوة صارت موية أو يصير الهيل طعمه لاذع
تعبت وتحطمت ووصلت حدي
وكل ماطبخت واخذته معي لهم مالمسوه والله يكبونه قدام عيني
سويت شوربه وقالت اخته ماسخه مافيها طعم وقالت بملحها بخليها ناطعه يني لاهي مالحه ولا ماصخه مضبوط ملحها
وهذي مصيبتي كيف اعرف اخلي الطبخه ناطعه لاهي ماصخه ولا هي مالحه
اعرف انهم يستخدمون ماجي واستخدمته ببعض الطبخات لهم ولا عجب
كثير اشياء ابي اسال عنها وافضفض فيها لكن مافي وقت اعصر مخي
02-12-1436 هـ, 01:03 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لا تحرصي علي رضاهم وزوجك مع الايام يتعود
ابنك على ما تربيه وزوجك على ما تعوديه
02-12-1436 هـ, 01:52 صباحاً
 
ياحبيلك بس حبيتك من اسلوبك
لايهمونك واذا هم ماعندهم ذوق ويكبون اكلك ليش تحاولين ترضينهم
02-12-1436 هـ, 08:42 مساءً
 
سوى الاكل الذى انتى شاطرة في مرة مرة بيعجبهم
02-12-1436 هـ, 09:48 مساءً
 
لاتحاولين ترضينهم سوي اكلك الي تعرفينه وبيطلع مضبوط وحلو اذا عجبهم عجبهم ماعجبهم بكيفهم واذا عيبوا علي الي تسوينه عيبي على اطباقهم كل عروسه لازم تخبص في البدايه لين يضبط
شوفي اهم شي في المرق والايدامات كثري شوي الزيت والبصل وقلبيه زين زين لين يصير بني فاتح لا ينحرق وبعدها ضيفي اذا لحم قطعيه صغار وحمسي وضيفي فصين ثوم وبعدها طماطم معصوره وشوي معجون طماطم وخليه يتسبك خمس دقايق وبعدها حطي مويتك وتكون مغليييه وخليه نص ساعه تستوي لحمتك بعدها ضيفي الخضار وبهاراتك حطي فلفل اسود وكمون وكزبره وبهارات الدجاج تلاقينها ببنده كميات متساويه وضبطي ملحك وخليه يتسبك على نار هاديه اذا دجاج نفس الخطوات بس ضيفي الخضار قبل الطماطم والمويه وحمسيها على نار هاديه خمس دقايق وكملي زي اللحم
تصلح هذي الطريقه للبطاطس مع جزر وفلفل بارد وكوسه او باميه او فاصوليا
05-12-1436 هـ, 11:18 صباحاً
 


الساعة الآن 12:54 .