القهوه كلن له طريقته بقولك طريقتي وانتي عدلي فيها النكهات الي تحبينهاا لكل كوب ماء ملعقه كبيره قهوه ملياانه بن حمسته وسط حطي المويه وتكون مغليه في البراد وضيفي القهوه وضيفي قرفه وقرنفل حب مو مطحون عشان لا يمرر القهوه انا احط كوبين مويه معها عودين وسط قرفه وعشر حبات قرنفل وخليها تغلي ربع ساعه على نار هاديه واذا نقصت مويتها زيدي مويه مغليه وحطي في ترمسك ملعقه صغيره هيل مطحون فرش وصفي القهوه عليه وتمتعي بالقهوه الي تعدل المزززاج ويا سلام لم معها حلا يم يم
بعطيك حلا بارد سهل علبه بسكوت دايجستف اطحنيه مع زبده ورصيه في الصينيه الطبقه الثانيه علبه كبيره حليب مركز محلى وثمان حبات كيري اخلطيها في الخلاط وصبيها على البسكوت ودخليها الفرن من فوق بس لين تجمد بدون لا يتغير اللون وطلعيه يبرد الطبقه الثالثه مارس تذوبينه مع قشطه ولا جالكسي مع قشطه كمان اربع او خمس حبات مع علبه قشط
اقتباس مشاركة  (نور._.)
السلام عليكم ورحمة الله وبركاته
يابنات انا قدر الله علي وتزوجت واحد ماياكل لابشاميل ولا مصقع بادنجان ولا سلطاتنا حنا يالبنات ولا خضروات مرقه الا بطاطس وطريقة معينه مكرونه
كنت اذا ططبخت كشري ولا مصقع ولا سلطات مكرونه وذرة ولا شاورما يووووه احممم بمممم بممم محد قدي وسنعه وخروا عن طريقي
خذيت واحد اهو واهله مايشوفون ذاالاشياء شيء
يعني يحب المطازيز
والمراصيع
والمرقوق
والكبسات الاحترافية يبيها زي طعم رز العروس جبت كادي وكنت مأمله عليه لفيت كم سوبرماركت لقيته وحطيته وفي الاخير كنك يابو زيد ماغزيت
قالتلي وحدة البرتقال واعصرة عالكبسة ولا فاد
اخر شيء قريت عن اضافة السكروسمن فارم ومترددة
الملح يايصير مالح ياخانس الباهارات يايصير مافي طعم وان حطيت فلفل اسود صار ماينبلع من الحرورة
واخرتها ابوه جلس يدق علي بالحكي فتح مقطع عراقيه تخبز بالتنور وقال ها يافلانه تخبزين لرجلك كذا ويضحك
ابي اطبخ مطازيز باللي هي به بشكل مضبوط
طبخت القرصان بقدر الضغط صار حوسه ومعبوك لما خلطته
المراصيع جربتها اكثر من مرة في بيت اهلي ماضبط الطعم الحنيني في الشتاء سويته ماضبط الطعم
وابي اعرف سر طعم الكبسات ايش جربت البرتقال والبهارات الصحيحه وورق الغار مانفع للحين يقول مافي طعم
الكباب جربت اسويه بصل وبقدونس ولحم مفروم وبهارات ولزق بالصينية ماتماسك لااحد يقول حطي دقيق طيب وش كثر مابي االف
الكيك ياناس اسهل شيء اخذت طريقته من اختي وضبط بس ماعجبهم طعمه يبغون شيء مميز ببرتقال أو كاكاو وانا مابي االف مقادير من راسي
جربت المهلبية ابي اضبطها والكريمه ماضبطوا معي والمفاجاه حلا سماط ماعرف
اشوفهم يسوون حلا سماط جلي ودريم ويب
ومهلبيه بيضاء وفوقها مهلبيه بنيه بصينية قزاز واتشهواها وافحط ابي اعرف طريقتها ومابي اسالهم توبه مايعلمون ويتسحقرونك انك انتي الدبشه واهم ابو العريف
القهوة جبتها من اهلي احط فناجلين قهوة تصير ثقيله ومايطعم الهيل
واذا خفف القهوة صارت موية أو يصير الهيل طعمه لاذع
تعبت وتحطمت ووصلت حدي
وكل ماطبخت واخذته معي لهم مالمسوه والله يكبونه قدام عيني
سويت شوربه وقالت اخته ماسخه مافيها طعم وقالت بملحها بخليها ناطعه يني لاهي مالحه ولا ماصخه مضبوط ملحها
وهذي مصيبتي كيف اعرف اخلي الطبخه ناطعه لاهي ماصخه ولا هي مالحه
اعرف انهم يستخدمون ماجي واستخدمته ببعض الطبخات لهم ولا عجب
كثير اشياء ابي اسال عنها وافضفض فيها لكن مافي وقت اعصر مخي
تابعي حساب فتافيت خوله في الاستقرام
وكبسات ام سعودي البطل وأن شاء الله تستفيدين
الحين بس هم الي يقولون طبخك شين ؟؟؟؟؟؟ ولا اهلك بعد
تاكدي من هالموضوع اذا بس تحبيط فيك وتكسير مجاديفك لحد ماتفقدين يقتك بطبخك
على العموم مع التعليم بتتقنين الاشياء
تابعي فروحة الامارات
ورد تميم بالانستقرام للأكلات الشعبيه ومراح تقصر معك لو شرحتي لها وضعك أم فيصل راعية سنع وذرابه ماشاء الله عليها
أم ريما (مشاعل العتيبي) وعندك مدونة مستكه جميله فعلا وعندك موسوعة الطبخ فيها كل شي وعندك سامي الموسى ماشاء الله شغله جميل وتابعي افنان ابا الخيل (افنانيتو) بالانستقرام والاستاذه منى قبوري بالانستقرام شي راقي وابداع وجمال الله يعطيها الصحه تابعي حساب سنعات للأكل (الطبخ العادي) وحساب سنعات لسلطات وحساب سنعات للحلا وحساب أم عائشه لطبخ (تنزل طبخات المتابعات) أحساب أم جنا بعد جميل
وأضيف بعد تابعي بقناة قتافيت المبدعه (حورية زنون ) المعروفه بحورية المطبخ انا اعتبرها عرابتي وملهمتي في عالم المخبوزات جمال جمال جمال
بسم الله ماشاء الله عليك من طرريقتك لطررح مششكلتتك هااانت علييك ان شاء الله
وانا احس ان عندك حس ونفس في الطبخ .. ومجرد ماراح تعرفي السر في كل طبخه راح تطلع من يدك لذيذه
انصحك تتابعي منال العالم ع اليوتيوب راح تفهمك اسرار واشياء دقيقه مهمه في الطبخ


والله يوفقك ويمتعك بالصحه والعافيه


الساعة الآن 01:26 .